عنوان الموضوع : زوجي ماله شخصية قدام اهله (( ارجوكم ساعدوني لاني افكر بالطلاق )) -تم الاجابة
مقدم من طرف منتديات نساء الجزائر

زوجي ماله شخصية قدام اهله (( ارجوكم ساعدوني لاني افكر بالطلاق ))



السلام عليكم ورحمة الله وبركاته

انا بدخل في الموضوع على طول

الصراحة انا وحدة مالجة وصار لي 9 شهور وزواجي ان شاء الله بعد شهر

ومشكلتي ان ام زوجي وخواته كل ما اختار كوشة او بخاطري شي اسويه ما يعجبهم

مب بس جذي

تصوروا احيانا توصل المواصيل بامه واخته انه لو اتصلو لي وما رديت عليهم لانشغالي او شي يخبرونه وهو يتصل بس عشان يستفسر ليه انا ما ارد عليهم

وطبعا كلنا نعرف ان هذا مش اسلوب رجال عاقل

اقول له انا اشوف جوالي ماله داعي امك او اختك تخبرك ليه انا ما ارد انا في كل الحالات بتصل

وحتى مرة من المرات وقت صلاة التراويح اخته اتصلت بي وانا كنت بعيدة عن الجوال اصلي طبعا واقرا قرآن حوالي الساعة 09:30 مساء وما خلصت الا الساعة 11:15 تقريبا ولما شيكت على جوالي لقيتها متصلة حوالي 3 مرات

رجعت اتصل فيها رنتين وحياتكم الا سكرت الخط بوجهي ..
المهم انا ما حطيت بذمتي قلت ممكن نايمة او مشغولة وللعلم اغلاق الخط اسلوب غير مهذب

المهم مر على الموضوع 5 ايام وعرفت من زوجي انها زعلانة لاني ما رديت عليها واسمعها هي تزعق وتصرخ ان انا ما ارد , وقلت له انا اتصلت فيها وهي سكرت الخط وللاسف يبرر فعلتها انها ما تقصد
وعديت الموضوع على خير

وجا وقت الام اللي كل يوم تدور علي الزلات وانا مش في بيتهم بعدي على البر ..
مرة انا طالبة فلوس منه ومرة انا ما فيني سنع .. ومرة انا طولت لساني وهاي طبعا على لسانة .. لانها مش كفو تواجهني ..
سكت وصبرت عليه وعلى اهله وكل يوم مطلعين لي سالفة ..
حتى على العرس هم يختارون عني وبعد سكت ..
واخته بعد كلمتني ان الطاولات ما عجبتهم وقلت ادبها وغطلت وسكت بس عشان خاطرة وانا انسانة ما احب المشاكل .. وللاسف يوقف معاهم ضدي .. للعلم انا سامعه من الناس انهم متعدين على زوجة اخوه بالضرب وكل الناس عارفة بسوالف خواته وامه .. بس هو طيب وما يبي يبين لي ان اهله فيهم عيب ..
سامحوني طولت عليكم .. بس انا تعبت نفسيا ..
وما ابي اتزوجه خلاص كفاية اللي شفته من اهله .. للعلم انا بسكن معاهم بنفس البيت ..

شاسوي .. ساعدوني وجزاكم الله خير انا اطالع الله ثم اطالعكم والله .. هل اكلم اهلي يتدخلون والا احل الموضوع واقول له ما ابيك ؟ والله انا كرهته بسبب اهله

>>>>> ردود الأعضـــــــــــــــــــاء على الموضوع <<<<<
==================================


الله يعينج يا اختي. اصبري وحاولي تتكلمين معه بصراحة ان الحال ما يمشي بهالطريقة. اطلبي منه اذا امكن ان تعيشين في بيت منفصل بعيدة عن تدخل الاهل. واذا ما ممكن اطلبي منه بصراحة من البداية بعدم تدخل الاهل في حياتكم نهائيا. اعملي جلسة مع اهله وبحضوره وبكل لين ولطف حاولي تفتحين قلبك معاهم.
ما دام هو يحبج وما يريد يخسرج اكيد حيلقي حل ان شاء الله.
الله يسعدج ويوفقج ويسعد نساء الامة الاسلامية يا رب يا كريم


__________________________________________________ __________

خيييييير وين انا فيه قوليله اذا شافوك ساكته بيفرحون قولي لم زوجك ولا تسكتين واذا شي عاجبك قولي انه زواجي مو زواجك بصرراحه قهررر


__________________________________________________ __________

حبيبتي نصييييييييييحه عيشي ببيت بروووووووووووحك وخلي هذا شرطج


والله انا كنت بالضبط مثلج وهذا انا عايشه معاه من 5 سنوات مشاكل بمشاكل من اخته لانها كبيره بالعمر وما متزوجه
انا ما امدح نفسي بس انا وحده بحياتي ما واجهت مشاكل الا بعد الزواج وبطبعي جباااانه واخاف المشاكل واول ما اواجه مشكله يرتفع ضغطي ويغمى علي واحين بس اكتشفت اني مصابه بالصرع..الحمدلله ع كل حال..الحين بس زوجي جالس يدور بيت ايجار عشان نستقر بروحنا


نصييييحه عيشو بروحكم...


__________________________________________________ __________

انا من رايي تطلقين مادام انتي على البر ......صدقيني تبي تتعبين كثير كثيرررررررررررر كثير
لاتكونيين مثلي ...ما يفيد ولى التفاهم


__________________________________________________ __________

من الحين اهم شئ بيت برووووووووووووووووووحك الله يوفقك