عنوان الموضوع : مشكلتي وقلبي هالمطفوق أللي مو راضي يثقل على أحبابه مجابة
مقدم من طرف منتديات نساء الجزائر

مشكلتي وقلبي هالمطفوق أللي مو راضي يثقل على أحبابه



خلآص أنا قربت أستخف ويمكن أدخل مستشفى شهار حق المجانين عن قريب
والسبب قلبي المطفوق وحساسيته الزائدة ..

أنا مخطوبة ليّ سنه ونص وعمري 20سنه وخطيبي 23 بس مشكلتي هيّ :
أني أول ماأنخطبت ماكنت متعلقه في خطيبي مره عادي عندي اتصل حياه الله
ماأتصل الغايب عذره معه وكان ينجن علي مستحيل يمر يوم مايدق ويتطمن علي
حتى أحيانا يسوي نفسه داق بسألني عن حاجه وهو بس كل قصده أنه يسمع صوتي وجلسنا على هالحال يمكن 9شهور وبعدها تغير الوضع , لدرجه صرت أمنعه من السفر وأقول ماله داعي وإذا راح عند ربعه أقعد كل شوي أزعجه متى بترجع ويالله أرجع وكان يتحملني بس ألحين لا صار يعصب علي ويقول أهلي راضين وأنا رجال اطلع متى ماأبغى , طبعًا أقتنعت في كلامه , بس مشكلتي ألحين أني كل شوي أدق عليه يعني في اليوم 5مرات بس أدق وأشوفه وينه فيه
واسأله ليه مادقيت وأسكر وكل يوم على هالحال , إلين جاء قبل اسبوع وقلتله أحسك متغير عليه قال أدري قلت ليش طيب قال أنتي منتي مخليتني على راحتي مسببتلي قلق وأنا والله ماأكرهك والله أحبك بس عيبك الوحيد أنك ماأنتي ثقيلة.
قلتله طيب ودي أنك ترجع تعاملني مثل أول قال أثقلي يابنت الناس وماراح تلاقي مني ألا كل خير , قلتله وشلون أثقل ؟ قال: ودي يوم أتصل عليك وتقولين لي مشغوله ماأقدر أكلمك , ودي يوم اتصل عليك وأنتي نايمة تطنشيني إلين تصحين زي كذا وانتي بنت ومايحتاج أعلمك ., قلتله خلاص أبشر مارح تشوف الأ اللي يفرحك قال خلاص قلتله بس اصبر علي شوي قال بصبر مثل ماصبرت كل هالشهور ..

ـألحين اللي تاعبني أني كل مانويت أثقل أرجع أسوي نفس حركاتي الخفيفة
يعني ماأعرفت , أحيانا اقول في نفسي خلاص بكره ماراح أدق عليه لين هو بنفسه يدق , بس فيه شيء في يدي يحكني وعلطول بدون ماأحس أمسك الجوال وأدق ., لاتقولون أشغلي نفسك هذا أنا أحاول أحيانا أشغل نفسي بس مو قادرة أقعد أفكر فيه ومايرتاح قلبي ألا لا أتصلت عليه مو خوف عليه بس كذا ماأدري أيش هذا الشعور , والرجال أحسه طفش ومتحملني المسكين , وأنا مو عارفه وش أسوي تكفون ياحريم يارزينات علموني كيف أصير رزينه وثقيله ؟
علموني كيف أرجع أخليه هو اللي يشتاق ويتصل مو أنا ؟؟

بسرررعه ترى حدي تعبانه من هالسالفة وودي يجي يوم يدق علي وأحسه مشتاااق لصوتي ..

>>>>> ردود الأعضـــــــــــــــــــاء على الموضوع <<<<<
==================================


ياعسل حاولي تمنعي نفسك واليوم قفلي الجوال عشان يخاف عليك ويحس بقيمتك


__________________________________________________ __________

حبيبتي حاولي انك تنسين انه عند جوال اصلا وتخلينه في يدك كثير وانسي انه عندك خطيب واجلسي مع اهلك واستانسوا واسعدي اهلك بطبخه حلا في العصر ولا تكفلي بالعشاء منها بربوالديك ومنها تنسين خطيبك وماراح تلاقين نفسك الا وهو يدق واذا سالك ليش ما تقيتي لاتقولين اتثيقل قولي كنت مشغوله والمره الثانيه كذا والثالثه .. وشوفي النتيجه ....

اللهم اعطها الرزانه في كل شئ والحكمه من عندك اللهم امين اللهم امين......
تقبلي ودي طموحي المآسور!!


__________________________________________________ __________

المشاركة الأصلية كتبت بواسطة طموحي المآسور!!
حبيبتي حاولي انك تنسين انه عند جوال اصلا وتخلينه في يدك كثير وانسي انه عندك خطيب واجلسي مع اهلك واستانسوا واسعدي اهلك بطبخه حلا في العصر ولا تكفلي بالعشاء منها بربوالديك ومنها تنسين خطيبك وماراح تلاقين نفسك الا وهو يدق واذا سالك ليش ما تقيتي لاتقولين اتثيقل قولي كنت مشغوله والمره الثانيه كذا والثالثه .. وشوفي النتيجه ....

اللهم اعطها الرزانه في كل شئ والحكمه من عندك اللهم امين اللهم امين......
تقبلي ودي طموحي المآسور!!


انا من راي الاخت


__________________________________________________ __________

والله يااختي انا حالتي حالتك بس مع واحد من اقاربي وتقريبا صار معاي مثل اللي يصير معاك انتي وهو
وانا كذا مع كل احبابي
ومادخلت موضوعك الا عرفت انك مثلي
دايم اقول ياليت اقدر اصبر اقدر اكون ثقيله واحيان ازعل من تطنيشهم وفي الاخير اشتاق وارجع
الله يجعل قلوب احبابك واحبابي تصير مثل قلوبنا وقلوبناتصير مثل قلوبهم


__________________________________________________ __________

ههههههههههههههههههههههه والله انا نفس حالتك
كانك تحكي قصتي من البديه حتي النهايه
والحين لا اسال عنه ولا يسال عني بسب طفقتي