عنوان الموضوع : حكم القوي على الضعيف حسبي الله ونعم الوكيل -تم الاجابة
مقدم من طرف منتديات نساء الجزائر

حكم القوي على الضعيف حسبي الله ونعم الوكيل



االسلام عليكم

بقول مشكلتي بالتفصيل
وابي منكم تحطون نفسكم مكان خالي وتقولون لي وش بتسسون وقتهاا ااو وش بتقولون ....


ااناا زوجي انسان بليد ماعنده مسؤليه

وداني السوق مره وجت 12 بالليل مارجع ياخذني السوق قريب من البيت بس ولو يبي له سياره
دقيت عليه قاال انا بعيد دقي على اااحد من عشر ونص وانا اادق ومع الاسف
اخر شي قال ااانا ابتعشى الحين وان مالقيتي ااحد جيت ااخذك طبعاا هو في مكاان بعيد في مزرعه

تعبت وانا انتظره وكاان وقت داخل الاسبوع محد رد علي

االمهم مشيت وانا حامل ووالله ما اكلت شي حسيت نفسي بدوخ وبموت من الجوع وصلت عند الاشااره وتعبت عجزت ااكمل خفت اقعد الحالي باالسوق ومشيت وتعبت وجت سيااره والله من غير فكري وقفته قلت والي بيصير يصير وصلني قال لي اركبي
ركبت ووصلني علطول ودعيت له ومشيت

والله يجزاه خير ربي مرسله لي
بعدين كلمت زوجي قلت وصلني ولد خالتي وقال زين يعني عادي عنده ماحبيت اقول له اااني ركبت مع انسان غريب


المهم اانا قلت لخالي السالفه
وربي ااني تندمت قد شعر رااسي
تكفون تكفون مابي اي ااحد يتعاطف معي
بي تجاووبوني لو ااانتم مكان خالي وش بتقولون

خالي قاام يهاوشني ويقول ليه تركبين
مع احد ماتعرفينه كاان كملتي مشي

ويقول وش يضمن لي اانك ماتعرفين االرجاال االحين قهرني قسم بالله اانقهرت من قلب

تكفون حطو نفسكم مكانه وقولولي وش بتقولون

والله العضيم الضرووووووووف جبرتني

>>>>> ردود الأعضـــــــــــــــــــاء على الموضوع <<<<<
==================================


الخطأ مو عليك على زوجك هو الي مايغار عليك ولا كيف يحطك بالسوق وقولك دبري نفسك لو مالقيتي
حد كيف هو مايخاف عليك؟

يمكن خالك تكلم كذا من خوفه عليك بس لما يهدأ يمكن يعرف انك معذوره وخالك قول له انك كنتي تعبانه
ووضحي له الامر واختي مره ثانيه اذا بتروحي السوق قولي لزوجك ياما يبقى معك ولا روحي مع اهلك ولا تروحي لحالك مره سلامه مره ندامه

والله يهدي زوجك الي ماعنده تحمل للمسؤليه


__________________________________________________ __________

الله واكبر ياخالك هذا مسوي فيها ابو العريف

طنشيه واعطيه صفر على الشمال

قسم بالله وانا اختك ان هالزمان ماينفع فيه الا التطنيش دخلي من اليمين وخرجي من اليساااار

خلي شككه على نفسه لو انا منك اقول كل من يرى الناس بعين طبعه

جد يقهرررر وطنشيه ولاتلقي له بال ابد لو يقول من اليوم لا الصبح


__________________________________________________ __________

انعدمت الغيره عند الازواج !!!

معقوله يسيبك با السوق ويقول لك دبري عمرك !!

وانت بعد غلطانه مهما كان تعبك ماتركبي مع اي احد من السشارع

الله يخلف ماصار فيه رجال انعدمت الرجووله ....


__________________________________________________ __________

لا بالعكس حبيبتي انتي عشانك حامل وتعبانه تفكرين بعاطفتك بس انتي فكري وحده حامل لحالها والساعه عشر بالليل راجعه حتى اللي اخذك لو مو ولد حلال كان رحتي ف خبر كانا......
خالك من خوفه عليك وغيرته تكلم وعشان ماتعيدينها....
وانتي مادام الله سلمك كان سكتي.......
الله يهدي زوجك


__________________________________________________ __________

بالعكس انا أرى بأن خالك رجل غيور وله كلمته ..مهما كان حكمه قاسي وكلامه جارح
الا أنني ارى بأنه رجل غيور على عرضه ..فلولا خوفه عليك وغيرته عليك لما غضب من تصرفك
الذي ارى انه كان جدا خاطئ ، لم يكن يجدر بك الوثوق بأي شخص غريب وتذهبي معه
هذي المره ربي ستر عليك ورحم حالك وضعفك ..لكن إياك ان تعيديها مرة اخرى مهما كانت ظروفك

اما بالنسبه لزوجك فلا حول ولاقوة الا بالله ..الله يصلح حالنا وحاله ان شاءالله