عنوان الموضوع : مشكلتي مع زميلاتي في الجامعة ..
مقدم من طرف منتديات نساء الجزائر

مشكلتي مع زميلاتي في الجامعة ..



السلام عليكم ورحمة الله وبركاته

معليش بدخل بالموضوع ع طول

انا في اول سنة من الجامعه وحصلت لي مشكله مع البنات اللي معاي

انا الحمدلله بنت هادية ملتزمة متوآضعة جدآ
احب اكون صداقات او بالعربي اجتماعه جدآ حتى مع الاشخاص اللي اول مره يقبلوني ..

اول يوم بالجامعه صادقت بنت كانت معي بنفس قسمي برمز لها بالرمز [ف]
بعدين من بكرا صدقت وحدة ثانية بس مو معاي بالقسم برمز لها بالرمز [أ]

مشى اسبوع على الدراسة .. وهم البنتين صايرات مع بعض ومخليني يعني يسولفون مع بعض ويضحكون حتى ملقيني ظهرهم وهما يسولفون .. بس انا ماخذتها بخاطري مشيتها عليهم

الاسبوع الثاني من الدراسة .. جت هذي [أ] لي انا و[ف] وقالت ان متعرفة ع بنات ثانيات ليش مانصير معاهم ..

كلنا رحبنا بالفكرة .. جلسنا معهم كان عدد البنات اللي جلسنا معاهم يقارب 5 - 7 بنات ..

انا اول ماجلست معاهم مارتحت لهم .. لان كانوا غير ملتزمين وكلامهم قليل ادب بعض الشيء ..

قلت انا لـ [أ] اني مارتحت ماودي اجلس .. ومااغصبك نك تقومي لا براحتك بس انا تفسي مارتحت .. قالت لي : جربي تجلسين وكذآ وش بيضرك ..

قلت خلاص نجرب نجرب ..
*بما اني جديده ولا اعرف احد حتى الان ..

مضى الوقت وانا معهم .. لكن لاحظت ع وحدة منهم تغير تجاهي الى درجة تسكتني عشان تكلم ولو ضحكت اشرت لي بيدها يعني اسكتي عشان هي تكلم .. انا استغربت من حركتها مع العلم انها كررتها كم مره وامشيها .. وانا من طبعي مااعرف اصير نفس اسلوب الشخص اللي قدامي يعني سكتني اسكته .. بس اتضايق .. وصلت الى درجة انها اذا جلست انا .. هي قامت مع البنات كلهم وخلتني لحالي جالسة

تكلمت مع وحده من البنات وقلت لها اني متضايقه وان فيه وحده من البنات تسوي كذآ وضايقتني طبعا بدون ماقول اسم البنت ذيك .. قالت اكيد انك تقدصين فلانه ايه هي قالت لنا انها ماتعجبها حركاتك .. انا انصدمت قلت اي حركات قالت .. انك يعني مو كويسه وحركاتك قليلة ادب .. انا انصدمت وبغيت ابكي كيف يعني ماعمري بحياتي سويت شيء قليل ادب او حركة مو كويسه ..

وكل يوم يصير شيء يضايقني معاهم بس اطنش لان ماله داعي اصغر عقلي للتوافه هذي .. بس صار الامر يكبر ..
وانا معدت اتحمل حتى دراستي واختباراتي غير مرضيه ..

بعد ماتكلمت مع امي قالت اكيد ربي يريد فيك خيرة اتركيهم وربي يعوضك صحبة خير افضل منهم ..
استصعبت الامر بالبداية ولكن توكلت ع ربي وتركتهم .. لكن قبل ان اتركهم كلمت صديقاتي اللي صاداقتهم اول شيء [ف]و[أ] وقلت لهم اني ماراح جلس معكم وكذآ ..
جت [ف] وقالت : خلينا صريحين يا........ انتي فرقتي بيننا كلنا وقالت بصريح الكلام : [بداية الترم كنا سمن ع عسل جيتي انتي وفرقتي بيننا ]
* مع انهم الى الان نفس العدد من اول ماكنت معهم مانقص احد .. الا انا صرت ما اجلس معاهم ..

انا من قوة كلامها عجزت اتكلم ..

جت الثانية [أ] قالت وانتي يا.............. مغرورة وشايفة نفسك ولاتعطين احد وجه يتكلم معك .. واصلا انتي تدورينها وجاتك من الله عشان تروحين مع وحده برمز لها بالرمز [ش] ..
بس قلت : مين قال اني بروح مع [ش] .. هي معاها صديقاتها وعيب ادخل بينهم .. هذا الكلام اللي قلته لا ازيد ولا انقص حرف ..

ويوم طلعت وجيت من بكرا اثاري البنت اللي اسمها [ش] متغيره وتستحقرني ولاتسلم حتى ولا تناظرني ..

انا بقوة استغربت مادري ايش السالفة ..
قلت خليني اروح لها اكلمها نتفاهم انا وياها .. رحت لها قابلتها وهي تمشي اول ماشفتها ابتسمت لها ونديتها اقول [ش] لفت وجهها عني وهي تستحقرني .. مابغيت اني اخذ فكره ع طول من حركتها هذي .. قلت امسكها من يدها يمكن ماسمعتني ..
مسكتها من يدها وانا اناديها .. جت سحبت يدها بقوه ومشت عني .. وانا اخنقتني العبره بس مكست نفسي ورحت لمكاني المعتدد وهو المصلى الموجود بالجامعة ..

والى الان لا اعرف ماسبب تغيير هذي البنت اللي اسمها [ش]

وللمعلومية .. الان انا لا اجلس مع البنات اللي ذكرتهم سابقاً ..
لكن الى الان تعبانة نفسيتي بسبب هذا الاختلاف الحاصل .. اللي الى الان مااعرف من سببه ولجل ايش صار ..

واضافة اخرى ومعليش ع الاطالة : انا نصف بنات الجامعة اعرفهم وكل ماامر ع وحدة من اللي اعرفهم اسلم عليها من باب اني اعرفها ولازم السلام عليها .. كانوا اللي معاي اذا وقفت اسلم ع اللي اعرفهم .. كانوا يقولون :- اوووف كل الجامعة تعرفينهم كل الجامعة من معارفك ..

وهذي مشكلتي واريد ليش حل بس تعامل سريع معهم ..

>>>>> ردود الأعضـــــــــــــــــــاء على الموضوع <<<<<
==================================


يسعدني اكون اول من رد عليييك
عادي حبيبتي
دامك صح ليه تبالي فيهم والله مايستحقووون ذره اهتمام ومبالاه منك
ودامك تركتيهم لاجل الله ثقي ان ربي بيعوضك بخير منهم
والحمدلله الحل موجود في مشكلتك
حلوو انك اجتماااعيه بالعكس صاحبي وسلمي وبتلقي اللي يغليك ويعزك
والدنيا ماتوقف عليهم
ويقولولك احنا احيانا تفتح لنا ابواب في حياتنا بس مانشوفها لاننا نقف طويلا عند الباب المغلق ننتظره
وخيره من ربي
يبعدهم عنك
لانه هؤلاء صااحبات مايستاهلووووووونك فحلو انها جت منهم وراحو وخلوك
اهم شيء لاا تضعفي حبيبتي وخلييييييييك قوووووووويه وصلبه قلب
حتى لو تحبينهم وتغلينهم
مادام ماقدرو وجودك لاتقدرين وجودهم
ولاتتعبي فكرك فيهم لان فكرك ووقتك وروحك وكل مافيك غالي فحرام تهدريه لناس ماستحقوك وماستحقواكل
هالطيبه اللي فيك وكل هذا الاخلاق فيييييييييك مايلزموووووونك انتي بتعيشي من غيرهم
على قولتهم
اللي مايعظم وجودك لاتعظم غيااااابه
ولاتضعي حياتك في ناس ماقدرو وجودك
هم اللي بيخسرووووووووووووووون مو انتي
وع قولتهم لاتمنح قلبك لمن لايستحق ولايقدر قربك
وعادي لاتقولي مابدخل في صداقه او ادخل بين صداقات احد
والله هذا الزمن احس ماينفع كذا
عادي ادخلي واجلسي معاهم
ماقولك صيري فتانه او مفرقه بس اذا حسيتي ناس يقبلونك عيشي معاهم حتى انت بعد لنفسك حق تعيشي
وعيشي مع غيرهم واضحكي وسولفي
حتى مايحسوا انك فقدتيهم و ويعرفوا انه عااادي انك تعوضتي بغيييييييرهم ولاهمووووووك وهم اللي خسروووك وخسروا روحك

وياااربي يريحك ويطمنئك والله حااسه فييييك حتى ماعرفت وش اقولك او اساعدك فيه
بس ربي يرررررررررررريحك ومهما ساعدوك ناس ماراح ترتاحي بالشكوى زي مابترتاحي لما بتحكي لله
الله يفرج لك من حيث احتسبتي ومن حيث لم تحتسبي
اتمنى ان اكوون أفدتك وربي يعلم اني حااسه فيك ولو بيدي ساعدتك ولاخليتك تتوجعي منهم
ربي يسعدك
اختك
ورد الجوري


__________________________________________________ __________

وانا مع الاخت الي ردت والله يوفقك


__________________________________________________ __________

الله يكون في عون جميع المسلمين و المسلمات


__________________________________________________ __________

أختي كثري من قول(( لاحولا ولاقوة الا بالله العظيم))
واهتمي بالدرسه وربي يعوضك احسن منهم ولا تشغلي نفسك بهم


__________________________________________________ __________

الله يعينك
وانا اتفق مع راي الاخت ورد الجوري