عنوان الموضوع : اشفولي غليلي وساعدوني بمشكلتي.... -لصحتك
مقدم من طرف منتديات نساء الجزائر

اشفولي غليلي وساعدوني بمشكلتي....



السلام عليكم ورحمة الله وبركاته

ما لجئت لكم إلا لأنني اعتبرتكم مثل اخواتي وصدقاتي،،

بصراحة انا متزوجة وصارلي سنة وذكرى زواجنا قربت كتير،، ما علينا المشكلة مش هون....

المشكلة اخواتي ,,,, انو انا احب زوجي كتير كتير واتمنى اسعده بمعنى الكلمة ودائما اعمل على رضاه وكان يحكيلي انه اسعد انسان انو اتزوجني وكل ليلة بيحكيلي انو بيحبني (هذا فقط اثناء الجماع) وهنا تكمن مشكلتي,,,,


عزيزاتي ارجو مساعدتي في مشكلتي لأني بصراحة تعبت تعبت كتير وأنا لسة حديثة الزواج والمفترض اكون مبسوطة ومرتاحة .....

زوجي بحسه متل ما حكيت الكم انه بحبني لكن مو متل ما انا احبه ،، مشكلته في تصرفاته كتير بتضايق من تصرفاته المشمئزة لكن بتغاضى عنها وبحكي معلش مصيره يغير
حاسة حالي مشتتة وما بعرف من وين رح ابدالكم...
اول شي بعامل أخواته متل ما بعاملني واحياناً بحس انه بيعاملهن احسن مني ،، وانا الغيرة تشتعل في صدري واسكت واداري ،، واحيانا بحسه بحب يجلس مع اخواته اكتر مني بيحكيلي بيتونس معهن يعني انا ما بونسه ،،، احتمال يكون معاه حق ما انا احيانا بلتزم الصمت كتير لأني احس نفسي من جوا مطفية من كتر ما قلبي مشتعل من تصرفاته،، الي بدي اوصله الكم انه بيجلس يتحادث مع اخواته كتير واحيانا مع أصحابه وأقربائه يسهر معهم إلى أن يشبع

وفي الاخير يأتي إلي وأحيانا يكلمني واحيانا يقول لي نعسان وتعبان ويريد النوم ويلف ظهره وينام ــ يعني تخيلوا معي قديش الظلم
طول اليوم يتسلى ويتحدث ويتسامر وفي اخر اليوم ازا اشتاقلي بيحكي معي مشان يجذبني في حضنه وبعد هيك ينبسط معي ومن ثم يلف ظهره وينام وانا نمت ولا ما نمت عادي عنده المهم هوا انبسط واخد الي بدياه واشبع رغباته وبعدها بيلف ظهره وبنام وكأني فقط لإشباع رغباته الجنسية والجسدية وانا احس انو نفسيتي بتدمر كل يوم عن يوم وما بقدر احكي معاه ولا اواجه
لاني قليل ما بشوفه

تاني مشكلة انا حامل وبحس انو مو مهتم فية زي الخلق مع انو ماديته منيحة ،، ممكن يعز نفسه برا وينساني وما يجيب الي احيانا واحيانا يتزكرني انا مو مشان شي انا بس بدي احس انو احنا شريكان في كل شي .....

نفسي ياخدني ع مطعم واطش واتنزه انا وياه متل زمان كل ما احكيله وافكره بحلاوة هديك الايام يحكيلي خلص راحت هديك الايام
مع العلم انو اكبر مني بعشر سنوات وخطوبتنا فقط كانت شهر وانا ما كنت اعرفه ولا هوا يعرفني ،،،



انا والله ما بدي شي منه غير بس الاهتمام والحب والحنان
بدي دلال ودلع متل اول ما تزوجنا


بدياه يهتم فية اكتر من اي حد تاني اكتر من اخواته
بدي اكون انا محط انظاره دايما
بدي نكون أحباء بمعنى الكلمة

بدياه يحبني مش بس قول بدي افعال
نفسي يهديني هدية
من اول ما خطبنا وبعد ماتزوجنا ما جابلي ولا هدية
انا دايما بجيبله وبطلب منه يجيبلي ... بيطنشني



احيانا احس ببخله علي
بكره كل تصرفاته يا عالم

بحس نفسي احيانا اني ندمت وبتمنى الايام ترجع لورا ،،
بحس اني ما بستاهل منه كل الي بيعمله معاي


كيف افاتحه بالموضوع
كيف احكيله عن تصرفاته ومساوؤه ــ ما بقدر

انا بخاف اجرحه ما بدي بيوم يزعل مني وخاصة اني بغضب ع طول وبعصب ومع عصبيتي بعرفش شو بحكي
منشان هيك دايما بضبط اعصابي وبداري عنه كل جروحي

بحس نفسي بتعزب وكل يوم بتدمر

سااااااااااااااااااااااااااااااااااااااااااااااااا اااعدوني يا بنات الله يخليكم

اشفولي غليلي

>>>>> ردود الأعضـــــــــــــــــــاء على الموضوع <<<<<
==================================


السلام عليكم
والله دى مشكله بكل بيت لا تزعلى هو دا الواقع المرير الى المفروض تتاقلمى عليه ما تزعلى منى بس دى الحقيقه الخاليه من اى تزوير


__________________________________________________ __________

لازم تصارحينه لانو انتي ماراح تتحملي اكثر ومع الزمن بس يكون بااسلوب مو خناق يعني قبل ماينام مثلا اساليه قولي اشفيك وطلعي الي بقلبك لاتكتمين واساسا مافي شي يزعل بالعكس عشان انتي ترتاحين وهو يتعدل


__________________________________________________ __________

حبيبتي انا ماعندي شي قلك ياه إلا نصيحةواحدة وهي انك تقرأي كتاب الرجال من المريخ والنساء من الزهرة
واكثري الاستغفار
ولاتجعلي زوجك كل حياتك لانو الرجل بخلي المرأة جزء من حياتو أما المرأة بتجعلو كل حياتها وهاد اكبر غلط
الله يريحك ويهديلك بالك


__________________________________________________ __________

حبيبتي معليش اذا كان ردي قاسي عليك وارجوا انك تسامحيني

حبيبتي ليش تبيه يحبك أكثر من خواته ذول خواته مهما كان ولاتسوين مقارنه بينك وبين خواته اللي تربوا معه من كانوا صغار يعني اللبي بينه وبين خواته أكثر من اللي بينك وبينه

واحس ياختي من كلامك كانك تبي تاخذينه من خواته ليش حبيتي ترا الحسد مو زين ينقلب على صاحبه وانتي قلتيها بنفسك

كيف أخليه يحبني أكتر من خواته ؟؟؟

انتبهي يجي في قلبك غيرة على احد بالذات من اهله وخواته لأنه لو درى عنك راح تنزلين من عينه ويمكن يطلقك !!! أهله هم أهله وانتي يقدر يستبدلك بوحدة ثانية تشيل أهله فوق راسها,,, انتبهي لهذي النقطة لأن الرجل اذا كره صعب يحب """

آسفة كلامي قوووووووي لكن هذي الحقيقة

ولحل مشكلتك ~~~

أول شي لازم تصلحي نيتك لله وتنظفي قلبك من الغيرة الممقوته سواء لخواته او غيرهم

ثانيا الزوج يظل في النهاية كيان مستقل بذاته لاتخلينه كنه عصفور في قفص عندك تحكمينه بكيفك لأنك ماترضي بذا الشي لنفسك

ارجوا ان تقرأي كلامي كذا مررررررة وتفهميه زين

الله يصلح نيتك ويرزقك راحة البال


__________________________________________________ __________

اختي ,, هو هيك الحال راح يظل وماتتوقعي ابدا انه يتغير ,,, وايام الخطوبه واول الزواج غير عن الايام الباقيه لانها بتتغير ,, زوجك مثل زوجي مافي كلمه وحده غير عنه ويمكن عند الكل كمان لانه الرجال مابدو يسمع كلمه : انت تغيرت من بعد الزواج .. او المرأه أخدتك منا ,, ومن هالحكي اللي ماله طعم ,, وانتي مفتقده لهالاشياء لانك للحين الله ما رزقك بطفل يملا حياتك لانك فاضيه بعدين ان شاء الله لما تقومي بالسلامه ماراح تهتمي لهالشغلات ولا حتفتكري فيها حيكون البيبي شاغلك كل وقتك ,, بتقدري تتكلمي معاه بس بالهداوه ومو عتاب يعني جيبيها بمزح قولي له انت ما بتهتم فيني وكل وقتك لاهلك واصحابك وانا مابدي شي غير يوم واحد تطلعني فيه احس انه بتحبني ,, وانسب وقت هو وقت الجماع وقت مابقلك انتي حبيبتي وبحبك وهالكلام قولي له بدلع ولاتطولي بالموضوع بس خليه كم كلمه واسكتي ,, بس بالاخير هو ماراح يتغير راح يظل نفس ما هو لحين ما الله يقومك بالسلامه ,,, واتذكري انه في ايام حلوه عشتيها معاه وهالاشيا ماراح تأثر لابحبك له ولا بحبه الك ,, والله يوفقكم