عنوان الموضوع : تعبت كثير اخواتي ريحوني الطبيب يجيب
مقدم من طرف منتديات نساء الجزائر

تعبت كثير اخواتي ريحوني



السلام عليكم ورحمة الله وبركاته

اخواتي انا تعبت كثييرابي ارتاح من تعب البيت
انا عندي اربعه اطفال وامي تعبانه وزوجي وكل اطفالي صغار علا بعض اكبر واحد عمره ست سنوات واصغر واحدتسعه شهور
تعب معاهم وامي مريضه وبي امس الحاجه لي وتاخذ من وقتي الكثير لانها ماتعتمد علا نفسها نهائي
البيت فله <فيه سته غرفواربع حمامات والمطبخ والصاله والصطوح اثنان غير الحوش الخارجي
وكثير الغبار انضف اليوم يرجع بكره
ابي منكنه جدول مريح امشي عليه من تنضيف وطبخ وتربيه لهم وقتي مره مشغول مافيه راحه نفسي اهملتها كثير ماعندي وقت اهتم فيها
حالتي الماديه صعبه جدا
البيت من ابوي مسكنا فيه ماادري الين امتي
اذا اخترب اي شي بلبيت يجلس سنه مايتغير
البيت مفروش ويجلس فوق الثلاث سنين مايتغير بسبب الماده بس والله يبنات احافظ عليه واذا شفتموه تقولون يدوب فارشه بس بعد جهد وتعب انا رايحه جايه وراي اولادي علشان يبقي نظيف
ومفرش غرفت النوم له ثلاث سنوات بس ومافيه غيره اذا زوجي راح العمل اغسله وانشره في الشمس علشان اذا جاء الليل يكون جاهز وابخره واعطره
المطبخ ادواته مره قليله وناقصه
ادوات التنظيف صابون فقط
انا انزل السوق بس للاعياد اومناسبه لاهلي خاصه ومهمه
زوجي راتبه اربعه بس مره مايعرف يدبر ومستحيل يعطيني عل الاقل ربعه للبيت ولي وللعيال
بصراحه هوه مره مايسمع الكلام نهائي
معليش يااخواتي انا عاجزه عن التعبير
بس الي ابغاه منكم انكن تعطينني من افكاركنه المفيده وانا بمشي عليها
1<ابغي كيف ارتب بيتي بدون تعب اليومي
2<كيف اجعل من راتب زوجي لوشي قليل لتغيير اثاث البيت
3<كيف اهتم بنفسي مع العلم اني نحيفه بس جسمي مترهل مومشدود

الله يجزيكن الخير والله يجعل كل من ترد ماتنحرم من الاجر
انا مشتت وقتي وذهني ساعدوني الله يساعدكن

>>>>> ردود الأعضـــــــــــــــــــاء على الموضوع <<<<<
==================================


عزيزتي ..

الله يكتب لك أجر خدمتك لأمك ..
ثاني شي ..
حاولي تاخذي بلاستيك ادوات المطبخ ..
يصير بالفطور مايحتاج تغسلي الا الاشياء البسيطه
ممكن اطفالك تخصصي لكل واحد فيهم كوب خاص فيه
يصير طول اليوم هذي اكوابهم ويغسلونها بعد استخدامهم
لها يصير بدل كل مره اخذين شي ..
وضعي سلة للنفايات بأغلب البيت يصير خلاص
مايرومون شي بالبيت عندهم متوفره بكل مكان يرمون فيها
وحطي فوحات بكذا مكان يصير مايحتاج تبخري البيت
البيت متعطر بأغلب وقته ..
الغرف اللي ماتستخدمينها قفليها ولا احد يدخلها
وممكن تشرعي الكنب بحقت التغليف اللي تحمي من الغبار
يصير مايحتاج تنظيفها كل شوي

..

شوفي راتب زوجك ممكن تدخلي بجمعيه مثلا
200 ريال وتطلع لك الفين لمدة عشر شهور
وتغيري بكذا شي بسيط بالبيت
او على حسب ماترغبي
او جوزك يخصص مبلغ كل شهر تجمعيه انتي
والين مايكتمل مبلغ طيب تغيري او تضيفي شي


..

ممكن تحطي خلطه على جسمك من زيت الجلسرين والليمون
تخلطيها مع بعض تدهني جسمك كله
وتلبسي بجامه وتجلسي تشتغلي بالبيت
وبعدها تاخذي لك شور ..
هذي الخلطه تنظف الجسم وتعطي نظاره له
وبعدها رطبي جسمك بأي كريم تستخدمينه
وان شاء الله تعطيك نتجيه حلوهـ

..

يارب أكون افدتك
وان شاء الله الأخوات ماراح يقصرون معاك
ويارب ييسر امورك .. ويخليك أمك ويشفيها لكم

دعواتك لي ..


موفقه يارب

:/


__________________________________________________ __________

يا قلبي ... يااااااااااااااااااارب يعينك من جد الله يمدك بالصبر على قيامك بامك وببيتك واطفالك ...
البرنامج السابق اللي كتبته الاخت ( بعثرة فكر ) حلو وفكرة الجمعية حلوة عشان تقدرين تغيرين الاثاث وحاولي تخصصين غرفه للاطفال يجلسون فيها اليوم كله العابهم وكذا اما تنظيف البيت فمولازم كل يوم يتنظف كل البيت خصصي كل يوم لشي معين ... وهذا اللي اقدر افيك يارب البنات كمان يفيدونك اكثر مني
انا بدعي لك من جد الله يكون بعونك ...


__________________________________________________ __________

الله يطيك الاجر علي خدمتك لامك ويرزقك من اوسع ابوابه ياااارب ويعينك علي عيالك


__________________________________________________ __________

عزيزتي جعلك ربي من البارين مستجبين الدعاء

ادعي ربي قبل كل شي ء نويتي انك تسوينه بان الله يعينك عليه ويبارك لك بوقتك

وهذا جدا مهم وصدقيني راح تلاقي فرق عن اول


اما عن الراتب بجد الجمعيات هي الي تساعد كثير احسن من انك تخليها عندكـ...
وبكذا راح تجددي عفشكـ.


ولجسمك زيادة عن الي الخلطة الي قالتها الفاضلة بعثرة فكر
اخلطي سدر و حناء وكركم [هرد] مع مويه ورد وعصرة ليمونه وافركي بها جسمك زين واغسليه وبعدين ادهنيه بزيت زيتون مع شوية مويه ورد وقطرات من اي عودة تحبيها بس عشان يصير ريحه جسمك روعة والدهان يشد البشرة ويرطبها


واما عن نظافة بيتك .... ففكرة بعثرة فكر رائعة
عن الفواحة والغطاء للمجالس بجد جربيها وماراح تندمي.


ولا تنسي الدعاء بان الله يبارك لك بوقتكـ.
موفقة خيتي


__________________________________________________ __________

الله يعينك يارب ويعطيكي اجر بر والدتك وخدمتك لبيتك واولادك ويقويكي ويعطيكي العافيه والصحه يارب دعواتي لكي