عنوان الموضوع : زوجي عديم مسؤوليه -لصحتك
مقدم من طرف منتديات نساء الجزائر

زوجي عديم مسؤوليه



السلام عليكم ورحمة الله وبركاته
اذا ممكن ابي شوركم في مشكلتي
انا متزوجه لي تقريب السنه
انا اللحين حامل بالتاسع
زوجي بالمره عديم مسؤوليه مايفكر غير
بنفسه راتبه يخلص في خلال اسبوع مافيه بركه والسبب
اهماله بالصلاه وربي تعبت معاه بهذا الموضوع
اترجاه يصلي بعض الاحيان يطيعني وبعض الاحيان لا
واخاف اضغط عليه ويترك الصلاه بسبتي وانا اخاف الله
وماابي اخذ ذنبه
والله قلبي يتقطع وابكي لما اشوف الرجال يروحون يصلون وزوجي يصلي بالبيت او يأخرها او ينام لما يسمع الاذان ويتساهل فيها
الواحد على ماتربى عليه هومن صغرته تربى في الشوارع
ابوه وامه منفصلين وكل منهم مهتم بحياته ابوه مزواج وامه كمان رامين عيالهم على عاتق غيرهم اللحين الي حسو فيهم
الي ذابحني الصلاه ماابي يهمل فيها مع العلم انه من اشد المحبين للمشاييخ ودايم يتابع محاضراتهم الي استعجب منه انه مايتبع مايقولون
بس بصراحه وعلى كلام اهله انه تغير بكثير من تزوجني ويدعون لي لاني صلحت فيه اشياء كثيره
طيب انا اللحين على وجه ولاده ومحتاجه فلوس منه ابي اجهز لي ولمولودي ابيه يكون قد المسؤوليه
انا ولله الحمد تجيني فلوس من اهلي واصرف فيها على نفسي وعليه اذا احتاج بس ماابيه يتعود
لان لوعرف بيطلبني فيها وهو مايفكر بالريال
الميه والريال عنده واحد لو تعطينه مليون
يصرفه بنفس اللحظه ولما يفلس
يكثر نومه ولا يبي يطلع من البيت انا طفشت منه ومن اسلوبه هذا
تعبت معاه
وبعدين دايم يعيب فيني انتي خربتي سمرتي متنتي
والله بتزوج عليك الي يسمعه اللحين يقول اني
منكده حياته والله حتى البيت من تبذيره
ماقدرنا نأثث لو غرفه استقبل فيها ضيوفي
حتى المعاشره ماهو مره يالله مره بالاسبوع او الاسبوعين
ويحط العذر فيني يقول انتي خربتي وصرتي كبيره وماعاد تنفعين
ابي بنت باقي في الـ 18 سنه لسى صغيره
وانا عمري27 يعني ماني كبيره
بس الحمل تعرفون يخرب الحرمه من تعب لابشره لامتن
طيب ايش اسوي غصب عني وربي مقهوره منه ومن
كلامه الي يسم البدن حتى يقولي اني من تزوجته وان الرزق
انقطع واني داخلت شر عليه واذا زعلت يقولي لا والله امزح
هذي جزاتي بعد ماوقفت معاك وساندتك مااجبرتك على شي
انا خلاص ماعاد اتحمل تعبت منه وتعبت
نفسيتي حتى جنيني احسه تعب
ومايبي يطلع للحياه
تكفون ياخواتي عطوني حل لاني بالمره منهاره
منه ومن كلامه ومن اسلوبه

>>>>> ردود الأعضـــــــــــــــــــاء على الموضوع <<<<<
==================================


مرحبا حبيبتي ،،

الله يسهل ولادتك وتقوومي بالسلامه 00

انا اتوقع حبيبتي زوجك من يشوف المولود راح يتغير ويحس بالابوه وانه عليه انه يصرف عليكم

وانتي كمان لو ظل على هذا الحال ،،، اجلسي ببيت اهلك وقت النفاس

وقوليله ما ابغى ارجع الا وانت متغير وازعلي منه 00 او خلي احد يعز عليه يكلمه

وخليه يوعدك انه بيتغير للاحسسسسن

واهلك مو ملزومين يصرفون عليك ،، زوجك هو المسؤول عنك الحيييييين

الله يهديه 00 ويسخره لك


__________________________________________________ __________

ياقلبي ادعيله .. في تالي الليل
وانشالله ربي يهديه
اسال الله العظيم رب العرش الكريم
انك تهديه وترده الي صوابه..
اميييييييييين


__________________________________________________ __________

ما اقول الا مالت عليه اهو وزوجي

اختي نصييييييييييييحه من اختك

طنشييييييييييه طنشيييييييه طنشيييييييييييييه

قسم بالله اني مطنشه زوجي لابالفراش ولا بالحب لاني اعطيته كثير وهو مثل زوجك سبحان الله نفس الكلام والحركات

لاتتعبين نفسك وتجيبين الهم والنكد لروحك والله لو جاك مرض لاسمح الله انه ليتركك
وصدقيني مايقدر يتزوج ولا يسوي شي

هو انسان ناقص مريض يتهدد يفكرها رجوله انا زوجي مثله سبحان الله اللي يخلق من الشبه في الطباع والاخلاق

انا جربت كل شي معاه مانفع لاطيبه ولاغيرها
وفالنهايه قلت اطنشه وانتقم منه في طلبات البيت والله اذا طلهت برى اشتري واخسره وطلباتي ماتخص طبعا بحركاتي اقدر على جيبه اضحك معاه لان طبعي فرفوشه وخاطري وسيع وربي وماعليه فيه
اخليه على راحته يطلع يروح بالطقاااق اهم شي عندي جيبه وفلوس وملابس اذا ماعطاني الحنان والحب اتعوض من جيبه كل اللي ابغاه يمكن تقولون هذي مريضه لكن والله المرض انك تسكتين عن زوجك وماتطلعين المصاريف عليه حتى مايفكر في غيرك
وحتى الملابس كل مارحتي السوق اشتري لك ولعيالك
وحتى لو ماعطاك فلوس خذي المحفظه واسرقي منها المقسووم ههههههههههههههههههههههههه
قسم بالله ياقلبي اني اسرق منه لانه يخبي محفظته عني واثرت علي هالحركه قلت انا اعلمك
وكل ماشفتها اخذ اللي ربي يقدرني عليه

ليش اجيب الهم لنفسي واتعب روحي خليه ينكد على نفسه بالطقااااااااق اللي يطقه مناك بس

لاتحاولين انك تعودينه انك تاخذين من اهلك وحتى لو عطوك لاتعلمينه يالخبله !

واصلا قد سمعت شيخ يقول ان اللي مايصرف عليها زوجها يجوز لها تاخذ من وراه يدون علمه
وما احط في ذمتي بس مثل ماقلتي قهرر انه مايعطيك فلوس
واسمحيلي ترى الرجال ماينعطى وجه بصراحه انتي شكلك طايعته في كل شي وهو مسوي نفسه رجال عليك
هذي مشكلتنا ياحريم السعوديه الوحده تخاف من الرجال واذا احد سالها قالت احترمه هو جنتي وناري
طيب عرفنا يا ام جنه ونار انتي
طيب وحبه ومسئوليته بالبيت وين دوره كزوج والا كاب
اقول اختي من اخرتها كذا سوي اللي اقلك عليه وقسم بالله انك لتدعيلي وقت السحر ووقت ولادتك بعد ههههههههههههه الله يقومك بالسلامه وعورتني ايدي وانا اكتب

وعسى الله يسعدك ويهنيك
ولاتنسين بعد الولاده المحفظه حقت زوجك الله الله في المصاريف ههههههههههههههههههههه

وتحيااتي


__________________________________________________ __________

هههههههههه
ضحكتيني تصدقين حتى لو فلوسه كلها منثوره قدامي
مااقدر اخذ منها شي ضميري يأنبني وماتعودت اني اسرق
اخاف وبعدين هوه اذا معاه والله مايقصر
عليه يعطيني بس الي ذابحني مبذر وكريم بالمره
حتى على الي بالشارع هذا الي ذابحني يجي اخر الشهر مامعانا شي


__________________________________________________ __________

الله يكون بعونك اذا قلك مره ثانيه بتزوج اضحكي باستهزاء وقولي بتاخذك على ايش ياحسره هههههههه
وموضوع الصلاه حاااااااااولي في فهمي انو انتي تبغي البيبي اللي جاي يصلي كيف يصلي وهو شايف ابوه كده
وبعدين اهم شي اهم شي لاااااااااااااتعودي انك تاخدي فلوس من اهلك ابدا واذا اخدتي لايعرف والله حتندمي بعدين اذا تعود انتبهي
الله يعينك