عنوان الموضوع : زوجي وعشقه للشات ،، لكم دعوه بظهر الغيب تكفوون -لصحتك
مقدم من طرف منتديات نساء الجزائر

زوجي وعشقه للشات ،، لكم دعوه بظهر الغيب تكفوون



السلام عليكم ورحمه الله وبركاته
مشكلتي هي كالاتي
انا بنت من هالديره تربيت على عادات وتقاليد
انخطبت لولد عمي وملكت والحمد لله حنا اللحين نجهز للزواج
هو يحبني وانا احبه وكل امورنا طيبه
هو ساكن بمدينه بعيد عن المدينه اللي اهلي واهله فيها
يعني يزورني بالشهر مره او مرتين ويكلمني ع الجوال داااايم
واحيانا عن طريق الماسن
لنا من ملكنا تقريبا 4 شهور وقدرت اني افهمه ويفهمني ونحب بعض
بس في شي مزعجني فيه حيييل ومو قادره القى له حل
زوجي يعشق شي اسسمه شاااااااااااااات
وحاولت فيه كثير وتهاوشنا بس مافيه فايده يتركه
دايم هو يقول لي انه بعيد عن اهله وعني ومافي شي يسليه غير هالشااات
وكله وناسه وضحك وسوالف تنتهي وانا بالقلب ومن هالكلام
انا انسانه ضد هالشي واكيد انتم تعرفون بنات الشات واللي يعرضونه
وانا واثقه بخطيبي بس الشيطان مامات احيان الفضول يخلينا نسوي اشياء ما نتوقع اننا نسويها
وضحت له هالشي بكل هدوء وهو قال لي خلاص انتي اهم من كل هالدنيا
وفي يوم كنا انا واياه على الماسن وكنت حاسه انه ملتهي بشي غيري
انا سويت اني عادي
بعد ما خرج وقال لي انه بينام
مدري وش اللي طرا علي وخلاني ادخل الشات اللي هو دايم يدخله
(( هو قال لي من فتره اسم الشات واسمه هو بالشات وانا كنت ادخل من باب اني اتاكد هو في ولا.. بس ماعمري قلت له اني ادخل وادوره))
ودخلت الا القى اسمه موجود
وكل البنات سوالف معه وضحك وجوو جدا مقزز
صح السوالف عاديه بس حتى لوو
قرفت منه وحسيت انه يكذب علي وفكرت كثير اني اواجه واسوي له فضيحه بالشات بس قلت انا ارفع من هالشي
والى اليوم وانا مو طايقه منه اي كلمه
كل شوي اتذكر ضحكه مع البنات وسوالفهم
وش اسووي دلووني تكفووون
اهدده يا انا او هالشات مع انه لو اختارني راح اعيش بشك لانه وعدني وخان هالوعد
محتاره يا خووات علموني وش اسوي
لو وحده مكاني وش كانت رده فعلها نفسيتي تعبانه وربي والكل لاحظ حتى هو لاحظ اني متغيره عليه
ودي بحل يخليني ما ابين له اني شكيت فيه وبوعوده لي بس ابيه يحرررم يدخل هالشات نهااااااااائي
وكل وحده ترد علي له دعووه بظهر الغيب
والسلام عليكم ورحمه الله

>>>>> ردود الأعضـــــــــــــــــــاء على الموضوع <<<<<
==================================


حبيبتي الله يكون بعونج وفعلا الشات هذا مرض

بس اهم شئ لا تقولين له انج شفتيه بالشات راح الحق يصير له هو ويصير خذوهم بالصوت لا يغلبوكم

وبعدين ياقلبي هذي نزوه وان شاءالله يمل من الشات وبعدين يمكن اذا تزوجتوا راح يبعد عن الشات هو قال ماعنده شئ يسليه غير الشات
عموما استخيري ربج قبل كل شئ واني بعدج على البر وان شاءالله راح ترتاحين بعد الاستخاره

ربي يهديه ويسخره لج يااااارب


__________________________________________________ __________

والله ياقلبي ماادري وش اقول لك بس يا حياتي كل الشباب كذا ويمكن هو لحين كذا لان ماعند احد بس بعد الزواج راح تكوني انتي معه وراح ينشغل وقته معك يا روحي انتي والزواج مسواليه يعني ما راح يكون فاضي لا لشات ولا نت حبي انسي السالفه وبعدين هو يدري ان كل هالبنات رخيصات وانتي زي الجوهره له وبس فاهمه قصدي لا تخربي حياتك علشان اشياء تافه وراح تروح مع الايام
الله يووووووفقك ويسعدك يا حياتي ويسخره لك واشوفك احلى عروس بالمنتدى واحلى ام وزوجه بالكوووون
بالتوفيق قلبي


__________________________________________________ __________

اذا سويتي اشياء كذا
وهبل ترآ ماراح يقولك ولا شي
ورآح يخبي عليك اشياء اكبر من الشات
تفآهمي معه قولي له طول الوقت اللي تفضى فيه انا بسولف معك فيه
بحيث ينسى الشآت
واذا تزوجتيه رآح ينسآه اذا انبسط معك وَضآع وقته
نصيحتي لك
واللله يوفقك


__________________________________________________ __________

يلحبيبتي لاتكبرين الموضوع ولاشي عارفه ان الموضوع يقهر واي وحده فينا بتموت قهر بس بكرة ان شاء الله تكونين جنبه وتملين عليه حياته ويتغير كل شي بإذن الله بس انتي اصبري وادعي له بالهدايه


__________________________________________________ __________

ربي يكرهه بالشات ..ويرجع علاقتك فيه ومحبتك له أكثر من قبل

..