عنوان الموضوع : اسالكم بالله حطو نفسكم مكاني ايش راح تسوون -تم الاجابة
مقدم من طرف منتديات نساء الجزائر

اسالكم بالله حطو نفسكم مكاني ايش راح تسوون



السلام عليكم ورحمة الله وبركاته
انا متزوجه من سنتين وداخله السنه الثالثه بكذا شهر وعندى ولد سنه ونص
مشكلتي اني لما اروح لااهلي حياتي تحلو واتربرب ولو مااجلس الاشهر
واذا رجعت بيتي اطفش ووزني ينهار بسرعه وحياتنا توترات
انا احب زوجي وهو يحبني وزواجنا عن حب وكريم معايه طلباتي اوامر
وانا مومقصره معااااااه بشهادته
بس يابنات انقهر وحسو فيني موتردون وانتو بامانه ماحطيتو نفسكم مكاني طبعنا انا من منطقه وهو من منطقه لكن من دوله وحده
تزوجنا وماحضر ولاحرمه من اهله لافي الملكه ولافي الزواج بس رجال واحرجونا مع معازيمنا لما سالو عن اهل المعرس ولا فيه حتى طفله كاني متزوجه على فضيحه او موموافقين على زواجنا وهم موافقين قالو ايش موعادتهم ليش تزوجومن ناس عوايدهم غير عنهم
تزوجنا مااهداني ولا هلله في صباحيتي قال موعارف انها ضروري
ومشيتها وقلت عديها يابنت اهم شي حبه
ولما رحت لااهله باديه ولااستقبلوني كعروس ولاشي
حتى العوايد انهم يساوولها غدا او عشاء ماشفتها
صحيح ان اهله يحبوني جدا وانا كذالك
فارضه احترامي على الكل مافيهم اعد قد زعل مني
لاولايفوتكم امه لحد الحين ماقد شافت امي وماتعرف امي منهم غير اخته فقط صحيح يكلموبعض ويحترموبعض امي وامه
بس ياعلم هل يعقل هالشي
المهم والله انا ابتديت اكره زوجي وودي اتطلق منه احس بنقص عن كل البنت وحتى العجايز هي فرحه كل بنت عاشتها بفرحة عمرها الاانا كرهته وكرهت الرجال باسبابه طفشت موقادر اتغاضى
كل ماتتزوج قريبه لي ابكي على نفسي وهوه يتاثر
وقالي كيف اعوضك بفرحتك وانا مستعد؟؟
هيه مارح تتعوض والله والله ان اتعس ذكرا في حياتي هيه زواجي
المهم
قررت اني معاد اروح عند اهله لين امه تزور امي ومن ابسط حقوقي بس
ماراح اصبر حتى يكبر ولدي ويسالني لا
وابقى معى اهلى بنفس اخلاقي بس بالاتصال ولوكبر ولدي شوي عادي
باخليه يروح لجدانه بس بدوني علما اني قد رحت لااهله5مرات فقط متباعده بحكم بعدنا عن منطقتهم وظروف عمل زوجي
بنات انا تفكيري صحيح او لا حطو نفسكم مكاني اسالكم بالله
ماابي تردون اذا مابتحطون نفسكم مكاني

>>>>> ردود الأعضـــــــــــــــــــاء على الموضوع <<<<<
==================================


حبيبتي وغناتي

اهدي شوي

ياقلبي مشكلتك احسها عاديه
وماشاء الله متزوجه من سنتين وزوجك مدللك ايش تبين اكثر من كذا
انتي بنعمه والله ماتحسي فيها الا لماتفقديها الله لايقوله

ياقلبي استهدي بالله وخوذي لك لفه بقسم مشكلتي شوفي ناس اخس منك حال

احمدي الله انتي بنعمه وربي رزقكك بزوج يحبك وبعضهم تشتكي من الخيانه والا ماتزوجت الى الان
وعندك ولد وبعضهم ماخلفو لسه ولهم سنين
وانتي فارضه احترامك عليهم
وامه تحبك


ياقلبي استهدي بالله
هذي من وسوسه الشيطان
يبي يخرب لك بيتك

حبيبتي وغناتي
لاتدمري بيتك
مشكلتك راح تنحل مع الايام

علشان ذكرى زواجك تنقهرين وتبين تتطلقين وعلشان العادات
ياقلبي انتي توك باول الطريق
وماشاء الله قلتي تحبون بعض

بالله عليك قولي وش تبين اكثر من كذا
الحياه قدامك الحياه قدامك
بالله عليك لاتهدمي حياتك

وكلام الناس ماراح يوقف ولاينتهي ابدا ولا يودي ولا يجيب

انتي اتوقع اهم عليك حياتك وبيتك وزوجك وعيالك صح؟
والا تبين تشرديهم؟
عندك مملكه انتي ملكتها
ان شاء الله لو اني منقطعه لحالي
بس عندي
زوج يحبني
وعيال
وش تبين اكثر

لازم مشكله علشان ترضين يعني وتحسين بالحياه؟؟

لاتخربي بيتك
واذا فات الفوت مابنفع الصوت

واذا على امه ماتزو امك
ياقلبي الحياه قدامك
والامور راح تتغير شوي شوي
ماشاء الله دامهم يكلمون بعض حلو والبقيه قريب باذن الله
احسن من منقطعين ومعادين بعض

نصحيتي لك تقومي تتوضين
وتذكرين الله
وتكثرين من الاستغفار
وفوائد الاستغفار جدا عظيمه ربي يجعل لك مخرج من كل ضيقه ويرزقكك من حيث لاتحتسبين

وتصدقي لو تاخذين رز وتحطين بصحن وتحطين بالسطح

ابعدي عن الاغاني شغلي البقره في البيت
الوساوس من الشيطان
وشغلي سوره البقره يوميا
وحصني نفسك
ولاعليك من كلام الناس

وتذكري انتي بنعمه ربي منعمها عليك كثير فاقدها
لاتخسريها
لاتخسريها
بسبب شعور من الشيطان

وتذكري ان الشيطان عليه العنه احب اليه يفرق بين الزوجين


ياقلبي اذكري الله ولاتخربين بيتك بيدك

توكلي على الله


واسال الله اعلي العظيم ان يوفقكك لما يحبه ويرضاه..ويبعد عنك كل مكروه


فمان الله غناتي


__________________________________________________ __________

لا تخافين وضعت نفسي مكانك قبل لا ارد
هههههههه

بصراحه تفكيرك جاء متأخر كثييييييير، صار لك سنتين او ثلاث متزوجه والحين تفكرين ليش
ما جاء احد من اهله في عرسك ؟ بعدين الى الآن مافهمت وش الربط بين تغير وزنك عند
اهلك وفي بيتك مع زوجك وبين ذكرى زواجك؟

على كل حال ...المسأله بسيطه اعزمي اهلك عندك واعزمي اهل زوجك وعرفيهم على بعض
ما تعرفين يمكن لما تجمعينهم مع بعض يحصل توافق فكري بين العائلتين ويستمر التواصل بينهم
مع اني اشوف انك بخير والحمدلله ومافي داعي لكل هذا الغضب اللي استوحيته من كلامك
زوجك طيب معاك واهله يحبونك وانتِ مرتاحه في حياتك اذا خلاص..مافي شي يستاهل كل هذا
العتب والزعل لا وتريدين تفكرين في الطلاق بعد!! حرام عليك تشتتين بين ابنك وزوجك بس
علشان حماتك ما زارت والدتك ؟ بصراحه هذا تفكير غير منطقي وغير واعي اطلاقا

ويمكن في بعد العائلتين عن بعض خيّره لكم ، احيانا اختلاط عائلة الزوجين مع بعض يجلب
المشاكل التي انتِ في غنى عنها ..وبما انهم جميعا مرتاحين في هذا البعد انتِ ليش موتره
نفسك وجايبه الهم والكدر لبيتك ؟ فعلا مافي احد راضي بهالحياة
انتبهي لزوجك وبيتك وفكري في اقتراحي الاول عليك لو كنتِ مصره على تواصل العائلتين
بادري انتِ بفتح هذا الباب واعملي عزيمه للطرفين وعرفيهم على بعض واعتقد بيتك هو الوحيد
اللي ممكن يجمع العائلتين بدون حساسيات لأحد

انا هذي وجهة نظري
وربي ييسر امورك ان شاءالله
____
لكِ ودي


__________________________________________________ __________

اشكركم على ردودكم المريحه جدا الله يجزااااااااااااااااااكم عني الجنه
بس يااختي كيف اعزمهم في بيتي وانا بيني وبين اهلي 2000كيلو واهله ابعد كمان ب300كيلو اواكثر
ماجوملكتي وزواجي باقي يجون عزيمه صراحه مالقيت حل قلت نستاجر في النص ونعزم اهلنا سوى
بس امه ماراااااااااااح تجي تقول مشغوله ياربي مره وحده ماطلبت اكثر
نجي للرابط بين وزني ومشكلتي الرابط الراحه النفسيه من اول 3 اشهر زواج للان ووزني في بيت زوجي مايزيد عن 44ك
ولما اروح لااهلي اوصل 50حتى زوجي مستغرب هالشي وهوه عارف انها نفسيتي زفت
عموما ابتديت اقتنع من كلامكم بس شوفو لي حل بامه كيف اعرفهم على بعض
لااني من سابع المستحيلات اني باقي اروح لااهله وامه ماقد تعرفت على اهلي
لاتقولو تاخرت والله طول هالسنتين وانا احاول بس للاسف مافيه نتيجه
لذالك الحل الوحيد اني ماعاد اروح عندهم يمكن يحسون فيني زوجي وامه
تعبت وطفشت جدا جدا ياليتني ماتزوجت من اصله استغفر الله بس


__________________________________________________ __________

السلام عليكم ..

غريب اصرارك على أن ام زوجك تتعرف على امك طالما فيه بينهم مكالمات رسمية حلو وحب ومودة

المهم علاقتك انتِ فيهم ..

بصراحة أنا ما اعرف بس احس افضل لك تكون العلاقة رسمية بحته وفيه بينكم حب ورحمة ومودة

بكل صدق أحس أنك تتحملين نتيجة أخطائك السابقة ولا تحملين أحد نتيجة هذا الخطأ تقبلي كل شيء ومرريه

وهونيها على نفسك .. بصدق أنتِ كذا تحطين هم وثقل على زوجك إذا يشعر بضيقك وكل شوية متذمرة من اهله وامه خصوصاً راح يحس بثقل الدنيا كله على قلبه وظهره .. ارحميه شوي .. وحاولي تتعايشين مع الموضوع على اساس

أنه خيرة من رب العباد وتقبلي الموضوع واذا مرة مرة حابة يتعرفون على بعض خالي امك تزور أمه في بيتها لما يصير عند امه مناسبة او شيء ما فيها شيء ..

والله يكتب لك ما فيه خيرة لك وللجميع يا رب


__________________________________________________ __________

هلا فيك اختي العزيزه..

اولا..صباح الخير ^^

ثانيا..حبيبتي اقولك شي واحد((من يتوكل على الله فهو حسبه))
ربي ماعليه شي صعب سبحانه
استغفري بنيه الي تبينه وتشوفين العجب العجاب..
الخيره فيما اختاره الله

ولاتقولين ليش تزوجته اخزي الشيطان
وتعوذي منه بس


والله يهديك لما يحبه ويرضاه