عنوان الموضوع : بالله يابنات انتو الحكم...انا غلطانه او لا؟؟؟؟؟؟؟ -لصحتك
مقدم من طرف منتديات نساء الجزائر

بالله يابنات انتو الحكم...انا غلطانه او لا؟؟؟؟؟؟؟



السلام عليكم ورحمة الله وبركاته

كيفكم يابنات؟؟؟؟
انا بقول اللي عندي وانتو اعطوني رايكم
انا متزوجه صار لي 7شهور....وزوجي طيييييب مره ....المهم مااطول عليكم...... اخته واخوه بنفس المدينه اللي حنا ساكنين فيها..... وعلاقتنا الحمد لله تمااام التماااام.... بس ان زوجي اجتماعي معهم مرررررره....اقصد حنا دايم عندهم....ياهم عندنا.....كل يوم السهره عند واحد....صار لي زمااااااااااااان ماقعدت مع زوجي قعده حلوه....او طلعنا سوا.....كل ماقلت له بنطلع او بروح مكان قال لي لا حنا معزومين عند فلان......او فلان بيجينا.....وعلى هالحال صار لي تقريبا 4شهور.....احس اني صرت اشوف حماتي وسلفتي اكثر مما اشوف زوجي او اقعد معه.....واذا جينا منهم يقعد شوي وينام وعلى هالحاله.....المهم انا صار لي من الراتب اقول له ابي اروح السوق عشان اغراض للبيت ناقصه....وصار لي زمااااااان مارحت للسوق...... وكل يوم تتاجل الروحه يافلان عازمنا يافلان بيجي وهكذا.......والبارح جيت وقلت له بروح السوق قال هم بيجوننا قلت طيب حنا البارح وحنا عندهم وانا صادقه قبلها بليله كنا عندهم.....قال مايصير نجيهم ومانعزمهم عندنا....قلت طيب انا ماقلت شي بس مو لازم يوميا وحنا عند بعض !!!!وزعل علي !!!!يقول لي وش دخل هذي بهذي ماله داعي هالكلام ماتبين تروحين ماني غاصبك بس انا بروح لهم وهم بيجوني.....قلت انا قلت هالكلام لاني كل ماطلبتك شي تاجل عشانهم ......وماقتنع بكلامي وضل زعلان.....بس انا رحت وراضيته لاني مو ضامنه عمري ولاعمره.....<الله يطول بعمره ان شاءالله>>وهو اليوم مداوم مايجي الا بكرا انشاءالله.....بس لما فكرت بالموقف وبكلامي احس اني ماقلت شي غلط واحس كلامي مايزعل ....يعني مالي حق اقضي مع زوجي ليله حلوه لحالنا بدون فلان وعلان؟!!!!!والله اني احيانا اشك بنفسي اقول معقوله يكون مل مني او شي؟؟؟!!!!وانا اتحاشا اسأله هالاسئله لانه بعد بيزعل وبيقول ليش تفكرين فيني كذا انا عمري مافكرت انك ماله مني!!!!يابنات برايكم وبصراحه الحق معي ولا معه...؟؟؟؟؟والله صرت اشتاق اجلس معه ...نقضي وقت حلو سوا....وهو ولا حاس فيني......قولو رايكم ....وانصحوني بطريقه اوصل له اني محتاجه يعطيني من وقته...وان ماقصدي كره لاهله او شي لاسمح الله ..انا من الصبح وانا افكر.....فكرت اكتب له رساله بس مدري شكتب فيها........ساعدوني.....
بانتظاركم
رجاء رجاء الاداره لاتحذفو الموضوع

>>>>> ردود الأعضـــــــــــــــــــاء على الموضوع <<<<<
==================================


هلا اختي
والله مدري اش اقولك
لكن الحق معك طبعا بس حاولي تلمحي لهم او اذا ماتقدرين كلميه وهو مروووق وقولي له انك انتي محتاجه للجلسه معاه مايصير كل ليله قولي مثلا يوم ويومين لا وكذا واذا ماتفهم الموضوع الله يعينك بس الافضل تلمحين لهم
انا مارديت الا عشان ارفع موضوعك


__________________________________________________ __________

حبيبتي الافضل انتي تخففي زيارتك لهم واذا سالوك قولي والله مشغوله بالبيت وخلنا نشتاق لبعضنا يعنلاتجيهم يوميا يعني يوم روحي وخمسه ايام لا هم بيستحوا ويصيرو زيك وهكذا لازم الوحده تريح وترتاح وكثره الزيارات تجيب مشاكل وزين ان زوجك يسهر في مكان انتي تعرفيه مو بالاستراحات وخرابيطها وهوشوي شوي يلين ويرجعلك لانه بيشتاق ومايقدريخليك بروحك-----الله يسخرلي زوجي امين


__________________________________________________ __________

لا ياقلبي انتِ مو غلطانه

من حقك يكون لك وقتك الخاص مع زوجك ، ومن حقك كمان لما ما يكون لك رغبه بالخروج
حتى ولو عند غير اهله ترفضين هالشي ، انتِ انسانه ولك اوقاتك الخاصه بك وحدك
من غير المعقول ان يربطك يوميا بزيارات قد تجلب الملل لأهله ايضا وليس فقط لكِ

اقتراحك في كتابة رساله صائب جدا ..الرساله قد تجعل زوجك يتلقى كلامك بتروي اكثر
فالرساله تسمح للمتلقي التفكير بهدوء اكثر من المواجهه احيانا
تستطيعين ان تسردي له فيها كل مايجول في خاطرك تجاهه هو فقط ، لا تذكري اهله بأي شي
في رسالتك حتى لايتحول الموقف الى شجار انتِ في غنى عنه
اخبريه انكِ لستِ ضد اهله ولا تكرهين تواجدك بينهم ، انما كل مافي الامر انكِ في شوق اليه
وانكِ راغبه بالتواجد معه هو فقط وهذا من حقك ، حتى ولو كان هذا الوقت قصير لايهم المهم
ان تكوني ولو للحظات معه هو وحده فقط
ولتكن زياراتكم لبيت اهله واخوته كل يومين اوثلاثه على الاقل ولكن ليس كل يوم ففي هذا ارهاق
لكم جميعا وايضا الزيارات اليوميه قد تجلب الملل ايضا

ولا تنسي ان تُضيفي في رسالتك بعض المنكهات واذابة بعض مكعبات السكر بين حروف كلماتك
كثرة السكر قد تقتل ، ولكن لا بأس اذا قتل سكر كلماتك زوجك فهذا النوع من القتل مرغوب
اتمنى ان تكوني فهمتي مقصدي ههههههه

وربي يسعد ايامك واوقاتك ان شاءالله
______
لكِ ودي


__________________________________________________ __________

و الله يا اختي معاكي حق يعني كل يوم كل يوم شي ممل و متعب و ن حقك تقعدي مع زوجك
اعملي متل ما قالولك الاخوات لا تروحي كل يوم و قوليلهم انك مشغولة او تعبانة
بس لما يجوا لعندك استقبليهم بالتاهيل و التسهيل و بالغي بفرحك بوجودهم اولا ختى ما تتركي مجال انهم يفكروا انك كارهاهم و بعدين عشان زوجك ما يمسك عليكي شي
اما موضوع السوق فحاولي انك تاخدي حماتك و سلفتك و تروحوا مع بعض انت تشتري الي بنفسك و زوجك يفرح انك مهتمة بعيلته
و صدقيني لما يصير في اولاد هذه الاشيا بتخف فما تعملي مشاكل مع زوجك عشانها
خصوصة اذا كان زوجك بعاملك كويس لا تخسريه لمجرد امور بسيطة
و دايما ركزي بكلامك على محبتك لامه و عيلته عشان يتقبل كلامك بشكل افضل


__________________________________________________ __________

الله يسعدك يارب كتبي ورقة حطيها جيب ثوبه قبل مايروح العمل
او حطيه في السيارة لا نسين كلام حلو له ارجال مايحب الا كلام زين طيب ياأختي
الله يسهل عليك*****************