عنوان الموضوع : بناااااااااااات لحقوني مجابة
مقدم من طرف منتديات نساء الجزائر

بناااااااااااات لحقوني



السلام عليكم حبايب قلبي


من صغري ماحب اشكي لاحد بس الانسان له قدره وبعدها يتعب كثير
المهم مالكم بالطواله انا من تزوجت من سنتين سرت ارتاح من افضفض لزوجي حتى لو هو مزعلني ومبكيني وربي ماشكي غير له
المهم انا زوجي لو ماخذني كان انجلط وانا بعد احبه تزوجت وبعد فتره مو طويله من الزواج سجل ايميله بجوالي انا اي رساله تجيه تجي ع جوالي وكلنا نسينا السالفه مرت شهور وكل بعد فتره تجيني رسايل خاصه من منتدا كان مشارك فيه زوجي فتره الخطبه يدو شي كنت انا طالبته منه
وارتفع ضغطي من نكات البنات الخاصه وانا مو قادره اقراء وش مكتوب المهم رحت سويت ايميل جديد ودشيت المنتدا وجلست اقرى مشاركاته وردوده وانقهت اكثر يتريق مع البنات وانواع الوناسه مررره انصدمت لانه يحبني وهو عسل معاي وذوووووووووووووق مرررره واحبه واغار عليه فيوم كان ع النت دخلت قلت ابي اسوي بحث لشي ممكن قال تفضلي كتبت بقوقل اسم المنتدا ونكه وقلت اكتب الرقم عصب وتغير وقال هذا اسلوب المفروض والمفروض المهم جلست ابكي وانهرت من القهر وجاتني حاله من الهيستريا وطلع من البيت دخلت ع الكمبيوتر ودخلت السله الي بالاب وحصلت محادثات قديمه مررره المهم جلست اقرى وانا مصدومه صح قديمه بس نفس نكات البنات الي بالمنتدا شي يرفع الضغط المهم جاى باليل وانا عادي
متكشخه ومسويه عشاء ودلع
وجلسنا واكلنا وبعدها قلت نبي نلعب وكنت كاتبه اساله كثير من ضمنها انا مقصر و و و ناقصني شي انت تبي تكلمني فشي و و و بسلوب هادى وبدون صريخ حلف مانقصك شي ولايمكن اخونك بيوم بس لايوسس فيك الشيطان قلت فلان اسالك بالله ادا كنت تحب احد قبلي قل وادا انا ناقصني شي قل بس لاتستغفلني وابشر راح اضل معاك لين تترك كل شي
عصب قال انا احلف وانتي تعيدين الكلام هنا انهرت وقلت والله قريت شي بالكميوتر وجلست ابكي راح شغله قدامي قال قصدك هدا والله والله مو انا اخوي الكبير المهم انا حالتي كانت زفت وطلعت كل الي عندي وبعدها رحت المجلس فحاله من بكاء احس دمرني خلاني وبعدها جى وعينه فيها دموع يحلف انو مو هو ويقولا لاتسوين بحالك كدا المهم استغليت الموضوع وانا بين شك ويقين وحلفته عمره مايكتب باي منتدا وحلف لي المهم قلت ليش اخرب بيتي بيدي عديت الموضوع مو غباء مني ابي اكسبه بصفي واديه فرصه
انتهت المشكله ذيك ونهايتها ان ايميله القديم مع اخوه الكبير ومو راضي يديه الرقم
قبل اسبوع خشيت ع الفيس حق زوجي وادكر لما سواه كان مافيه غير اخوه بس المهم انصدمت فيه 112 بنت و3عيال طبعا انا دخلت بايميل تاني مايعرفه زوجي وسويت اضافه واستقبلني وتكلمت معاه ومسوي انه عاطل المهم تخيلو بعد المحادثه دقيت عليه وكلمن انه دوبه صاحي وبيروح الدوام هو مسافر سكرت وانا عادي
بعد يومين ماقدرت اصبر دقيت قلت انا تعبانا ونفسيتي وفت و و و قال سلامتك وش فيك اخر شي قلت انت حسابك فالفيس بوك مفعل قال والله انه عنه من اخر مره لمن اضفت اخوي ليه فيه شي
قلت لا قال قولي فيك شي
قلت ادخل حسابك بالفيس وشوفه قال الشبكه فاصلينها عن القريه الي احنا فيها من ثلاث ايام المهم قلت صفحتك فيها وفيها وووو
قال مادري يمكن اخوي ولافلان صديقه و جلس يبرر ويقول الي فراسك كله غلط ولو عندك عقل تعرفين اني احبك ولاعمري قصرت معاك بسي انا اغلب وقتي اجلس عندك ومالي غيرك بالدنيا المهم ماقنعني وجلست مسويه كونن طيب كيف وكيف وهو يفهم وانا مخي مسكر المهم اخر شي قال وش تبين قلت تقفل الفيس ودق على اخوك وتاخد الرقم قال مايرضى قلت بتخرب بيتك عشانه قدر الشي الي احس فيه و و و
المهم طنشني ورحت اسب والعن الساعه الي حبيته فيها وخبصت مرررره بالسب والشتم بالرسايل ووبعدها ارسلي سويت الي تبينه بس مرح انسى الجرح الي جرحتينيه والايام راح تثبت لك انك ضالمتني
وللحين متخاصمين وانا عند امي ارسلت اعتدر عن كلامي لاني كنت معصبه
تدرون وش الي مخليني احس اني ضالمته ان حسابه بالفيس بوك خاص يعني محد يشوفه الا ادا سوله اضافه وانا ماني عنده بالفيس
وسويت حساب جديد من وره هو مايعرفه ودخلت
فهمتو اقول بنفسي لو كان هو اقل شي راح يقوله كيف عرفتي عدد الي عندي بالفيس وبعرف اني مسويه حساب من وراه وبتكون كارثه


بناااااااااااااااااااااااااااات والله تعبت احبه وهو يحبني بس دايم الشك ذبحني ابي نصايحكم والي يسعدكم انا حامل وبعد شهر انتضر بنوتتي
وزوجي جنني يحبني ويجنن واعشقه بس مادري كيف اسوي هو يخونني ولا انا ضالمته ابي حل الله يسعدكم والله تعبت

>>>>> ردود الأعضـــــــــــــــــــاء على الموضوع <<<<<
==================================


لا تخربين بيتك بالشك ..والغيرة ...

حاولى انك تحافظى على زوجك وبيتك ...وبما أنه حلف ..صدقيه ..الحلفان بالله ليس لعبا ..

الله يقومك بالسلامه ....


__________________________________________________ __________

بصراحه انتي الغلطانه يومك تفتشين ورا زوجك انتي الا تبين خراب بيتك بطريقتك هاذي وبعدين لو عنده نيه شينه وانه يخونك كان ماخلاك على اطلاع بكل شي بصراحه لوانا مكانك كان رجعت للبيت من دون مايدري ولاتكبرين الموضوع وتخربين بيتك واذا كان يخونك صدقيني راح يكشفه ربي ومراح يدوم في عصيانه لربي


__________________________________________________ __________

الله يهديكِ ليش تحاسبيه على ماضيه .؟!

كذا بتخربي بيتك بنفسك حتى اذا كان يكلم مالك حق تقوليلو ليه وليه ..!

طنشي وهدي نفسك ولا تسوي كذا لانك حتخسريه ..

ربي يهدي سركم ..

دمتي ..


__________________________________________________ __________

يا بنات يا عضوات يا سيدات يا متزوجات
ليش كل هذا العذاب؟ ليش التنبيش والاطلاع على خصوصيات غيرك؟ ترضين احد
يجلس يدقق بكل تفاصيل حياتك اش عملتي ؟ ومين كلمك ومين كلمتي؟

يا عزيزتي..هذا الرجل تزوجك على سنة الله ورسوله،لكن ما باعلك نفسه حتى تخنقيه لهذي
الدرجه في كل تفاصيل حياته، صحيح انتِ زوجته لكن حرام عليك اعطيه مساحه من الخصوصيه
انتِ قضيتِ على كل شيئ في داخله ، مو معقول على الطالعه والنازله تحلفينه ، اتقي الله
الحلفان بالله مو سهل ابدا ، انتِ بهذا الشك الغير مبرر ترتكبين اثم لانك تجعلينه يتخذ الحلفان
بالله مهرب منك ومن نقاشاتك الممله حتى ولو كان هذا الحلف كذب وبهتان على الخالق

لماذا كل زوجه تعتقد بأن الرجل عندما ارتبط بها اصبح ملكا لها ولا يحق له التصرف في اي
امر الا بإذنها ؟ هل تعتقدين عزيزتي انكِ بهذا التصرف الفظ تُحافظين على حياتك معاه؟
لا والله بل تُدمرينها وتقضين على آخر قطرة حب لكِ في قلبه ، مصيره يمل منك ومن غيرتك
ومن بكائك الزائد عن حده ومن تدقيقك بكل صغيره وكبيره يفعلها في حياته ، سيأتي يوم
ويشعر بالاختناق منك ومن تصرفاتك وسيبحث عن منفذ ليتنفس منه
انتِ بهذا التصرف تجعلينه يشعر بأنه ليس اهلا للثقه ابدا فهل بعد هذا الاحساس سيشعر معك
بالراحه؟ بالطبع لا ..بل سيشعر بأنه ارتبط بانسانه لا هم لها الا انتقاد تصرفاته فقط

اتركي زوجك لخالقه ، واجعليه يتنفس الحريه ولو قليلا، ولا تجعلي للشيطان مدخلا في حياتك
وانا لا ارى في زوجك اي عيوب بل العيوب في داخلك انتِ ، خففي من هذه الغيره الزائده
فلست المرأه الوحيده التي تُحب زوجها وتعشقه ،بل كل النساء تزوجن ليعشن الحب بما احلّه
الخالق عزوجل لهن ولكن لكي تعيشي الحب يجب عليك بالمقابل ان تمنحيه ليس فقط بالكلام
المعسول وقت الصفاء ولكن بكل تصرفاتك واساليبك مع هذا الانسان، وزيدي من ثقتك بنفسك
فالذي انتِ فيه الآن ليس الا من قلة ثقتك بنفسك ولكن لاتشعرين بذلك

وربي ييسر امورك ويسعدك في حياتك ان شاءالله
___________
لكِ ودي وتقديري


__________________________________________________ __________

ياحبيبتي هذا ماضي خلي عنك التنبيش الله يهديك بس
دامه يحبك خلاص لاعاد تفكرين بهالاشياء كلها من الشيطان
واستعيذي بالله