عنوان الموضوع : ارحموا عزيز قوما ذل ,,,اسئلكم بالله شورو عليا..
مقدم من طرف منتديات نساء الجزائر

ارحموا عزيز قوما ذل ,,,اسئلكم بالله شورو عليا..



بسم الله الرحمن الرحيم

مشكلتي يمكن تكون طويله شويه بس اتمنى انكم تقروها بكاملها لاني والله مره تعبت وماني لاقيه احد اشكيله,,,المهم....
انا وحده كنت عايشه في بيت اهلي مبسوطه وحالتي الماديه جدا ممتازه يعني مرتاحه وكنت طالبه جامعيه وقسم انقلش, المهم اتقدم ليا شاب جدا ممتاز وكان موظف بوظيفه حلوه بس كانت عليه ديون جامده بسبب مشاريع هوا يدخل فيها وسبحان الله ربنا مايكتب لها النجاح ويخسر المهم وافقت واتزوجت الصراحه زوجي مره طيب وابن حلال ويخاف الله والصراحه عمره في حياتي مازعلني والحمد لله لو امدح فيه الين بكره ماراح اخلص.. المشكله مو هنا المشكله انه بعد زواجنا بفتره طلب تقاعد مبكر واتقاعد لانه هوا في اعتقاده انه الوظيفه ما اتاكل عيش وقال بفلوس التقاعد اسوي مشروع طول عمره وهوا يفكر في التجاره ونفسه يشتغل اعمال حره, المهم سبحان الله سوا مشروع وطبعا خسر زي مشاريعه الباقيه وصرنا على قولتهم على بساط الفقر ,,, والله ثم والله ثم والله اني احكيلكم قصتي وانا صادقه فيها , المهم احنا متزوجين لينا سنتين ومن يوم اتزوجت وانا صابره وساكته ومهمومه وربي اني ماني لاقيه اللي اكله تعبت حتى ابسط امور الحياه ماني لاقيتها وبعد كده حملت وولدت وجبت ولد ربي يخليه لينا وبرضوا معاناتي زادت قسم بربي اني ماالقى الحليب اللي ارضعه هوا ,كل حياتنا صارت سلف من اخوانه ,واخوانه اصلا فقرانين يعني اذا اعطونا 100 ريال بالكثير .
الموضوع اللي تاعبني اني كنت عايشه حياه مترفه عند اهلي البس ماركات واصرف ولا اشيل هم حاجه واتزوجت وانحرمت نفسي البس ونفسي اكل ونفسي البس ولدي فرحتي في الحياه والله اني ماني قادره اشتري له كسوة شتاء جا البرد وانا ادبل له في الملابس الصغيره عليه وربي ولدي عمره 9 شهور ويلبس مقاس 3 شهور كل ملابسه صغيره عليه وفوق هذا كله دراستي الجامعيه ضاعت عليا لاني من اهل الغربيه واتزوجت وسكنت في الرياض ماني قادره اروح وادرس هناك مافي فلوس علشان ادرس , تصدقوا نفسي اشوف امي واخواتي ماني قادره اسافر لهم وحشوني وفوق هذا كله يشهد عليا الله اني عمري ماكلفت على زوجي بريال واحد لاني احبه وهوا طيب وانا عارفه انه ماعنده فلوس, تصدقوا والله اني اكتب دحين وولدي جيعان ماعنده حليب يبكي , وربي تعبت ماني عارفه ايش اسوي حياتي اندمرت نفسيتي تعبت وماني قادره اشكي لاحد و ماني عارفه ايش اسوي تعبت شورو عليا برئ فكرت في الطلاق فكرت في كل شي وحتى اهلي مقدر اقولهم شي او اني اطلب منهم حاجه لانهم هما اكثر من كانو يتكلمو عليا اني اتزوجت واحد مديون ومو عاجبهم وكانو يشمتوا فيا ,هما مره مرتاحين ماديا بس الصراحه فيهم الغرور عندهم الماده كل شي وهما اصلا كانو يقولو ليا في يوم من الايام حتطفشي من الفقران يقصدوا زوجي وحترجعي لينا قصدهم اتطلق , وربي وقسم بالله اني انسانه بسيطه طلباتي بس حياه كريمه ما ابغا اعيش الغنى اللي كنت فيه بس ابغا احتياجاتي واحتياجات ولدي .. قولولي ايش اسوي تعبت كرهت نفسي كرهت حياتي كل ما اشوف ولدي يزيد همي شورو عليا الله يسعدكم وادعولي ربي يفرج همي...
معليش على اني طولت بس قلت افضفض يمكن القى احد يريحني..

>>>>> ردود الأعضـــــــــــــــــــاء على الموضوع <<<<<
==================================


اختي بصراحة زوجك غلطططططططططططططططططان كيف واحد مديون ويترك مصدر رزقة لازم تقنعية اذا يقدر يرجع لوظيفتة اويبحث لة عن عمل حرام واحد عندة كل هاالديون من قبل الزواج واكيد جت عليها ديون بعد الزواج اختي الازم تقنعية يبحث عن عمل ومدام انتي في الرياض المولات الكبير والاسواق مافية اسهل من الوظاائف فيها حراس امن مثلا اوحتى وظيفة كاشير في بند او العثيم لين يلقى وظيفة مناسبة لاتتركية يجلس باالبيت ولاممكن تزيد حالتكم سو اكثرمن كذا حتى لو تهددية بترك البيت طبعا مش تعمليها وتتركي البيت لالالا انا اقصد مجرد تخويف عشان يحس بمشكلتة ويتحرك يدور عن عمل حرام تعيشوا بهذا الحال انتي وطفلك الي ماله ذنب حتى لوحارس في مدرسة اختي الشغل مش عيب العيب ان الرجل يجلس واسرتة تعاني كمان انتي تقدري تقدري تبحثي عن عمل فية شركات توظف البنات في مقاصف المدارس والكليات ابحثي عنها باالنت والله يوفق وتعيشو حياة كريمة وتتعاونوا على سد ديونكم ,,,,,,


__________________________________________________ __________

زوجك لازم يبحث عن عمل ..اي عمل ليس شرطا ان يكون عمل بمستوى عالي
المهم ان يكون عمل يكسب من وراه رزقك انتِ وولدك ، اما انه يشوفكم بهذا الحال
ويسكت هذا الشيئ غير مسموح اطلاقا

ماراح نتكلم في سبب الحال الذي تعانون منه ، لان الكلام في الماضي نقصان في العقل
كما يقولون ، ولكن الآن المسؤل عن متطلبات حياتك انتِ وابنك بعد الله هو زوجك
لا تُخبري اهلك بالموضوع ولا تطلبي معونتهم فالمعين هو الله ، وبارك الله في الزوجه التي
تصبر على نوائب الدهر وتقف جنبا الى جنب مع زوجها ، انتِ بنفسك ذكرتِ محاسنه وانه
يتمتع بصفات الزوج الطيب الخلوق ولكنه الطموح الذي جعله يُخطئ باتخاذ قرار ترك عمله
ومصدر رزقه بعد الله ، لذلك اصبري معه وان شاءالله مابعد الضيق الا فرج الكريم

شجعيه عن البحث عن وظيفه ولو مؤقته على الاقل حتى تتحسن الاوضاع ، او حاولي
مساعدته وابحثي لكِ عن وظيفه بسيطه حتى يجد وظيفه

وابدأي من الآن بالمداومه على الاستغفار في كل وقت واكثري من الدعاء في سجودك
في كل صلاة
واسأل الله العلي العظيم ان يفرج همك وكربك وان ييسر اموركم وان يوسع في رزقكم
وان يُغنيكم بحلاله عن حرامه ، وان يبارك لكم في ما تملكون اللهم آآآآآآآآآمين يارب العالمين

____________________
لكِ ودي وتقديري


__________________________________________________ __________

معليش أنا إستوقفني هالشي يعني كيف ماعندك قيمة حليب لولدك وعندك إشتراك بالنت؟؟؟؟؟؟
والله يرزقك ويوسع عليك وعليه.


__________________________________________________ __________

الله يرزقك ويوسع عليك


__________________________________________________ __________

الله يرزق يارب بس انا استوقفني شي وشلون جبتي فلوس المحمول والكونكت بس والللله يفرج همك