عنوان الموضوع : زوجي لا اعرف ماهي مشكلتي معك
مقدم من طرف منتديات نساء الجزائر

زوجي لا اعرف ماهي مشكلتي معك



السلام عليكم

ادخل فالموضوع على طول
تزوجت من ولد عمي زواج تقليدي رغم اني ماكنت مقتنعه به بس اجبرت نفسي لأني صرت اتضاايق من نظرات وتعليقات اهلي واستغرابهم من رفضي للعرسان ..صراحه كل اللي تقدمو لي ماكانو مقنعين ابدا وكنت راسمه صوره جدا حلوه لشخص اللي بعيش معاه بقيه حياتي ..بس للأسف ماجاااء او يمكن يكون فالخيال بس .., مالكم فالطويله ..

اللحين انا متزوجه من ولد عمي هذا تقريبا من عشرر شهور
طيب وحنون ودايما يقول انه يحبني بس موقادره اصدقه ليه مادري

يمكن لأني ماحبيته بصراحه ,. والله ماقدرت بس تعودت عليه ..

بس مو هذي المشكله „المشكله هي ان زوجي ماعنده وظيفه تخيلو مافيه في جيبه عشره ريال ماأبالغ والله العظيم من تزوجت ماقد عطاني ريال واحد ..حتى سياره من تزوجته ماعنده بس اخوي الله يجزاه خير اشترى له سياره بالتقسيط ع اساس يدفع له الدفعه الأولى وهو يكمل التقسيط ..طبعا ماعنده وظيفه يعني ورط اخوي يدفع عنه كل شهر ,,وفوق هذا فتح له اخوي مكتب صغير يداوم فيه متب تأمين والأرباح لهم بالنص .. داوم فيه بس شهرين وسابه ..وكل ماقوله ليش يقول تعبت مابغا الشغله هذي .,طيب دور شغله ثانيه يقول لا لا .,مايبغا يشتغل ولا يدور ابدا .. طفشت طفشت وربي ماقدر اطلب شي ..بس ماعندي فلوس مامعي .,هذا رده دايم .,

تعبت من حياتي متزوجه واطلب فلوس من ابوي اذا ابغا اروح سوق او اي شي ابغاه اطلب من ابوي واخواني !!

وفوق هذا بيتي فاضي من كل شي مافيه الا اشياء لاتذكر ..طبعا عشان مايكلف نفسه يجيب شي اول مانصححى من النوم يوديني بيت اهلي وهو يروح عند اهله نتغدى ونتعشى في بيت اهالينا بس نرجع بيتنا وقت النوم .,

تزاعلت معاه كذا مره وجلست في بيت اهلي وقلت لهم عن مشكلتي قالو عادي تحملي مصيره ببتوظف وهوو مستحيل يفكر يتوظف ...تعبت وربي ابي حل تعبت وانا اشوف البنات اللي في سني متزوجين ومبسوطات يروحون ويجون ويسافرون ووو وانا حياتي نكد طول وقتي في بيت اهلي ماكني متزوجه حتى طلعاتي معاهم ويقول بعد كل هذا انه يحبني ومايقدر يعيش بدوني ...بالله وش حكمكم وابي مشورتكم ...لأني الكبيره في بيت اهلي وامي متوفيه الله يرحمها ويسكنها فسيح جناته ..عشان كذا ماني لاقيه احد واعي وكبير ينصحني فأتمنى منكم النصيحه والرأي السديد ..

>>>>> ردود الأعضـــــــــــــــــــاء على الموضوع <<<<<
==================================


حبيبتي اكيد الي خلقكم ماراح يضيعكم وان شاء الله يرزق بوظيفة عاجلا غير اجل لكن انت لا تقنطي من رحمة الله وصايرلك 10 شهور متزوجة وبديتي بتشتكي الله يسامحك في نساء يعانون كثير في حياتهم ولا يقنطو من رحمة ربنا انت فقط ادعيلو بااسماء الله الحسنى عند كل صلاة والله ماراح ينساك
اما بنسبة لعلاقتك معاه انتي ليه ماتصدقيه انو بيحبك وش دخل ظروف المادية مع العواطف بل العكس لازم يكون تفاهم وحب من اجل ان تتجاوزو كل الصعوبات وحاولي تحني عليه وتحبيه في الاخير يبقى زوجك ومالك غيرو حياتي والله راح يجازيك
اذا احتجت اي شيئ راسليني عالخاص


__________________________________________________ __________

لا تحطى الفلوس اكبر همك مادام زوجك يحبك
انا صبرت على زوجى سنين عشان بيحبنى
الله يرزق زوجك وزوجى بوظيفة عاجل غير اجل


__________________________________________________ __________

انتي فهميه انوالى متى وانتوبهاالحال الكل ياكل بيت اهله يعني مافي خصوصيات زوجيه بينكم
بعدين بيجيكم طفل من الي راح يصرف عليه انتي قولي له لوماتضمن لنفسك بروح لاهلي لاني موضامنه حياتي معاك طبعاالي بتقوليه مجردتخويف بماانه يحبك ومايصبرمنك بيخاف ويدورله شغل انتوالحين لوحدكم وعادي لوماتاكلون بس الطفل الي بيجي من يرعاه ويصرف عليه انتي عودتيه انك تاخذي من ابوك واخوك خليك صارمه معاه لاتكلمي اهلك لان الاهل مايبون خراب بيت بنتهم بس انتي تفاهمي معاه وحطي النقاط ع الحروف ومعروف من زمان ان الرجال مايعيبه الاجيبه


__________________________________________________ __________

حبيبتي هذا مو حال اذا مو ماعنده واصلن شكله مو مستعد ليش يتزوج
وبعدين بعد عمر طويل لابوك الله يخليه لك انشالله مو دايملك واخوانك اكييييييد عندهم بزران ومره واصلن مو مساول عنك لازم تخلي احد من اخوانك يكلمو او ابوك


__________________________________________________ __________

اختي الغاليه. من البدايه ليش بتاخذيه يوم انه ماعنده وضيفه وتورطي نفسك والحين تقولي وش اسوي ؟؟؟, بس خلاص صار الي صار ليه مابيكد مثل الرياجيل بسيارته بس اكل ونوم لا اختي مايصلح كذا انتي كلميه انصحيه قولي باكر بيجي لنا ولد من وين تعيشه وانت تعرف مصاريف الطفل قولي روح مثل الرياجيل دور على شغل مو عيب ان الواحد يدور شغل .العيب ان الواحد يستمر في الخطا وهذا خطا انه نايم مايدور وضيفه له ولاهله قولي لين متى وانت تبي الناس يعطونك فلوس الرجال يعز نفسه وانت لازم تقول عطوني ...كلميه بكلامي هذا يمكن ربي يهديه ...دعاء من ام البرين لامك ..اللهم ابدله دارا خيرا من داره واهلا خيرا من اهله وادخله الجنة واعذه من عذاب القبر ومن عذاب النار .
اللـهـم عاملة بما انت اهله ولا تعامله بما هو اهله .
اللـهـم اجزه عن الاحسان إحسانا وعن الأساءة عفواً وغفراناً.
اللـهـم إن كان محسناً فزد من حسناته , وإن كان مسيئاً فتجاوز عن سيئاته .
اللـهـم ادخله الجنة من غير مناقشة حساب ولا سابقة عذاب .
اللـهـم اّنسه في وحدته وفي وحشته وفي غربته.
اللـهـم انزله منزلاً مباركا وانت خير المنزلين .
اللـهـم انزله منازل الصديقين والشهداء والصالحين وحسن اولئك رفيقا .
اللـهـم اجعل قبره روضة من رياض الجنة ,ولا تجعله حفرة من حفر النار .
اللـهـم افسح له في قبره مد بصره وافرش قبره من فراش الجنة