عنوان الموضوع : ماادري من وين أبتدي او من وين ابدأ موضوعي .. آمي الغاليه -تم الاجابة
مقدم من طرف منتديات نساء الجزائر

ماادري من وين أبتدي او من وين ابدأ موضوعي .. آمي الغاليه



السلام عليكم ورحمة الله

شفت هالمنتدى من فتره وكنت اقراء مشاكل منها المعقول اللي يدخل العقل ومنها اللي مايدخل وكنت اقراء معناتهم من بعيد لبعيد سبحان الله جاء اليوم اللي أحتاج اني اكتب فيه ...

ماادري من وين أبتدي او من وين ابدأ موضوعي

ماادري المشكله تكمن في أمي او انها تكمن فينا احنا عيالها مع اني اشوف مو مقصريين معاها بشيء والحمدلله مضيقه علينا بشتى الطرق اي طريق تحس انه فيه سعاده لنا تضيق علينا منه ..

انام وامي صاحيه تهاوش وتصارخ وزعلانه وكلام جارح ودعاء وتسلط علينا بكل انواعه احنا عيالها حتى ابوي معانا .. واصحى الصبح ونفس الحاله امي كذا .. سبحان الله ربي رزقنا بـ أب مافيه مثله نعم الأب ونعم الولي ربانا احسن تربيه حنون لأقصى درجه اللي مهون عيشتنا كلنا في هذا البيت وجود ابوي الغالي ...

اوقات تمنع عنا الملابس والاكل معظم غرف البيت مقفلتها تحب انها تسيطر على كل شي حولها وتتحكم فينا متسلطه على الشغاله تنومها بوقت متأخر حوالي الساعه 3 فجراً وتخليها تصحى الساعه 7 الصبح

تكلمنا معاها حاولنا نفهم ايش فيها مايعجبها الكلام وتبدأ بالدعاء والصراخ والكلام اللي ماله داعي من اول ماكانت كذا فجأه تغيرت امي
ماادري ايش اللي غيرها ...

تطلع الحاره تتكلم عن ابوي وتقول كلام مو فيه وتتكلم عنا احنا عيالها وتجيب كلام من رأسها معظم الاوقات صرنا ماندري كيف نتعامل معاها

هالفتره احس بضغط داخلي انا واللي حولي كلنا ماصرنا نتحمل منها اي كلمة والله بنفجر مو قادره اتحمل اتمنى ربي يهديها ويحنن قلبها علينا وتحس ان اللي تسويه غلط × غلط

بس أشك بهالشي انها راح تحس فينا البيت صار كأنه مهجور حتى لو دخلوا عندنا ضيوف وهي تصارخ نقولها ياامي فيه ناس هدي نفسك لاحد يسمعك تقول مو انا اللي رحت عندهم هم دخلوا لبيتي واللي مو عاجبه يطلع برى والله نتفشل من هالكلام لانهم يسمعونه

صار كل واحد فينا جالس لحاله ومانجتمع على الاكل كثييير اسأل الله العظيم رب العرش ان يهديها ويسخرها ويحنن قلبها علينا ...

كتبت هنا اتمنى ألقى كلام يخفف عني اللي بداخلي نفسيتي ماصارت تتحمل اي كلمه تجيني من اي شخص حتى لو احد يهدي علي او يواسيني والله ابكي على طول اكتب لكم والعبره خانقتني

ربي ألقمني الفرح دون إكتفاء ولاتجعل مكاناً للحزن بـجوفي ....

>>>>> ردود الأعضـــــــــــــــــــاء على الموضوع <<<<<
==================================


رفـــــــــــــــــــــــــــــــع


__________________________________________________ __________

الغاليه صاحبة المشكله
ربي يحفظلك والدك ووالدتك ويجعلهم ستر وغطا عليكم
امين يارب العالمين
عزيزتي
اقنعوا الوالده انها تزور اخصائي غدد
ترى حالة والدتك هذه ممكن يكون سببها خلل في الغده الدرقيه والله اعلم
لان تقولين هي ماكانت هيك بالسابق
ربي يشفيها ويشفي كل مريض
امين


__________________________________________________ __________

الله يفرج همكك ياارب حاولي تتفهمي معها اسأليها

خلو ابوكي يشد عليها شوي ويقولها غيري طريقتك

الله يهديها


__________________________________________________ __________

هلا ياختي

الله يفرج همكم..

حبيبتي لما قلتي انها قلبت عليكم فجاه وتغيرت
اكشفو عليها من الناحيه الطبيه فإذا سليمه

روحي الناحيه الدينيه وهي الرقيه الشرعيه أنا مابي اخوفك
عادي تراه قران اقرو عليها يمكن سحر او عين او حسد
شغلي سوره البقره ولاحظي تصرفها

وأبعدو عن الاغاني وأكثروا من القران فمعروف للحديث عليه السلام (لاتجعلو بيوتكم مقابر)) فيما معناه
اي البيت الي مايقرا فيه القران تعيث فيه الشياطين الفساد
والخراب والأمراض والأحلام المزعجه والكوابيس

البيت الي يقرا فيه البقره تهرب الشياطين منه وتقرب الملائكه

الا بذكر الله تطمئن القلوب

والله يفرج همكم


__________________________________________________ __________

الله يعينك طيب شوفيها يمكن حتى هي تعبانة نفسيا يمكن هي عندها مشكلة بس محد داري عنها
الله يعيينكم بجد بالتوفيق..