عنوان الموضوع : اروح لاهلي وارتاح او اصبر؟ مجابة
مقدم من طرف منتديات نساء الجزائر

اروح لاهلي وارتاح او اصبر؟



السلام عليكم ورحمة الله وبركاته

مشكلتي من سنتين لما ياعندنا واحد من اقارب زوجي وقال انه رح يدرس بمنطقتنا طبعا زوجي رحب فيه وسوينا له الواجب وماقصرنا معاه لحد اليوم المشكله الرئيسيه انه للحين عندنا طبعا قسم الرجال عندي صار شي ثاني اللي هو يالس فيه انا مليت من هالحال والله ياخواتي ماعمري تهنيت بشي ايام الاربعا والخميس والجمعه طبعا اقوم اطبخ وطلعات ماكو اكل مع زوجي ماكو لا والمصيبه انه مره طلب مفتاح السياره فعطاه زوجي راح مشوار وتعود صار لما يشوف زوجي ياي عندي وعندعيالي داخل البيت ياخذ السياره ويطلع يتمشى فيها لاخر الليل ويرد زوجي مل من هالوضع بس يقول (استحي اكلمه شقول له)وكمان زوجي لببي يوصله لمكان دراسته يعني مرتاح عالاخر اكل ونوم وسكن ببلاش والمكافاه بجيبه انا خلاص موقادره اصبر صرت اتعب من هالوضع واتم ابكي وزوجي يقول صبري راح الكثير ومابقى الا القليل طبعا باقي له الا شهر 8 قبل رمضان ومره من المرات بنتي كانت حرارتها مرتفعه وايد وزوجي يتصل فيه يبيه يرد السياره عشان نودي بنتي للمستشفى لكن لا حياة لمن تنادي ولو موجارنا ساعدنا كان راحت بنتي من بين ايديني ويوم ساله زوجي ليه ما ترد قال ماسمعته نسيته بالسياره المهم قلت اوكي بصبر وبشوف اخرتها وياه وبعد عيا عمه كل اسبوعين وهم يايين عندنا انا اللي ابي اعرفه هم مايفهمون انا نبي ناخذ راحتنا ببيتنا المهم تخيلو اليوم طب علينا اخوه الصغير يقول ابي ادرس عندكم لانه كان ساكن بقريه ويقول مليت ابي المدينه احسن تهاوشت ان وزوجي وقلت انا مليت هاذي موعيشه ودني بيت اهلي ما اقدر اتحمل طالع فيني وقال ويهون عليك تخليني بروحي بعدها ماكلمنا بعض لا ونسيت اقول اخوه اللي جا عندنا جاب رفيقه وياه طبعا زوجي يقول عيب اناقش اخوي الحين نكرم الضيف اول بعدين اتفاهم معاه ان قلت لزوجي انا مو فاتحه فندق بالبيت اكل وشرب ونوم يعني بالعربي خمس نجوم انصحوني انا مللللللللللللللللللللللللللللللللللللللللللللللللل لليت فكرت اروح لاهلي لان لو اطول الظاهر اني بنفجر وصحيح اللي حمس اخوه على الدراسه بالمدينه اخوه اللي اكبر منه يعني مو من المفروض يكون عنده الحين؟ارجوكم شسوي مو قادره اتحمل اكثر لا تهملون رسالتي واسفه على الاطاله

>>>>> ردود الأعضـــــــــــــــــــاء على الموضوع <<<<<
==================================


السلام عليكم
حبيبتي مادام زوجك قال اصبري اصبري حبيبتي لانه زوجك مايستغني عنك
وانتي كلميه انه يكلمهم يروحوا من عندكم
الله يعينك وتخلصي منهم


__________________________________________________ __________

مثل ماقالت الاخت محبة الازهار


__________________________________________________ __________

الزمي الاستغفار وادعي


__________________________________________________ __________

الله يعينك حبيبتى بس والله شى يقهر
طيب مافيه سكن فى مكان دراسته اكيد فيه
خلى زوجك يفتح الموضوع معاه
واكيد هو بيفهمها ويستحى شويه
او يستاجر له فى سكن العزاب ويكمل دراسه
والسياره لايعطيه انتى وعيالك اهم وليه حارمه نفسك من الطلعات
اطلعى ماعليك منه والطبخ مو كل يوم طبخ عشانه
ونصيحه لالالالالالالاتضيعى حياتك عشانه


__________________________________________________ __________

والله قهر مو ماخذة راحتك ب بيتك وبعدين اشلون زوجك يدخل رجل غريب البيت ؟؟ ما يجوز اصلا
الله يهدي زوجك
لابد من حل يتصرف معاه
قولي له انك متضايقة ومو عاجبك الوضع