عنوان الموضوع : ساعدوني من دون هجوم عليه وبإيجاد الحل -تم الاجابة
مقدم من طرف منتديات نساء الجزائر

ساعدوني من دون هجوم عليه وبإيجاد الحل



بسم الله الرحمن الرحيم
السلام عليكم ورحمة الله وبركاته
قبل ماابداء بمشكلتي اتمنى ان اجد الحل عندكم وليس العتاب,انا عارفه ان اللي سويته حرام ووالله ضميري يأنبني,لكن ربما الوحده هي وبمساعدة الشيطان هي اللتي اوصلتني الى هذا الحد
مشكلتي هي بدأت من قبل سنه,سجلت في احد المنتديات واستمريت فيه وفي يوم من الأيام طرحت عن موضوع قرأته وبدأت الردود,كان من ضمن الردود شاب أعجبني رده كثير ارسلت له شكري ثمن مرت ايام وطرحت مشكله لإيجاد الحل وللنقاش فيها لأحد الأعضاء بداء هو معي وتناقشنا ممكن وقتها تجاهلت اكثر النقاشات احس اني وقتها تعلقت فيه,جلسنا فتره ولم اره في المنتدى وقتها عرفت ان في شي يجذبني له استمر غيابه اسبوع سألت عنه لم اجده بعد فتره رجع وعرف اني سألت عنه وانا ماادري كيف سويت كذا من هنا بدأت العلاقه بيني وبينه لكن اقسم في هذي الفتره لم تتجاوز الرسايل والمواضيع والمساعدات من دون كلمه واحده في الحب استمرينا تقريبا 3 شهور ثمن طلب ايميلي في البدايه رفضت قال ان عنده مشكله وكمان كان عنده بحث وانا متخرجه واعرف اسوي بحوث,والرسايل الخاصه متنفع وكمان ماتوصل الا بعد كم دقيقه ومن دون مجلدات وبعد اصرار حلف بس يخلص المشكله والبحث بس يوم وخلاص يمسح ايميلي
وفعلا ارسلت له ايميلي وحكى مشكلته وقعدنا حول 3 ايام تناقشنا في بحثه وفي مشكلته بس انا تعلقت فيه لأنه كان محترمني ولاعمره زل بأي كلمه حتى في الحب لأنه كان شرطي
في هذي الفتره وانا معاه كنت ارسل له نصائح وارسل له فلاشات عن الصلاه وعن حاجات زي كذاعشان كنت اخاف يزل لسانه بأي كلمه خصوصا اننا طولنا لكن كمان ماشاء الله عليه ماعمره زل,كانت فترة وجودنا مع بعض تدوم طويله جدا احيانا 12 ساعه متصله لاتفصلنا الا الصلاه وشوية اشغال
وبعد فتره بعد انتهاء البحث وبعد ماتناقشنا في مواضيع كثيره قررت اني اتركه بحكم الحرام ,بغا ينجن وقتها طلبني استمر معاه وانه والله تغير كثيييير بعد ماانا استمريت معاه يقول بعد عن شلته الفاسده وانه كمان الحين مرتاح كثير عن الماضي ,اول نادرا مايصلي ويصلي احيانا في البيت وان بعد مااستمريت معاه انه صار محافظ جدا على الصلاه وحاجات كثيره تغيرت فيه وانه يخاف يرجع وان اذا استمريت معاه حلف ماراح يقول شي غير اللي اطلبه بس اضل معاه واحافظ عليه عشان مايرجع وعشان يثبت اكثر
رجعت له وشرطت ان على الأقل نحفظ بعض سور القران والله شجعني وفرح كثير وراح يدور هو مواقع عن الطريقة حفظ القران بالنت وكمان افكار كثيره ,استمرينا مع بعض وبدأنا نسمع لبعض عن طريق الكتابه,في هذي الفتره طالت علاقتنا استمرت حول 6 شهور,ثمن وجدنا لازم التسميع عن طريق الصوت طلب مني رقم الجوال رفضت ولم يضغط عليه استمرينا بالحفظ عن طريق الكتابه ثمن بعد كم شهر غاب فجأه ومعد يدخل غاب يمكن 3ايام انا انجنيت والله تعلقت فيه وحسيت انه لازم اسأل عنه وكان معي رقم جواله لأنه كان يرسل من الجوال على الأيميل اذا بيطول في الجامعه عشان ماانتظره,فأنا خفت يظهر رقمي عنده بحثت في النت ووجدت طريقه اتصل من دون اظهار الرقم فسويتها لكن فشلت وظهر الرقم عنده وخفت وطلبته يمسحه لأن زوجي احيانا يشيك وفعلا والله مسحه بس انا رجعت ثاني مره ادق عليه لأن وقتها صار عليه حادث وتنوم احيانا ادق على المستشفى واحيانا على الجوال وبعدها استمرينا بالجوال ولاعمره ارسل وزوجي موجود ولاعمره ارسل الا اذا طلبت منه شي
بدت كلمات الحب بيننا تعلقنا في بعض كثيييير لكن انا عارفه محنا لبعض بس هو دايم يقول احبك في الله لأنك انتي غيرتيني بعد اللله انتي ساعدتيني ترك شلته الفاسده حاولت اتركه لكن لم استطع حاول هو يساعدني لكن احيانا انا ارجع له واحيانا هو يرجع لي وطلب استمر معه لمن يتزوج يمكن بعد سنتين ,لكن صعبه عليه الحين لنا حول السنه وكم شهر وانا احاول اتركه غيرت جوالي لكن بالأيميل لازلنا مستمرين
يمكن اللي خلاني كذا هو زوجي دايم وحيده ومنعني من صديقاتي ازورهم منعني من حاجات كثيره وكمان مااطلع كثير وزوجي مو من النوع اللي يجلس في البيت او يسولف معايه يمكن عشان كذا انا تعلقت فيه حاولت اشغل نفسي لكن زوجي يرفض بحكم البيت واشغاله وصار هو الوحيد معايه وانا اصبحت له كل شي حاولت معه يدخل تحفيظ لكن رفض يقول صعبه لأن احيانا يجي من الجامعه متأخر على 8 فصعب وترك شلته الفاسده من سهر وبنات وكل شي واول مره يختم القران في رمضان ويحس براحه لأننا تسابقنا على ختمه
اصبح هو مخبأ اسراري وانا كذلك بالنسبه له معظم ماضيه اعرفه حتى اهله صاروا يشكون يقولون لايكون ارهابي
صرت ارتاح له كثير بس ضميري يأنبني بحكم الحرام ولأني متزوجه
احيانا اقول يمكن لو عندي صديقه من النت احسن بكثير من اللي حولي احيانا تكون معون لك بس مالقيت
بحثت عن الحل لكن لم اجد وارجع له واستمر معاه حاولنا نترك بعض بالتدريج لكن ارجع له ماالقى احد حولي
ارجوا انكم تساعدوني بكل حب وان تجدون لي الحل فضميري يعذبني بحكم الحرام وخيانتي لزوجي
يااارب اجد الحل على يد وحده منكم يااااارب وتريحوني من العذاب
والسلام عليكم ورحمة الله وبركاته

>>>>> ردود الأعضـــــــــــــــــــاء على الموضوع <<<<<
==================================


مو معقول مافي احد رد
ولا احد ساعدني
الله يخليكم اللي تقراه تساعدني ولو بفكره


__________________________________________________ __________

حبيبتي ثقي ان هذي هي مداخل الشيطان وهو اللي يصور لك انك ماتقدري تسيبيه
انا معك في خطوتكي اللي سويتيها وغيرتي رقمك وكمان تقدري تسوي الخطوة الثانيه وتغيري ايميلك
حبيبتي (( من ترك شيئا لله عوضه الله خيرا منه ))
قولي يارب انت تعلم ان قلبي تعلق بالشخص هذا ولكن حبي لك وخوفي منك اكبر من ذلك يارب اني تركته من اجلك ثم من اجل ان لا اخون زوجي اللهم فاصرف قلبي عنه وازل كلما ما اجده من الشوق والحنين اليه
يا اختي واضح من كلامك انك انسانه تخافين ربك فيا اختي اتضمني ماتنقبض روحك وانتي تراسلينه وساعدتها الكل راح يكتشف امرك
عودي الى الله ادعي الله ان يصرف قلبك عنه وان يسخر لك زوجك ولا تجعلي انشغال زوجك عنك سبب لغضب ملك الملوك وتذكري دائما (( لا تجعل الله اهون الناظرين اليك ))
اقعدي بينك وبين نفسك فكري لو لا سمح الله زوجك اكتشف وش راح يكون مصيرك .. وش نظرته والله لو كنتي احسن الناس بعينه راح ينسى هذا كله مارح يشوف غير الخيانه .. واعذريني لو قسيت عليكي شوي .. لكن احمدي الله انه مازالت امامك فرصه .. وان القلب مازال ينبض .. تداركي نفسك .. اهتمي بزوجك .. اشغلي اوقاتك بالقراءة او التحفيظ .. او الكتب .. او حتى الصحبة الصالحة من رفيقات الخير بالمنتديات..لاتجعلي الشيطان يوهمك بأنكي مظلومه من زوجك وانكي تحتاجين من يفهمك ويقف جنبك ويساعدك .. اقطعي علاقتكي فوووووووورا ودون تردد .. فربما تكون هذه اخر فرصه لديكي لاسمح الله .. لاتضيعيها .. وكلما شعرتي بالحنين او الفراغ استعيذي بالله من الشيطان الرجيم وتوضأي وصلي ركعتين وتوسلي الى الله ان يصرف قلبكي عنه
وتخيلي لو لا سمح الله اكتشقتي ان زوجك من له تلك العلاقه ماذا كنتي ستفعلي ؟؟

ادع الخيار لكي .. ولا تنظري للجوانب التي قصر فيها زوجك انظري الى الجوانب الاخرى السعيدة في حياتكم
واستعيني بالله في السجود والثلث الاخير من الليل واكثري من الاستغفار وتذكري وقفتكي بين يدي الواحد الاحد وحدكي لن يأتي هذا الشخص ليدافع عنكي في ذلك اليوم الذي لاينفع مال ولا بنون الا من اتى الله بقلب سليم

اسأل الله العلي العظيم ان يصرف قلبكي عن الحرام ويتوب عليكي ويملا حياتك بالسعاده والطمأنينه عاجلا غير اجل
اللهم امين

اعتذر ع الاطاله وارجوكي سامحيني لو قسيت عليكي فو الله لولا حبي لكي وانك مثل اختي لما قلت لكي هذا الكلام
دمتي بود عزيزتي


__________________________________________________ __________

الله يريحك دنيا واخره اختي توته
والله العظيم كلماتك اثرت فيني ونزلت دموعي
والله اني احاول وهذا انا لي يومين ماشفته احاول اجاهد نفسي ويارب يساعدني
لك خالص حبي


__________________________________________________ __________

شوفي انا الا في دي الامووووور ماتكون فيه عاطفه
انا بحكم اني بنت صغيره اقولك شئ والله هو ماعنده ماعند جدتي انتبهي من هذيله الدئاب هم اللي خربوا سمعه البنات انا صديقتي بدأت بالنصح وانتهت بالفضيحه عند اهلهااااااااااااوانصحك اقفلي ايمبلك وغيري باسرع وقت وهو الله يهدي ويسيبك
اسفه لوكنت قاسيه عليك
وشكرا


__________________________________________________ __________

حبيتي أنا ما بدي حط عليكي لووم بس إلي تعمليه حرااااااام وربنا راح يغضب عليكي أختي جوزك ما يستاهل تعملي هييك وربنا تتوبي وتستغفري ربك