عنوان الموضوع : ياحي ياقيوم برحمتكاستغيث......... مجابة
مقدم من طرف منتديات نساء الجزائر

ياحي ياقيوم برحمتكاستغيث.........



السلام عليكم ورحمة الله ........حبيباتي اعضاء سيدتي
ان شاء تقرون مشكلتي وانتم في قمة الروقان عشان تجاوبون علي بتاني لان اللي برا المشكله بيعطي حلول منطقيه .......عكس اللي يصارع المشكله اعصابه تعبانه واكيد بيتهور عشان كذا انا فكرت في هالقسم......
ابدا في المشكله .....انا وزوجي متخاصمين لنا شهر ونصف مانكلم بعض
والمشكله تافهه مو مستاهله هالزعل كله.......عشان نواقص الاولاد وليه انا كمان ....بس صار فيها مشاده كلاميه انه مو حاس فينا ومنت مريحنا من هالناحيه ودايما ماعندي فلوس في كل المناسبات ماعنده نادر مايقول ابشري لازم مشكله قبل كل طلب وليه ماليه ومو لازم وبلا فشخره ........
ومن هالكلام مع اني والله نزلات السوق في المناسبات فقط
حتى الاعياد صار عيد انقضي وعيد لا.....
وطول ال16سنه زواج وعذره نبي نامن بيت و...........و........ولا شفنا ولابصيص امل.....المهم
قلب علي وانتي نكديه وانتي مايثمر فيك المعروف مهما سويت مو مبين فيك
......وزعلنا عليها بعدها كتبتله ورق احاول يتفهم المشكله.......طنش
واخذ اجازة اسبوع وراح لهله........وطنااااااااش ولا اتصل ولا سال ولاترك مصروف......وتعبت بنتي وصلت حرارتها 39ونص اضطريت اوديها مع الجيران المستشفى.......ونا مره عصبت من هالحركه بس ماتكلمت ورجع ولا يناضر في وجهي اكل ونت فقط.......
تعب ابوي وقلت بروح اسلم عليه .....ورفض من غير سبب مقنع بس كل اللي يبيه يقهرني.......
وكل ماقلت بروح لاحد رفض.......وطول هالفتره ماطلعت من البيت ونفسيتي تعبت زياده.........
ارسلت مسج قلت اولادك صارو منتبهين.......اذا فيه شي قول اللي في خاطرك خل تنحل المشكله........
ومارضي يكلمني ومطنش...........وهالمره كتبت ارسلت مسج انو حرام عليك مايسير ليه كل هالجفا انا ماسوينا جريمه تعاقبنا عليها هالعقاب.......
منستاهل كل اللي يصير.........
واخيرا انا اسفه على كل اللي مزعلك مني,,,,,,,وبقول اني مقصره غصب....
ومع كذا برضه مطنش,,,,,,وكلمته قلت اشفيك لسى زعلان وكان زي بكره مسافر قال اذا جيت نتفاهم .......وراح وتركني على اعصابي يومين ورجع وبرضه ولا كلمه ولاحاول يتكلم لسى مبوز
ونا بصراحه ......انسانه ولي كرامتي اكثر من كذ محاولات ماعاد فيني
لاني والله كارهته وصرت افكر في الفراق كثير......زبس اتراجع عشان الاولاد........وش ذنبهم لاني في الاخير كاني بعاقبهم
تكفووووووووووووون شورو علي وش السواة معه ارجوووووووووكم لاتطنشون الموضوع كل من يقراه يتصدق علي بكم كلمه لاني والله في ضيق مايعلم في الا ربي ........
حسبي الله وكفى

>>>>> ردود الأعضـــــــــــــــــــاء على الموضوع <<<<<
==================================


وعليكم السلام ورحمة الله وبركاته
عزيزتي صاحبة المشكله
قريت مشكلتك اكثر من مره وهذا مو طبعي ولكن حبيت اكون دقيقه ومااظلم احد سهوا او عن غير قصد
عزيزتي هذا زوجك مو خالي فيه شيء براسه مااقول زواج ولكن كأنه شايفله شوفه ويتسلى وعايش لنفسه وبس
ماعلينا هو وربه يتفاصل احنا اللي يهمنا طلباتكم والتزاماته اتجاه اولاده وبيته
مادام ماعاد لك كلمه وخاطر عنده انا برأيي تستعيني باحد من الاقرباء من اهلك او اهله يتدخل ويتفاهم مع زوجك
كأنه والله اعلم مستضعفك وحاسبك الحيطه المايله
تكلميه يطنش تعتذريله يطنش تبعثيله رسائك الحايط يجاوب وهو لا
ايش هذا؟؟
شوفيلك رجل معتبر وله كلمه من العائله يجلس ويا زوجك ويضع النقاط على الحروف
هي فوضى؟؟
تارك عائلته وعامل روحه زعلان الباشا وبنفس الوقت مخلص روحه من المسؤوليه
خليه يقوم بواجباتكم وطلباتكم مثل ما الله امر وبعدها يروح وين مايروح مو مهم
ربي يعينك ويقويك على كل ظالم ويهدي زوجك
امين يارب


__________________________________________________ __________

الله يهدي زوجك


__________________________________________________ __________

صراحه اصبري عشان عيالك ولاتفتحي معاه موضوع الفلوس فتره طويله وربك مايخليكي ...واصبري عنه شوي وبعد فتره روحي راضيه بهديه بسيطه واتاسفي له وسلمي على راسه بالنهايه هو زوجك لاتعطين للشيطان مجال خصوصا عشان اولادك ..الله يهدي امين ..


__________________________________________________ __________

شوفي حبيبتي انا مع اللي قبلي في الراي بس انا اشوف انك تحكمين احد من اهله افضل عشان مايكون فيه عناد او حساسيه وإذا لزم الامر احد من اهلك بس الاول احد من اهله ولو كان ابوه افضل بصراحه محد يرضى بكذا لا مصروف ولا منتبه لعياله ولا لكي مايسير كذا وانت اللي عليك سويتيه اعتذار ورسايل الله يعينك ويهدي الامور ويصلحلك زوجك ووصيتي لكي بصلاة الليل والاستغفار فهو افضل الحلول


__________________________________________________ __________

مدري صراحه

بس احس لو اني بمكانك


قلت له انا اسفه وكلام زي كذاعن التصرف الي زعلك


وبعدين بقول بروح لاهلي فتره اذا حسيت انك رضيت عني وحسيت انو الموضوع اخذ اكبر من حجمه تعرف وين تلقاني

بس اهم شي انتي تعرفين شخصية زوجك اذا تنفع معه ذا الطريقه

وبس

الله يعينك صراحه