عنوان الموضوع : محتاره ولاادري شسوي الطبيب يجيب
مقدم من طرف منتديات نساء الجزائر

محتاره ولاادري شسوي



السلام عليكم ورحمة الله وبركاته

انا متزوجه من 6شهور زوجي عمره35 وانا عمري 25

منفصل قبلي طبعا يوم جى يخطب لمع نفسه وقال وقال

المهم بعد الزواج عرفت انه هو سبب الانفصال لانه شخص مايتعاشر...

وعرفت بعد انه منفصل قبلي مرتين مومره وحده بس...

احيان من كثر ضيقتي منه اتمنى اموت نفسي وارتاح....

بارد مغرور بخيل كدااااااب مومسؤل عن تصرفاته يقول الكلمه ومايكون قدها..

والله مابالغ بكل كلمة قلتها عنه....

انا ماملكت الى قبل الزواج باسبوعين وخلال هل اسبوعين ماكان يكلمني

الى نادر وادا كلمني كل سواليفه عن الشغل وبس..

ماعطاني المهر الى قبل الزواج بشهر واحد تورطت في التجهيز
والزواج كان يفشل مع انه مقتدر بس جداا بخيل وعديت هل امور وقلت بكره بيتغير...

اول يوم كل واحد فينا نام في غرفه والا اليوم كلا فينا بغرفه

يعني زواج على الورق وبس...

طول وقته على النت هده اول اسبوعين وبعدها طول وقته في الشغل

وكل يوم اصبر نفسي واقول في الي اسوء

وابداا مافي فايده فيه

مره سالته الى متى راح نبقى على هل حال قالي استحملي
انا الان ماتعودت اني متزوج...

ماصدق ان فيه بشر كده

هو مريض نفسي حاولت انه يروح يتعالج رفض..

عايشه بجحيم...

للاسف سيئ مع الكل حتى عياله مخليهم في منطقه ونحنا عايشين
بمنطقه ثانيه مع اني اموت في الاطفال وهو عارف هل شي
ودايم اقوله حرام عليك جيبهم عندي احطهم بعيوني
بس رافض والله اني في الليل اقعد ابكي كاسرين خاطري
دايم مقصر معهم والمشكله مالهم احد غيره كل اهلهم في ديره ثانيه
مادري من اي طينه مخلوق جمااااااااااد مافي قلبه رحمه

اناني يحب نفسه وبس

اكثرمن مره قررت الافصال بس الي يمنعني

اني احبببببببببببببببببه والله العظيم احبه حب موطبيعي
ولاعارفه ايش سبب هل حب وانا ماشفت منه اي خير...

اعطف عليه احس داخله خير بس مرضه غطى عليه وخلاه شخص سيئ

حتى اهلي يقولون مجنونه وانتي مضيعه عمرك معاه
مع اني عمري ماشكيت او قلت كلمه بس هم ملاحظين مافي شي يتخبى
سوءه واضح للكل...

مره امي قالت لي شكله عاملك عمل ولافي وحده عاقله تحب واحد مثل كده

مشاعري اتجاه غريبه موقادره افسرها...

رحت عند اهلي على انه زياره عايديه وطبعا حتى روحتي لاهلي يبلها طلعت روح
المهم رحت يوم جى الليل ارسلت له اني بنام عندهم مارد علي

جلست اسبوع عندهم لادق ولارفع السماعه ولاانا دقيت عليه
وبعد اسبوع ارسلت له ادا فضيت مرني...

طقني اسبوع وبعد اسبوع ارسل لي تجهزي بمرك اليوم
ماكنت برجع معه بس مابغيت اهلي يحسون بشي
مع انهم شايفين الوضع وعرفين طول ماانا عندهم لارفع السماعه ولامر
بس انا قلت بتحمل واعدي كم شهر والله كريم...

يوم رجعت البيت كنا طول الطريق ساكتين اشترى عشا ورحنا البيت
ونحنا نتعشى جلس يسولف رغم انه مومن عادته يسولف معي

قالي لو تاخري اكثر كنت برسلك ورقة طلاقك...قلت له وانا كنت انتظرها زين قلت لي عشان المره الجايه اطول اكثر..

قالي في واحد من اصدقائي زوجته طلعت بيت اهلها من اول يوم طلقها بثلاث مع العلم انه يموت بسواليف الطلاق كل سواليفه فلان طلق فلانه
عنده ادمان طلاق

المهم انا قلت له احسن لها على الاقل ترتاح منه شخص مثل كده ماينبكى عليه..

قال ايه بس الحين هي ندمانه ..قلت له غبيه على ايش تندم شر وراح..

قالي بني ادم غبي تكون النعمه بيده ويفرط فيها وبعدين يندم ويبكي

سكتنا شوي وبعدها قالي

بقولك شي وافهمي زي ماتفهمينه


سواء ربي كتب لي عمر معك او لا انتي ربي راسلك لي من السما سواء قدرت احافظ عليك او ماقدرت وكانت عيونه ملايانه دموووع..!!!!!!!

انصدمتتتتتتتتتتتتتتت

صنمت مكاني
...

وجلست ابكي...


لي يومين موعارفه انام كلمته هزتني شلتني..

انا كنت مخططه انه بعد شهرين اطلب الطلاق وارتاح

بس كلمته قلبتني فوق تحت..

ابي احد يساعدني كيف اتصرف معه....؟؟؟


شخص مايتعاشر وامووووت فيه ايش الحل....؟؟؟

>>>>> ردود الأعضـــــــــــــــــــاء على الموضوع <<<<<
==================================


شوفي ياقلبي..ماراح أطول عليك..بالمختصر المفيد..انتي قاعده تنفخين بقربه مقضوضه..وخيرتك انتي اللي راح تحتاجين تروحين طبيب نفسي تتعالجين عن التراكمات اللي بيسويها لك هالزواج..حبيبتي احنا نتزوج عشان نرتاح ونلاقي رجال نعتمد عليه في حياتنا..ويكون لنا عون..مو شخص اقرب ماله فرعون؟.اذا كان عندج طاقه وصبر تحملتي الفتره اللي راحت..صدقيني ماراح تقدرين تكملين كل عمرج على هالطريقه..بيجي يوم وتندمين على كل لحظه ضيعتيها..تدرين ليش؟؟لانك حتى وان انتي صبرتي وتغاضيتي وعديتي..هو اللي راح يتخلا عنك وعند اتفه سبب..انسان ماله امان..يكفي اهماله لعياله..الحيوانات ترحم اولادها شلون هو؟؟من جد ماعنده قلب..وقبل كل شي استخيري..واطلبي من ربج يساعدج ويبين لج الامور الخافيه..الناس الطبيعيه يالله قادرين نتعايش معاهم ..شلون واحد كل حياته غامضه وماتنطاق؟؟..وانتي حره..تقدرين تلحقين على عمرج دامج بأول الطريق..ولاتلعبين على نفسج وتقولين عاملي عمل..الحريم دايم مساكين ويفكرون بالعاطفه...وانتي راحمته ومتعاطفه معاه..وتتخيلين انه ممكن تغيرينه وهذا مستحيل...حطي قاعده بين عيونج لحياتج كلها..لاتتوقعين ردود افعال الناس بتكون مثل ردود افعالج...وبالاخير هذي حياتج...خليها مثل اللوحه اللي انتي قادره على رسمها وتلوينها.ولاتعطين فرصه لغيرج الريشه تكون بيده ويلطخها بألوان كئيبه بتغير محور حياتج كله..موفقه يالغاليه اتمنى اكون افدتج وماقسيت عليج..بس بالنهايه عندي مصلحتج انتي بالدرجه الاولى..والدنيا ماتوقفت عند رجل واحد...دمتي بود..


__________________________________________________ __________

حبيبتي الاخت حروف الروح قالت وكفت وفت بس عندي اضافه بسيطه !!

تقولين لليوم وانتم زواج على ورق هل في رجل معررس يبقى 6 شهور بس زواج على ورق ؟؟؟؟

حبيبتي هذا انسان مو طبيعي فكري بعقلج قبل قلبج نصيحة اخت دامج بعدج على البر فكري في نفسج
واللي يتخلى عن اولاده حشاشة جوفه توقعي كل شئ منه

الله يوفقج يارب


__________________________________________________ __________

والله مو عارفه اقول شى بس الاخوات قالوا كل شى
وربنا يدلك ع الصح ويوفقك ف حياتك ويفرج كربك اللهم امين


__________________________________________________ __________

والله حبيبتي البنات ماقصرووكلامهم صحيح وبالنهايه هاذي حياتك والقرارالاخيرلك


__________________________________________________ __________

اختي الغالية صلي استخارة والخيره فيمااا اخترهااا الله

اكثري من الاستغفاااار

الله يوفقج ويسعدج بحياتج اختي الغالية