عنوان الموضوع : زوجي واستقدام خدامه؟ مجابة
مقدم من طرف منتديات نساء الجزائر

زوجي واستقدام خدامه؟



السلام عليكم ورحمة اللله

وارجو منكم ان تعرضو مشكلتي ومعاناتي لعلني اجد حلاا من اخواتي الكريمات
والله اني اكتب لكم والدمع في عيني

تزوجت منذ 5 سنوات وتزوجت قريب لي عن حب والله يشهد
ولكن حسيت انه متغير علي من اول ماسافرنا كان دائم التذمروالتشكي مني ودائم السب والشتم والسبب من امه كانت تحرضه علي وليش هي كذا ومدري ايش ؟ مع اني ماسويت شي ورب الكون بس هي كارهتني من ايام الخطوبه مدري ليش ؟
حتى والله في فترة حملي بولدي الاول كنت اتعب واقوم اخر الليل ابكي ويقلي الله ياخذك وافتك منك ولما ولدت اهملوني ولدت طبعا عندهم باعتبار امه خالتي اخت امي وظنيت انها بتحن علي وتهتم فيني وترد لي جميلي لما كنت اخدمهم واخذهم معاي في الطلعات وابديهم على نفسي واكتشفت بعد الولاده كلهم اهملوني ولافكرو فيني في فترة نفاسي وخلوني نايمه على الارض والله جتني حاله نفسيه منهم من هذاك اليوم الى هالوقت حتى لما كنت اتعب كانت خالتي ام زوجي تطلع عندي وتقلي انتي كل شوي تعبانه كل الحريم ولدو وماسوو زيك وربي حسيت ان ودي اذبحها هذاك الوقت طلبت اطلع عند امي ورفض ؟
ومن هالفتره بديت اكرههم وصار بيننا مشاكل لانها كانت تتدخل في حياتي وتحرض ولدها علي ويجيني معصب حسبي الله عليهم ونعم الوكيل
ومن يوم ولدت يمكن اثرت عليه المشاكل وكان دايما يسب فيني ويلعني وانا ساكته ماعلمت اهلي بمشاكلي معه لاني حبيته وتزوجته عن حب وامي كانت تنصحني منهم وانا ماسمعت نصيحتها ولكن وقع الفاس بالراس
ومن فتره تهاوشت انا واياه وطلع ابوه علي يضربني ويسب ويقلي انقلعي بيت اهلك انا ولدي بزوجه ياحماره ياكلــــــبه ؟ وربي رحت اتصلت على اهلي وبلغتهم كل شي حتى عاقبوني وقالولي ليش ماتكلمتي من اول ان عندكم مشاكل
ومازالت المشاكل مستمره بيننا لهالوقت حتى اني قطعت علاقاتي مع اهله وماصرت اقربهم وكرهت زوجي وامه واخواته الله لايوفقهم
ولهالوقت ينام لحاله وربي يابنات هو بغرفه وانا بغرفه ومخليني ويتعذر بازعاج الاولاد وبالدوام
افتقدت كثير للحب والحنان والانسان اللي يحتويني وانا وحيده هنا ولا اعرف احد ولا اطلع ولا ازور حتى يمنعني اروح عند الناس
وفي بعض الاحيان يكون طيب وحليو ولما يجلس مع اهله يتغير حاولت معاه ننتقل لمكان ثاني مو راضي الا يجلس مع اهله لانه انسان بخيل في كل شي بالمشاعر والاحاسيس وبالفلوس؟
وحصل اني تعرفت على واحد بالنت وحسيت انه عوضني النقص اللي حسيت فيه لاتلوموني يابنات اعرف اني غلطانه بس والله مو بيدي هو دفعني لهالطريق حسبي الله عليه
ولازالت علاقتي بهذا الشخص الى الان وحاولت ابتعد عنه ماقدرت انهرت وبكيت وتالمت ابي انسان يفهمني واعرف انه يلعب بمشاعري لفتره ويتركني بس وش اسوي احسه المتنفس الوحيد لي
والله زوجي مايهتم فيني ولو لبست وتزينت يتغاضى عني ويجيب سالفه عشان يبتعد؟؟
والافلام الجنسيه اللي قاطعه نفسه والله انه يابنات مايتركها ويقفل على نفسه ونصحته اكثر من مره ويعاندني واقله حرام ويقلي احسن منك ؟ ليش هل انا حيوان عنده والا وش مفكرني الله لايوفقه
كرهته وكرهت العيش معاه ولكن صابره عشان عيالي المساكين وخلاص طاح الفاس بالراس
حتى والله يابنات اذا جاني قبل يعني بعد المشاكل احس اني كارهته مررررره الله يكرمكم ويجيني سومه منه ما اتحمله وربي انه يخلص ويروح ويسيبني لاحب ولاحنان تخيلو هالموقف يامتزوجات ؟
والمهم يابنات انا طولت السالفه ونوصل لموضوع الشغاله وكان عندي من سنتين شغاله توها سافرت وربي حتى هي ماسلمت من شره كانت تبكي منه بس انا اطيب خاطرها اخاف تسوي فعيالي شي وامه الله لايسامحها كانت دايما تزعل وتخاصم عليه عشان انه جاب لي شغاله طيب والله انها تشتغل فوق وتحت عندهم وما اتكلم بس امه انسانه ظالمه حتى اسرارنا تطلعها عند الناس وتسب فيني ؟
والحين راحت الشغاله
وهو الان طالب شغاله ويقول عناد انا بجيبها
واليوم والله شفت في جواله رساله صدمتني يابنات
كاتب لزميله اللي عنده مكتب
ابي شغاله جميلة الشكل وتتحمل الشغل والعيال
والصدمه اللي جرحتني بالاخير كاتب ان تكون مستعده لاقامة علاقه معاي؟
وربي انها دمعت عيني وتاثرت حتى طلع من الحمام اعزكم الله ورميت الجوال بسرعه
شوفو الوقاحه وين وصلت فيه الحين عرفت ليش مصر عالشغاله والله العظيم انا ا ابي شغالات من يوم سافرت الاولى وانا اقله العيال كبرو
ومايحتاج شغاله ويرد علي يقلي ابي اخذ راحتي في كل شي
واليوم اكتشفت وشهي راحته اللي يتكلم عنها
ولكن والله ورب الكون ياهالشغاله باذن الله لو جاتني لاطفشها ولاشتكي عليه لاني ارسلت هالرساله على جوالي شاهد ه على افعاله هالقبيح
والله ان نفسيتي تعباانه بزياده يابنات دلوني وش اسوي الله يوفقكم
حتى الانسان اللي حبيته وعرفته صار يطنشني وادري فيه يبي الفكه

احس ان ودي ارتاح ابي اروح لمكه والمدينه ومو راضي يوديني الله لايجزاه خير
وارجع واقول

الله يخليكم لاتحذفو مشكلتي ابي حل لنفسيتي ساعات ودي انتحر اتمنى الموت عشان افتك
والله جاني قبل فتره وظيفه ب3000الاف ريال وطردني منها والا حبيت اتسلى واطلع من طفش البيت ومن الكبت

حسبي الله ونعم الوكيل
حسبي الله ونعم الوكيل

>>>>> ردود الأعضـــــــــــــــــــاء على الموضوع <<<<<
==================================


وعليكم السلام ورحمة الله وبركاته
عزيزتي صاحبة المشكله
قريت مشكلتك للاخر
اولا اقول لك الحمد لله والشكر ان هذا الشخص اللي تكلميه طفش ويريد الفكه عشان ماتنزلقي في متاهات اكبر
ابتعدي عنه عزيزتي بكل ماتملكي من قوه فمعه هلاكك وهلاك اطفالك لاسمح الله
انا اتعاطف معك بموضوع المعامله السيئه التي تلاقينها من زوجك ولكن يبدو وبعد تدخل اهلك ان لامجال لاصلاحه الان على الاقل وخصوصا ان اهله ملتزمين نفس موقفه وحتى والده ايضا
عزيزتي
صدقيني لو لم يكن لديك اطفال لنصحتك بالطلاق سيما وانك لازلت صغيره والحياة امامك ولكن المشكله ان هناك اطفال
عزيزتي ارى انك تبحثين عن عمل وتصرين عليه لعلك تلاقين السلوى والفائده
اتركي زوجك الان على الاقل ودعيه يشعر بقيمتك
اما عن موضوع الخادمه والرساله التي وجدتها في الجوال فانا لااعرف طبيعة زوجك وكيف يتصرف اذا ماواجهته بهذه الرساله
لماذا لم تواجهيه قبل ان تأتي الخادمه وتتطور الامور؟
هل انت ملغيه من حياته الى هذه الدرجه؟
ان كنت كذلك فأنا أؤكد على موضوع بحثك عن وظيفه واشغال نفسك بما هو مفيد والاهتمام باولادك فهم حياتك الان
توجهي الى ربنا بالدعاء لاصلاح زوجك ليل نهار
فما خاب من قال يا الله

تحياتي وتقديري


__________________________________________________ __________

الله يكون بعونك حبيبتي

واللي يسويه هذا من قلة خوف الله

الله يهديه ويصبرك ويزيدك من الايمان

لو واحده ثانيه مكانك كان مداها من زمان ببيت اهلها

عليك بصلاة الليل والتضرع لله والاستغفار

لعل الله يجعل لك من كل ضيق مخرج ياااااااااااارب


__________________________________________________ __________

ما ادري ليش تسكتين عليه وكيف تتحملي هدولا الناس يكرهوكي وخالتك المفروض تكون عون مو فرعون حسبي الله عليها صدق قالوا اقارب عقارب احسلك اطلقي منه مافي فايده راح تسيء حالتك منه واولادك ان شاء الله ما ينظلموا اذا كبروا راح يفهموا وانتي الله يهديك زدتي طين بله تبغي تقضي وقتك مع شخص عشان زوجك عاملك معامله سيئه انتي ادعي ربك واستغفري واترك الشخص ماراح ينفعك اقضي وقتك بشيء مفيد اطلقي منه وانهي نفسك وشوفي حياتك وان شاء الله تلاقي الي يحن عليكي ويحبك


__________________________________________________ __________

الله يكون بعووووونك
ويهدى زوجك ويسخره لك


__________________________________________________ __________

مب حاله هذي ليه لحد الان موجودة عنده روحي بيت اهلك احسن لك والشغالة مالها ذنب بتكون ضحية

مثلك هذا حيوااااان مو ادمي يعني يقولها كذا ماخاف ربه لا فيه نفسه ولا فيكي ولا في عياله الزوج اللي

زيه فراقه عيدددددكافي اهانة كافي انتي انسانة مش حيوانة مع انه حتى انتي راكبك الغلط من راسك لرجلينك

تخونين نفسك وزوجك مافيه اي عذر للخيانة وش بيكون مصير العيال اللي اهلهم كذا اب خاين وام خاينة

ماتخافون يصب الله العذاب عليكم وعيالكم يروحون ضحية