عنوان الموضوع : الغيره قطعت قلبي تعالو ريحوني شوي... الطبيب يجيب
مقدم من طرف منتديات نساء الجزائر

الغيره قطعت قلبي تعالو ريحوني شوي...



السلام عليكم ورحمة الله وبركاته
بنات بطرح عليكم مشكلتي واتمنى تساعدوني لاني من جد تعبانه
حاسه اني راح اموت ماني عارفه وش اسوي
انا اغار على زوجي كثيييييييييييييييير ماني لاقيه حل لهذي الغيره
صدقوني حتى من التلفزيون والمسلسلات اغار اذا صار يشوف هالحريم الي لابسات العاري والجنز
وانا مو مقصره معه البس له واكشخ بس احس انه مو مهتم فيني
وبصراحه هو مايعطيني اشتري لي لبس زين مثل الناس حاولت معه كثير بس مايهتم
حتى قمصان نوم ماعندي الا ثلاثه والله تعبت منه
تكفون دلوني وش اسوي
انا جسمي حلو واهتم في نفسي بس ودي البس مثل هالحريم
تكفون قولولي وش اسوي معه كل مره اقوله ابي ملابس واقمصان نوم
يقولي بعدين او يتحجج بالمصاريف البيت والاجار وقت المناسبات والعيد مايقصر معي بس بالاوقات العاديه يكون قاسي ومايعطيني اشتري
تكفون سوو فيني خير وقولولي وش اسوي الغيره بتذبحني من هالحريم الي يشوفهن بالتلفزيون وخاصه قناة غنوه حسبي الله على راعيها
انتضركم من الردود الي تبرد القلب لاتنسوني..

>>>>> ردود الأعضـــــــــــــــــــاء على الموضوع <<<<<
==================================


ياقلبي الله يكون في عونك
استعيذي بالله من قهر الرجال فقد استعاذ منه الحبيب عليه الصلاة والسلام في كل حين
وحاولي اختي في الله الغاء هذه القنوات من بيتك وليكن عامر بذكر الله تعالى
او قومي بحذفها من الرسيفر وقفلي برقم سري ولا تقولين لاحد عليه ابد
بالنسبه للبس وفري من المصرف مره بعد مره واشتري منهم على قد فلوسك مو لازم ماركه وذيك القيمه
واذاكان ماينزلك انزلي مع احد اهلك اخوك مثلا او قولي لاحد يشتريها لك والبسي وخليها مفاجه له بتكون احلا بعد او اذا نزلتي في العيد اشتري مجموعه من الملابس الخاصه وبعد فتره وفتره مثلا شهر بينهم البسي واحد ولا تخليه يشوفها خليها مفاجاه له راح ينبسط واذا عجبته عليك اكيد راح يهتم فيك ويشتري لك اكثر والله يهنيك حبيبتي
والا اشتري من المندوبات من النت يوصلون لك الين البيت بعضهم
اللهم يا رب اجعلها اجمل النساء في عينه واحبهن الى قلبه وارزقها من حيث لاتحتسب
وش احلا من كذا دعوه
والله يعينك ويوفقك حبيبتي


__________________________________________________ __________

ياعزيزتي موضوع الغيره هذا ماله علاقه بموضوع الملابس
وكمان احب اقول لك شيء
ترى شراء الملابس مايكون بصوره مستمره
يعني انت تقولين بالاعياد والمناسبات مايقصر
وهذا هو المطلوب
مامعقوله يبقى يعطيك فلوس وتشتري ملابس على مدى الاشهر
اكيد امكانياته ماتستحمل
الان نجي على موضوع الغيره والنظر للبنات
حبيبتي
زوجك حين ينظر للبنات سواء بالتلفزيون او في الاماكن العامه هذا لايعني انه يفضلهم عليك او انهم اجمل منك
وانما هي الطبيعه البشريه وعين الانسان تنجذب لكل ماهو جميل
طيب راح افرض فرضيه وهميه وارجو المعذره منك ومن السيدات اللي راح يمرون بالموضوع
فقط فرضيه
لو انك انت كنت بمكان البنات اللواتي يستعرضن في القنوات الفضائيه وكانت ملابسك تشبه ملابسهم
الا ينظرون الرجال نحوك؟
الا تثيرين انتباههم؟
بالتأكيد سيحصل ذلك لانك انت ايضا انثى وجميله
وصدقيني لو كنت انت مكانهم لكنتي اجمل واروع
اذن لتكن ثقتك بنفسك عاليه ولاتحزني لسفاسف الامور
هؤلاء اجساد رخيصه معروضه لكل من هب ودب
اما انت فالجوهره المصونه المحفوظه التي كرمها الله
والان تذكرت كلمه لوالدتي رحمها الله كانت ترددها دوما امامنا نحن بناتها
كانت تقول
لاتغارون لو ازواجكم نظروا الى بنات جميلات
هذا لايعني نظراتهم هي نظرات شهوه
نحن النساء ايضا لو رأينا نساء جميلات سننظر الى جمالهم
اذن ياعزيزتي ليس نظر الرجال للبنات يعني انهم يفضلونهم على زوجاتهم
انما هي نظرات والسلام
ارجو ان اكون قد افدتك ولو قليلا

تحياتيييييييييييي


__________________________________________________ __________

اختي العزيزة
انا مع الاخت متألقة أشتري ملابس وفاجئيه فيها
ومو ضروري انك تشتري ماركات اشتري على قد الفلوس اللي معاك
ترى في اشياء في السوق مش ماركات بس حلوين ...
وبالنسبة للغيرة كل النساء يغارون وكل الرجال يغارون ..
فاجئيه البسي له واغلقي التلفزيون وقولي له انا حلالك انا اجمل ... ...
تقبلي مروري ..
تحياتي لك...


__________________________________________________ __________

وعليكم السلام ورحمة الله وبركاته
طولي بالك من ناحية التلفزيون كل الرجال يناظرون النساء اللي يطلعن فيه
لاتحاولين تتحدينه أو تمسحين القنوات ترى يمكن يزعل أو شيء
غير كذا خليكِ عادي لاتحسسينه إنك غيرانة منهن.. هو طبع الرجل لازم يلتفت لأخرى
لو إن اللي معه قمر.! خلقة فطرتهم والله يعين
بالنسبة لـ اللبس مدري إيش أقولك بس دامه مايعطيك فالله يعينك
بالتوفيق


__________________________________________________ __________

اختي الرجل اذا شعر ان زوجته تغير عليه شديد يتمادا خلي غيرتك موزونه عشان ماتتعبي نفسيتك اما الملابس الاخوات الله يحقق امانيهم ماقصرو عذرا ان لم افيدك والله المستعان