تكفون ساعدوني زوجي عقدني الطبيب يجيب
عنوان الموضوع : تكفون ساعدوني زوجي عقدني الطبيب يجيب
مقدم من طرف منتديات نساء الجزائر
تكفون ساعدوني زوجي عقدني
السلام يابنات
مشكلتي متزوجه من سنتين وزوجي مايحب يوديني لقرايبي عذره مايحب يقابل احد وينشب ع قولته بالعزايمبس انا عارفه ان هذا مو عذر لان هو اصلا مو اجتماعي وصداقاته محدوده ومايحب يتعرف على احد المشكله قرايبي اكلوا وجهي دايما انا حديث المجالس عندهم والسبب زوجي انا صبرت وجربت معه كل الطرق مافيه امل واذا قلت له ليش انت المفروض سبب في صله رحمي يقول انا مامنعتك تزورينهم بس انا انسي اني اوديك روحي مع اخوانك 00 والله قهرني الحريم يروحوا مع ازواجهم وانا لا 00
واخواني مستحيل اقولهم احس انحرج واسكت وبكذا قاطعت العالم الا اهله واخته واهلي بس ياربي وش ذا الحاله 00 بنات اذا فيه باقي حل سااااعدوني ابي اغيره مستحيل بس ابيكم تساعدوني شلون اتصرف معه بأي اسلوب جربت الين مانفع زعلت عليه زعل علي وش اسوي الله يخليكم انا مرررره مقهوره من كلام الناس ومن وضعي
>>>>> ردود الأعضـــــــــــــــــــاء على الموضوع <<<<<
==================================
حبيبتي أنتي وش عليك من كلام الناس
إذا بتتسمعين للناس ماراح تخلصين....
وبعدين إذا هو واصل أهلك أنتي هذا أهم شيء..,
أما قرايبك فماله أي علاقة فيهم عشان يزورهم
وأنتي حاولي تراعين رغبته يعني لاتغصبينه على شيء مايبيه
مو مضطر أنه يقابل ناس ويجلس معهم وهو مايبيهم وماله علافة بهم..
بصراحة أنا أشوف أنها حرية شخصية يعني بكيفه
لاتجبرينه ولايجبرك ولو كل شريك يراعي رغبة الثاني راح يعيشون بسعادة وبدون مشاكل
والله يوفقك إن شاء الله في حياتك ويسخر لك زوجك
__________________________________________________ __________
حبيبتي والله ما ادري ايش اقولك الله يعينك بس...
وانا كمان عندي مشااااكل اتمنى احد يساعدني فيها...
__________________________________________________ __________
شوفي حبيبتي وين الحيله وين الكيد؟؟؟؟؟؟؟؟
قولي انا مااحب اروح مع اخواني انا امووووت اني اروح معك انت شي ثاني
انا افتخر وانا معك اواخواني اخاف من سياقنهم بالسيارة وانت سياقتك هاديه
لاتحرمني من طلبي ماابيك توديني لاي احد بس اهلي ومع الكلااااااام الحلووو
راح يطاوعك وقولي لاتردني
وطلبتك ومن هالكلاااااااااااام
والله بالكلاااااااااااام اللين والحلووووو راح ينصلح حاله وشوفي؟؟؟؟؟؟؟؟؟؟؟؟؟
__________________________________________________ __________
مشكورات خواتي اللي ردن هيفا حبيبتي مشاكل اطرحيه هنا والبنات مايقصروا جزاهن الله كل خير والله يساعدك حبيبتي سندس والله ماخليت كلام لين ماقلته بعدين هو يوديني لاهلي ماعنده مشكله بس اقاربي لا تخيلي خالتي لي سنتين مادخلت بيتها والله صرت انحرج منها في المناسبات ويعطيك العافيه
__________________________________________________ __________
يابنت الحلااااااااال هونيها وتهووووووون ليش هاتعسير على زوجك
خلاااااااااص احمدي ربك انه يوديك لاهلك
اما خالتك لاتقطعينها روحي لبيت اهلك وروحي مع امك وزوريها
وهوني الامووووووووووور تهون
انا اعرف انتي مو راضيه بحاله ؟؟؟؟؟؟؟؟؟؟<<<بس ان مارضيتي بحاله
تجي وحده وترضى بعيوبه كله <<<<<<البيوت مليانه بنات ماتزوجوا
عشان كذا حافظي على زوجك وسيري الامور واللي تبينه يصير واللي مايبيه مو اخر العالم
والله ييسر امرك
رد مع اقتباس
