عنوان الموضوع : اتهمتني بالسحر لولدها ساعدووني انا ماعندي ام استشيرها الطبيب يجيب
مقدم من طرف منتديات نساء الجزائر

اتهمتني بالسحر لولدها ساعدووني انا ماعندي ام استشيرها



السلام عليكم ورحمة الله وبركاته

اخواتي يااريت تقدرو تساعدوني بجد محتاجتكم

انا ماعندي اخواات ولا معايا احد يساعدني واخد رائيو وعمري لسى 19 بس ابغاكم تقولولي ايش اسوي


انا قبل فتره انخطبت وقريو فاتحتي انا وخطيبي

وطلب من بابا انو يكلمني وحصل ونتكلم فترات بسيطه
نتعرف على بعض ولانو في اشياء مثل الدراسه وممكن نسافر وكم شغله لازم نتكلم فيها وياخد رائي

انا كنت بكلمو بس احيانا الاحظ نبرت الحزن في صوتو
واستحي دايمن اتكلم واقول ايش في

وبعدها بكم اسبوع طلب نتكلم ع الجوال ولحالي عشان في شي مهم ولازم يقولي هوا طبعا بعد الالحااح الي صدر مني انو مايبغااني او ماارتحلي

ووافقت دون تردد ولمن عرفت السبب انصدمت بشكل مو طبيعي

انو امو ماتبغااني وانو تقولو مابتحظر ملكتناا

مع العلم انو جو اهلو عندنا ودخلو بيتنا (امو واخواتو ) قلي لمن جو ذبت امو عليه وقالت بروح اشوفها وهيا متفقه انو تجي عندنا رفع عتب عشان ولدها مايزعل وتقلو اني ماعجبتها ومع اصرارو العجيب انو يشوفني وانوو مرتاح وجا وحصل قبول الحمد لله



بعدها اختفى 7 شهوور لانو كان بيقنع اخوانو انهم يجو ويقرو الفاتحه

وانو جو اخوانو بعد عنااء شديد وانهم سئلو عننا وكل الناس قالو احسن الناس ومحترمين ومالهم كلمه جوو
وهوا قال للوالد انو غاب بسبب الدراسه ...
وامو بس تبغى تخرب وتقول اني سحرتوو وانو اتورط معايا بشي ويبغى يتزوجني ظلمتني

الله يسامحها دنيا واخره

بس ابغى مساعدتكم ورائيكم

هيا الحين تقول محى احضر الملكه وممكن تعبي اخوانو ويتغير موقفهم مع انهم طلعو من عندنا مرتاحين وطولو في الجلسه وومكن يجبرو انو يبطل ياخدني او يفركشو موضوعناا او مايجو ملكت اخوهم ونتفشل ...


انا محتااره
والمشكله اني ابغااه ومرا مرتاحه معااه وحبيتو لاانو قمه في الاخلاق ويعاملني بكل حناان وهيا بس تبغى تطلع فينا عيوب وهوا باار باامو سابها لمن سئلت ولفت ودارت بدون مايقول خلاص لمن اتاكدت اننا محترمين وكل شي وجاا ... بس مهي راضيه تبغى تزوجو وحده في بالهاا
هوا ولدها الصغير وهيا امكن غيرانه عليه ؟؟ وكمان عنييده ماتبغى تقتنع

ينااس احنا صح ولا غلط وانا حبيتو وابغااه ونفسي يكون معايا ع طول لاانو محترم ويخااف الله
ساعدووني الله يهون عليكم ويفرج همكم ياارب
ومعلومه انا لسى ماسار بيني وبينها تواصل امكن في فتره الملكه يعني لا تقولو اتقربي منها دي الفتره الله
وجزاكم الله الف خيرر

الله ينصركم ياارب ع من عداكم قولو امين ويسخرلكم كل طيب يارب

>>>>> ردود الأعضـــــــــــــــــــاء على الموضوع <<<<<
==================================


اختى اسئل الله ان يلهمك الصبر ,وان يدلك طريق الصواب ,"امييييييييييييييييييييين يارب"
بس انصحك حبيبتي ان تصلي صلاة الاستخاره فلا يخيب من استخار


__________________________________________________ __________

مثل ماقالت الاخت صلي استخاره بالاول
ونصيحتي ليكي اذا امه من اولها تعاملك كذا يعني ايش حتعمل فيكي بعدين اضغطي على قلبك وان شاء الله ربي يعوضك احسن منه >>>لان اهله حيكونوا طول حياته يضغطوا عليه لو صار بينكم نصيب وواضح ان حضرته يبغى رضى امه ويمكن يظلمك بكرة الايام لحساب امه >>>خليكي بعيد احسن


__________________________________________________ __________

أخت ِ الحبيبة .. طالما زوجك سيوفر لك ِ بيتاً مستقلاً عن أمه .. وأعني "بعيداً عنها" وليس في نفس البناية .. فلا ولن توجد إن شاء الله أية مشكلات ..

وطول ما أنت ِ تعاملينها مستقبلاً بعد الزواج بالحسني والإحترام والمودة والتقدير .. وبمنطوق أو سلوك العقل الحليم الهادئ الصابر الرزين الحكيم ؛ أي بعدم إمتغاضك الشاكي الباكي السريع في رد فعله من تصرفاتها المناوئة "المتوقعة" في بداية زواجك ؛ فستكسبينها إن شاء الرحمن في صفك ..

فإحذري كل الحذر أولاً أن يكون بيتك في نفس المبني الذي تقيم فيه حماتك .. وإحصري ثانياً الزيارات العائلية والتواصل العلاقاتي "فقط" في نطاق الزيارة القصيرة والتليفون السؤالي من حين لآخر .. وليس علي مدار الــ 24 ساعة ؛ حتي تحافظي علي خصوصية بيتك وعشك الصغير وحياتك الشخصية مع زوجك وحبيبك ..

وإن شاء العلي القدير .. زيجة سعيدة فرحة هنية علي مدار العمر .. وبالرفاء لكما بالبنات والبنين .. والسلام عليك ِ وعليكن ورحمة الله وبركاته ...


__________________________________________________ __________

حبيبتي ادعي الله عز وجل انه يكتبلك الي فيه الخير
واذا كانت هذه الزيجه فيها الخير لك ولزوجك الله يتمملكم على خير يا رب
اما اذا كانت فيها تعب ومشقه بسبب والدته ومشاكلها الله يوعضك افضل منهم يارب

استخيري وادعي الله يكتبلك الي فيه الخير .


__________________________________________________ __________

أختي هناك نقطة ثالثة أخري ؛ أحب أن أوردها لكي ؛ ونسيت أن أكتبها في ردي الفائت ..

وهي أنه أثناء فترة الملكة ؛ فلا مفر من وضع النقط فوق الحروف لموضوع "حلقة الوسط" أي زوجك ؛ أي العامل المشترك بينك وبين الأم ..

فتخبرينه بصريح العبارة قبل أن يتم الزواج ..........

((( يا إبن الحلال أنا مراتك وأم عيالك إن شاء الله .. وهي أمك أنت وليست أمي أنا !! ))) ..

أي تأكيد "الخصوصية" قبل ما ينكتب الكتاب ويعلو الجواب .. فيعلم جيداً حدود العلاقة بينك وبين أمه ..

فالمسكن المستقل + تحجيم العلاقات الاسرية كما ذكرت في ردي الآنف .. وقبلهما وضع كلمة (خصوصيتك) بين قوسين وللأبد ؛ سيكونون دستورك في حياتك الزوجية معه ..

والسلام عليك ِ وعليكن ورحمة الله وبركاته ...