عنوان الموضوع : بعد ما تمت الخطوبة ... والدي غير رأيه و يريد أن افسخ الخطوبة بسبب ؟؟؟ -لصحتك
مقدم من طرف منتديات نساء الجزائر

بعد ما تمت الخطوبة ... والدي غير رأيه و يريد أن افسخ الخطوبة بسبب ؟؟؟



السلام عليكم و رحمة الله و بركاته

مشكلتي والدي الله يحفظه ...
والدي ربانا ان المبادئ و الأخلاق و الدين اهم شي و ان المال و الجاه كلو بيجي بعدين ... التفاهم اساس كل شي

المشكلة:
انا عمري 27 سنة من 4 سنين تعرفت على شاب من نفس بلدي وعايش فيها ومتربي فيها بس من محافظة تانية و كان غرضه وهدفه الزواج و انا بصراحة احببته و تعلقت فيه لانه على خلق و دين بعد ما تعرفنا بفترة قصيرة طلب انه اخبر اهلي مشان يخطبني و هون كانت المشكلة يلي انا الى الان ما عمبقدر استوعبها ساعدوني الله يفرج عنكون كل هم ....

لما حكيت مع اهلي صار رفض قاطع وقالوا الاسباب التالية:
البيئة يلي هو عايش فيها ، مستواه مو نفس مستوانا، ماديا هو أقل من عيشتك ، أقل منك دراسياً ( ثانوية) ، ماعنده بيت ملك ، ماعنده رصيد في البنك ، ما عنده شي فائض عن حاجته هذا باختصار

يلي يحز بالنفس انو ماشافو الجانب الايجابي انه اخلاق عالية ، دين ومابيقطع وقت في صلاة و بالجامع الحمدلله ، عمله خاص فيه، الاهم انه بيشتغل ليل و نهار حتى ماينقص عليي شي بعد ما نتزوج

انا صممت عليه لان كان عندي راحة نفسية عليه و حاسة انه الانسان يلي رح يحفظني .... مع انه كتير تقدمولي و عوائل و غنى ومال بس ما كنت ارتاح واحس بضيق بصدري

بعد 4 سنوات و نحن مع بعض ... ومحاولات لاقناع الاهل .... تم الاقناع تمت الخطوبة بعد شروط تعجيزية بس هو كان صريح وقال يلي ربي بيقدرني عليه بعمله حتى اسعدها.

في الخطوبة ظهر فرق المستوى بين العائلتين ... ولكن ما أثر هالشي فيني ولا هزني ... بس للأسف قلب أهلي ضدي و صارو يطالوني اني افسخ الخطوبة و ارجعله الذهب و الهدايا....
بدأت مشكلتي مع عيلتي والضغط يلي بيصير عليي ... حرموني من احلى ايام الخطبة و منعوه انه يجي عنا البيت ....
كل الوقت ونحن صابرين و ما النا غير رب العالمين
طبعا قبل الخطبة و بعدها وللان انا بستخير ربي بس بحس ان حبي له بيزيد و تعلقنا ببعض بيزيد

والدي مصمم على رايه انه يحرمني فرحتي ... و خيرني بينه و بين انه يبطل يكلمني و لو تزوجته بيصير التالي:
مابيعملي فرح كبير - مابيجهزني جهاز العروس - ولا بيقدملي اي شي

بصراحة انا ما زعلت من حرماني من الفرح الكبير لانه برأيي تبذير و بزخ ما اله داعي ... كنت بقترح عليهم ان نعمل حفلة صغيرة و من هناك نسافر بعدها بيومين

الان انا بفترة حرب مين اختار ؟؟ شو اعمل ؟؟ مين اختار؟؟؟
الشاب ما قصر ابدا معي و اتحمل يلي مو ممكن احد يستحمله و لا بعمري شفت منه الا الصبر و الحكمة و طول البال و الخير معي او مع غيري
طبعا نسيت اني اقول لما سألو اهلي عنه الناس و السوق و مجال عمله الناس مدحت منه كتير و باهله و بلاخلاق يلي بيتحلو فيها ، حتى كشكل ما شاء الله الكل يقول مهيوب و ركازة و خجل و هدوء و طمأنينة مافيه لئم ولا خبث

ساعدوني ؟؟؟ بدي راي مساعدة ....
انا ستخرت ربي كتير و بدعي ربي كتير و حاسة انه هاد الشخص رياحتي
بنفس الوقت انا ما فيني اتخلى عن عيلتي ولا اتخلى عنه

انا كتير تعبت كتير غير التوتر يلي صاير في البيت و العيلة بيحسسوني اني عملت كارثة و اني نزلت مستوا العيلة و اني و اني و اني .....

الله يفرج همومكون ساعدوني .... بسرعة لاني حاسة حالي رح افقد عقلي

>>>>> ردود الأعضـــــــــــــــــــاء على الموضوع <<<<<
==================================


بس انا اشوف ان اهلك معاهم حق وصدقيني هم ماسوو هذا الا عشان مصلحتك وبعدين الحب مو كل شي وهذا زواج يبغى له مسؤولية هل هو قادر على فتح بيت وهل عنده القدرة على تلبية رغبات زوجته واولاده في المستقبل
كل هذا مهم في الحياة الزوجية اتمنى اتك اختي تفكري وتحطي حساب حتى حق المستقبل

تقبلي مروري


__________________________________________________ __________

الله يعينك اختي ويوفقك ويخترلك اللي في الخير ،،،


__________________________________________________ __________

عنيدة شكرا على مرورك حبيبتي .... بس هو قادر انه يتحمل مسؤولية كل شي ... ومن يوم الخطبة وهو ماقصر بشي ابدا ... ولو ما كان متحمل مسؤولية ما كان حط نفسه بهيك مواقف (

عاشقة القطط شكرا عمرورك حبيبتي


__________________________________________________ __________

يا بنات اعتبروني اخت و ردو عليي بشي بأي شي انا كتير تعبانة ... مو قادرة نام ولا اكول ولا اخرج ولا اني عيش حياة طبيعية كتير تعبانة ... و مو عارفة شو اختار ؟؟؟
أهلي غاليين عليي و هو متل أهلي غاليي عليي مافيني اتخلى عن واحد منهم

ياربي ساعدني


__________________________________________________ __________

حبيبتي ادعي ربك وانت اهم شيء متأكده انه راح يقدر على المسؤوليه خلاص لازم تغامري وتتكلمي مع اهلك وشوفي من العائله شخص فاهم وخليه يساعدك حرام صار خطبه وبعدين يغيروا رأيهم مايجوز هالشيء

انتي تحبي الشخص لالازم تتحدي الظروف وتغامري وتصري على رأيك ولا تفكوا الخطبه لان على حسب كلامك انو كويس

يعني ألحين صارت المصاري كل شيء لالا اهم شيء السعااده اصري وحاولي وادعي ربك وكثررررري الاستغفاااااااااااااااااااااااااااار

وان شاء الله يجمعكم بيت واحد يارب عاجلا" غير اجل يارب العالمين ويسعدك

ويعطيك ماتتمنيه يارب خبريني عن اخبارك وشو يصير معك والله حاسه فيك

وقلبي يدعيلك بالتوفيق حبيبتي وكلي امرك لله وادعي