عنوان الموضوع : أنا والشغاله
مقدم من طرف منتديات نساء الجزائر

أنا والشغاله



بسم الله الرحمن الرحيم

السلام عليكم ورحمة الله وبركاته....

سوف أقوم في الموضوع بسرد قصتي مع خادمتي واريد منكم تخبروني إذا كنت ماشيه صح معاها ولا خطأ وإذا كان خطأ أريدكم اتفيدوني بخبراتكم وجزاكم الله خير....

أنا أم لطفلين وأعمل على فترة واحد وهي فترة الصباح ..
عندي خادمه اندنوسيه وهي كبيره في السن تقريباً40 على ما أعتقد بس كانت بدايتها شغلها مرتب وحنونه على عيالي .. وانا لما اطلع للشغل الصباح اوديها هي وعيال بيت امي عشان ما احب احطهم في البيت بروحهم معاها (ما أحس بالامان) ونهاية الدوام امر عليهم وآخذهم وقبل فترة جت لي وقالتلي انا اريد تلفون لحالي وزوجي أصلا رافض مبدأ ال جي اس ام لها خاص هو يقول انها اذا تريد تكلم اهلها انا ما عندي مانع تتصل من البيت ليش ال جي اس ام .

وأول ما جبتها كانت تصلي وتقرأ قرآن وبعد 3 شهور تغيرت اصبحت ما تصلي مع أني كلمتها اكثر من مره بس بدون فايده تقولي زين زين وما تصلي مع العلم انا وزوجي محافظين على الصلاه ولله الحمد والمنه....

وأنا من النوع إلي ما أدري إلي ما أقدر اصرخ عليها اذا سوت أي شي خطأ وأحس أرحمها كثير بس فيه بعض الأحيان أحس تنظيفها للبيت مش كويس والحين احس انها صارت كسوله ... فمثلاً أنا لما ارجع من دوامي الظهر تزهب الغداء بسرعه بسرعه وتنتظرني إلين ما أخلص من الغداء عشان تنظف المواعين وتروح تنام ساعتين وأنا اجلس مع عيالي مع إني احياناً ارجع تعبانه ونفسي أنام بس ما أقدر من عيالي الله يحفظهم ان شاء الله (آمين) وبعدين العصر تجلس فاظيه ما تسوي شي تنتظر المغرب يجي عشان تزهبلنا العشاء وتسبح الاولاد وتروح تنام على الساعه 9.30 قبل حتى ما تقولي مثلاً (مدام أنا اروح انام تريدو شي) ...



ما أدري احس اني معاملتي الطيبه معاها خلتها ما تحسب لي حساب وتسوي الشي إلي على كيفها .......

>>>>> ردود الأعضـــــــــــــــــــاء على الموضوع <<<<<
==================================


فيكي تحكي معها << يعني علي جنب بينك وبينها

مثلا إحكيلها بزوء أنا حبيتك وفتحتلك بيتي أمانة بين إيديكي
لا تتكاسلي و لا تتركي صلاتك وخلينا متفقين مع بعض علي طول......... ومن هالحكي

فهمتي علي !


__________________________________________________ __________

ممكن تكونين مسويه شي معاها وانتي ما تقصدين انتي قولي لها اذا انا مسويه لج شي ؟؟؟؟؟؟؟
تقبلي مروري


__________________________________________________ __________

انت زايدة هم كبير لروحك من هذه الخادمة الكسولة
يا اختي مادام تاخذين اولادك لعند امك وتجيبيهم بالمساء
فليش الخادمة اذا على شغل البيت والطبخ لو تنظمين نفسك فيهم
ما رايح تحتاجي لخادمة مثل هذه اصرفيها بالذوق لانه رايح يجي يوم وانت لتنظفي وتطبخي
وتقدمي لها الاكل بايدك وفوقها ما ترضى
لانك انسانة طيبة وتفعليها مع الوقت بدون ماتدري بروحك


__________________________________________________ __________

الرسول عليه الصلاة والسلام اوصى بالمعامله الحسنه

وايضا ديننا يحثنا على ذلك لكن اذا تفعلين هذا فلست ملومه


والكلمه الطيبه صدقه اتبعي معاها الاسلوب الحسن ثم انذريها

واذا لم ترجع فلكي حرية الاختيار لاضرر ولا ضرار اوكي

تقبلي مروري بكل ود اختك في الله


__________________________________________________ __________

اصلا معروف انه الثلاث الاشهر الاولى هي اشهر تجربه يعني تقدرين تردينها على المكتب اذا ماعجبتك لذالك كل الخادمات يتقنن التمثيل بهذي الاشهر عشان تعجبين فيها وتخلينها عندك بعده تعالي شوفي الاهمال
لكن انتي لاتتركينها اذا شفتيها مقصره مثلا بالتنظيف جيبيها وقوليلها شوفي هذا مغبر نظفيه .. شوفي هذا المكان مانظفتيه نظفيه
بيني لها انك مهتمه وانك تعرفين انها مهمله لانها اذا شافتك عكس كذا راح تهمل زود لانه راح تقول هذي ممغفله ليش اتعب معها
واذا عجزتي عنها
قوليلها اذا ماصرتي كويسه راح اسفرك على حسابك واجيب غيره .. مجرد تخويف