عنوان الموضوع : أحس الهم يأكلني ويأخذراحتي مني ويعيشني وسط دمعه جارحه لخدي..! -تم الاجابة
مقدم من طرف منتديات نساء الجزائر

أحس الهم يأكلني ويأخذراحتي مني ويعيشني وسط دمعه جارحه لخدي..!



سم الله الرحمن الرحيم
السلام عليكم ورحمة الله وبركاته ...
مااعرف اعبرر ولااقول الي بخااطري ...

المهم ابقول لكم قصتي وكل الي بخاطري ونفسي..
انا بنت عمري 16 سنه عاديه جدا..بدأت قصتي من كنت باولى ابتدائي ..
المهم اني من ثاني اسبوع دراسه وانا مهتمه واخذ بطاقات ..فارسه الاسبوع..وافرح بها مرره واجيها اوريهاامي(امي معلمه بالمدرسه الي ادرس فيها)وكل ماوريتهاكتابي ودفتري توديني للمقصف وتخليني اشتري كل الي نفسي فيه واكل قدام البنات بطلعه واوزع عليهم ثمن بعدها صرت ابكيمن الم بايدي وراسي الم فضيع اصرخ منه وودني للقرايه ولاادري وش يصيرفيني بس كنت اكرهه الي تقرى كره العمى والحمدلله راحت مني يوم صرت برابع ماعد صرت اشكي ابدن حتى ايدي من كثرمااطقق اصابعي صارت كنهاايدعجوزه...
عشت عادي
ثمن يوم صرت بثالث متوسط حسيت فجأة بضيقه فضيعه بصدري قلت يمكن من كثرالاغاني وقلة قرايه القرأن ويوم اهلي ناموا مسكت المصحف وجلست اقرا واببكي من غير شعوورراختي سمعتني وراحت تنادي امي وربي اني ماادري وش سويت وش صار غصبتني امي اقرا وتعب ايلين انهد حيلي ونمت..
وغبت اليوم الثاني كان الاحد يوم جالانثين كان فيه حصه تفسير والبنت تقرى بصوت جميل وترتل ماادري الاصديقاتي ساره فيك شئ وش تحسين فيه واناكان صدري يعلى وينزلوكتمه فضيعه احس اني ابموت منها ومااطالع سوى ضباب متجمع وبكيت ايلين طلعوني من المدرسه..والله ويشهدربي على كل كلمه قلتها
اني من الصراخ رحت للدكتوراخذابره تهدي الم اذني تفتحت من كثرماصرخت...غبت بعدهاوانااقول ان شاالله تروح..
وصرت كل ماتجئ حصه قران اهرب ولااغيب بس مره صارت فجأة يعني ماامداني اهرب وجاتني الحاله صحيح كنت ابكي وبسرعه اركض اطلع بره علشان البنات مايشوفوني بس تعرفون البنات مايخلون احد بحاله وطلعت وعقبها غبت اسبوع كامل كنت مقرره اغيرالمدرسه بس عقب كلام صديقاتي حنيت لهم وداومت لااجلهم والحمدلله ماصادفت حصه قران بس كنت اكرهه نظرات البنات لي حتى كلمه(الحمدلله على السلامه)كرهتها من قلبي بعد ماكانت تواسيني وتخفف عني..
وايام الامتحانات بعد تجيني اهلي وقتها قالوا يمكن من تأثرالنفسيه بالامتحانات وانابعد احاول اصدق كلامهم لمااجئ اذاكر الم فضيع براسي اذاكروتتبخر الملعومات والحمدلله نجحت بممتاز مع اني اروح مافتحت الكتابالالصبح احيانا بس ربي موفقني ولله الحمد...
كانوا كل واحد يقول رأيي الي يقول (عين)والي يقول(تكرهه المدرسه )والي يقول(متعقده من المعلمه الي هزأتها)يعني كل واحد يقط خيط ..
بس على ايش ياحظي لاجمال ولاهم يحزنون..
راحت وبديت انساها وارجع لطبيعتي يعني اتغضى عن كلام الناس الجارح((والله وخلتني الدنيا حيرانه..الناس قاسين ولااناالحساسه..))
في ايام رمضان كنت متحمسه لدرجه فضيعه اني اختم القران كم مره وتركت الاغاني من قبل الشهر معلنه توبتي لله..
وعقب ماصليت الفجر وبدا النوريطلع طلعت للمكان الي احب اختلي فيه الي هو سطح بيتنا فرشت سجادتي وحطيت المخده ورى ظهري وفتحت المصحف اقراالاوتعود ترجع من جد وجديد امي جاتني وتهدئ فيني تعلقت فيهابكل قوتي من الخوف الي احسه ونظرات اخوانيالخايفه لي تقتلني قتل تنهشني صرخت فيهم روحوا عني وبكيت ايلين زي كل مره اتعب وانام بس هل المره ماهي زي كل مره لا كانت شديده احلام وكوابيس وخنقه لدرجه اني اصحى من عز نومي وقرت علي امي ونمت قوموني علشا افطر شفت وجهي بالمرايه خفت عيوني موره وتحتها هالات سودا ووجهي مصفر بكيت من الانحراج كيف ابنزل كذالاهلي ومانزلت يرقون علي قومي ابوي امي اختي اخوي كنت مغطيه وجهي بالمفرش واكبت دموعي مابي اوريهم ووجهي والله يرتاعون من الصغار واول ماقمت وخف توريم وجهي نزلت واحاول اكون طبيعيه وابعد التوتر عني وكلن يتجنب يكلمني الاامي وابوي ثمن صارالوضع عاي
كانوا يحنون علي اني اروح لاحد يقرى علي واحس اني مريضه اوفيني شئ جدتي اي احد تكلمه تقوله واعصب منها..وزي ماقلت لكم كانتشديده لماكنت اقرااتعب واحس بخوف وخفاقن بصدري رحت اقوم امي اقولهايمه ابموت من الخنقه قرى علي ابوي وامي اثنيهم كان يجئ ببالي انهم مايحبوني بيقتلوني لانهم اتعبوني كل واحد ينفذ بجهه صرخت وبكيت وشكيت ايلين ووداني ابوي المستشفى الدكتوراول ماشفاني ارتاع من البنت الي صدرها وكنها بتموت بس انصدم لما شاف كل شئ سليم وطبيعي قال لابوي يمكن ضغوط نفسيه عندهاوحط عليالجهاز يريحني وكان فيه حرمه الله يوفقها ويجزاها خير مرافقه مع عجوز حاطين عليهاالمغذي وجات ونفذت علي سبحان الله كانت غير كل نفذه منهاتريحيني كنت خجلانه منها وربي لولا الحيا والهده بجسمي قمت وحبيت راسها ...
وهجرت القران ثلاثه ايام وانا تعبانه ووجي مصفرمن التعب والله اني مااتنفس الا كاني متثاوبه احاول قد ماابعد مااجلس مع اهلي علشان مايلاحظون علي صعوبه التنفس ووالنفسيه معدوومه حيل على اتتفهه سبب ابكي وازعل حتى اني تميت اني اموت استغفرالله بس هذي اشين حاله مريت فيها كنت واناساجده اقول(يارب كاني من سكان جناتك عجل وفاتي)..
اذارحنا للخوالي يقولون اجلسي وخلي خالك يقرى عليك اقوم واتركهم يتكلمون واناجالسه اتسحروكنت مرتاحه واقول بنفسي اكيد انهاراحت مني وكان بحضني صحن كريمه كراميل(صديقه رمضان)جلسوا يتكلمون ويقولون سالفه فلانه وعلانه ويقنعونون فيني من كثر ماانا مالي خلق لكلامهم كليت القالب كامل وفجأة تضايقت وجلست ابكي وطلعت من الغرفه الي كانوا فيهاوعودت جدتي تزيد علي واناكل ماشفت خالي تهربت احس اني كل ماشفته ينقبض صدري خوف منه..
ورمضان هذا اشين رمضان مر علي كل ماجيت اقرا اتعب زياده وقفت عند سوره يوسف الي هدتني هد والله بكيت ومحد درى عني التهوا بالعيد والملابس كانوا الناس فرحانين الاانااضحك وانابداخلي ضيقه تهد الحيلحتى الاجتماع الي اتحمس كله سنه له مارحت له(مخنوقه يايمه وأحس الخنقه هدتني..!مكسورقلبي وعيني مدري وشفيها..ودموعي الي غصب عن عيني بكتني..مليت اغمض جفوني لجل ادريها)
جات الدراسه ةلايام الي قبلها كنت اقرا وعادي عندي صرت مااتركك صلاة الليل ولااسمع اغاني ابدا..
وبعد شهر رجعت لي بس كانت اخف من الي قبلها كانوا الكل بالمدرسه يلاحظ علي ساره الي كانت اربع وعشرين ساعه استهبال وضحك تحولت للوحده مكشره وكثيره الغياب واربع وعشرين ساعه احس اني تعبانه وعظامي تعورني وكل ليل اقرا ايلين اتعب وانام بمكاني انتظراهلي ايلين ينامون علشان اجلس بمعانتي لوحدي(ان شكيت الهم قالوا ضعيفه وان سكت وكليت تراب حسدوني وقالواقويه)
وجات اول حصه قران من السنه الجديده ورجعت زي ماكنت لا والحين تتطورت الحاله صرت ايشئ اقراه في ايه قرانيه مااقدر اكمل والاستاذه تمل مني وتجلسين ..
ايلين جامره بصحه مطالعه وبكيت وانامنزله راسي وجات صديقتي وطلعتني والبنات يناظروني بنظرات شفقه والبعض استهزا..
غبت وقررت اترك الدراسه ومره اسولف مع خالتي الاهي قايله لي انتي تكذبين صح بس ماتبين تدرسين(تخيلوا الكلمه وربي جرح ينزف ايلين الحين ماني والحمدلله من النوع الي يحقدبس ماقدرت اسامحهاعلى كلمتها انااكذب...وصديقتي المقربه تقول كلام زي الي انتي ياساره كذابه تقول الحين البنات كل شئ عين وعين اناكنت مثلها بس والله "محد يحس بالنار الارجل واطيها"مااكذب اناكنت اقول كذابين بس الشعور غريب الكل يناظرك بشفقه من الي يتمنى التعب مين قولوا لي اعطيه)>>يعني اي بنت ولاوحده تقول فلانه كذابه من زينها يحسدونهاعليه تستغفر ربها الواحد يحسد نفسه...
الله يكرمك ايام الدوره الشهريه تزداد ضيقتي لاني مااقدر امسك القران واقرا صحيح اتعب بعدها بسعلى الاقل ارتاح شوي من الضيقه يصير جسمي تعبان موصدري...
صرت اعاني من خوف شديدعدم ثقه بالنفس اتخيل اشياءماهي موجوده(صرت مريضه نفسيا)
درجاتي صارت زفت صرت متبلده اغيب وكل مره اقول ابفصل واتذكر كلام الناس واعود اغصب نفسي والله اني اكتب وانامنحرجه بس انتوا الوحيدين الي اقدراشكي لهم بدون مايتكلمون فيني ولايتهموني بالكذب ولاالمبالغه تخيلوا يابنات صديقتي الي يوميا اكلمها تقولي لي يوم الثلاثا الي فات(كنا ناوين نهرب من الحصه الي الخامسه واكتشفتنا انهاحصه الدين انا ماكنت ادري انهاقران قلنا بنهرب وانااصريت قلت الاستاذه جديده ولاتعرف اسامينا وهذي مومن اخلاقي بس مابي صديقاتي يشكون بالسالفه قالواخلاصخنا نروح نتوضئ ثمن قالت وحده انابحضر والثانيه قلت انا بعد انابحضرقالت لي صديقتي حصه قران بتحضرينها قلت ايه قالت لي بتسوين(حفله)>قصدها الحاله"شفتوالالم كيف تحسبني اكذب ولاشئ بيدي جرختني والله جرحتني..لوجات من غيرك كان هانت اماتجئ منك ياهي قويه..وعودت ارجع للاغاني واتركها صار مالي كلمه كل يوم مزاج غريب...
تكفون قولوا لي حل افصل من المدرسه واخلي كلام الناس ورى ظهري بالعنه الي تلعنهم..(أحس بضيقه في صدري احس بنارتحرقني..أحس الدنياملت مني وتبي توديني للقبري)


بس مليت وربي مليت تعبت حيل تكفون ادعوا لي ربي يشفيني كل مسلم..
"الله يحرمهم الراحه مثل ماحرموني.. حتى بأنفاسي شاركوني..خذوهامني واتعبوني ..جننوني طفشوني..الله يلعنهم حتى بأنفاسي شاركوني واخنقوني,,"

ويالله في امان الله ولاحد يتشمت ولايكذب الناس ترى الدنياتدورر..

محبتكم في الله..
ساره

>>>>> ردود الأعضـــــــــــــــــــاء على الموضوع <<<<<
==================================


حبوبة قصتك وااااااااااضحة لازم تروحي ل شيخ يقرا عليكي مش مرة بس اكثر من مرة وحاولي تجبري نفسك ع حصة الدين واقراي قراااان كثير حتى ايام الدورة اسمعي مش لازم تقراي الله يشفيج حبوبة ويبعد عنج الحسد والحسد مذكور في القرآن شوفي شيخ زين ورحي له مع حد من المحارم والله يهديهن الي يفكرن انج تتمارضين ما عندهن سالفة ترا


__________________________________________________ __________

دام انك تتضايقين من القران الامر واضح انت محتاجه رقيه عند شيخ او شيخه وحاولى يكون سور ة البقره كل يوم شغاله بس لا تتركين المدرسه حتى لو فيك عين ممكن ان تتحول لمس والقران هو علاجك


__________________________________________________ __________

حبيبتي الله يشفيك يارب ويزيح الهم والضيقه من صدرك يارب ...ياقلبي أنت لحالك ماتقدرين تعالجين نفسك لازم أحد يساعدك
السنه هذي خليها راحه لك لا تروحين للمدرسه ..المدرسه محطير ..بس بلمقابل لازم تتابعين عند شيخ رقيه شرعيه لين ماتشفين تماما

بعدها ترجعين للمدرسه أن شاء الله بنفس قويه وتثبتين لكل أنك طالبه ممتازه وتحب الدراسه

الله يحفظك حبيبتي الله يوفقك


__________________________________________________ __________

اختي حاولي تشوفي شيخ مبينة عين الله يبعدها عنك
وكل يوم سورة البقرة ممتازة خليكي تسمعيها بالبيت

وصدقا يا اختي اقراي سورة ياسين على موي واشربيها كل يوم زيدي الماي واقراي الصورة نفسها واشربي
الي يشرب ماي مرقية بسورة ياسين ما ياثر فيه اقوى انواع السحر وتنرد العيون عنك
وبالنهاية هذا كلام الله اذا ما فادك ما يضر

والله يشفيكي ويبعد العين والشر والحسد والمرض والتعب والهم والحزن عنك وعن جميع المسلمين والمسلمات
اااااااااااااااااااااااامين يارب
ربي يحفظك بحفظه


__________________________________________________ __________

ساره حبيبتي اللي فيك شي واضح سواء حسد عين ...الخ
اهم شي العلاج وعلاجك كتاب الله الرقيه روحي شيخ ثقه او ارقي نفسك
في البيت وفيه كوتيب صغير مثل حصن المسلم بس لونه اخضر فيه
طريقة الرقيه من الكتاب والسنه والأدعيه وكل شي عن العين الحسد
والمس اعراضها وعلاجها ينفعك كثير وحافظي على الصلاه واذكار
ا لصباح والمساء لها مفعول سريع بتحسينه على طول وهو الراحه
وبتكوني في حفظ الله مايمسك ضر وقرآة القرآن واتركي الأغاني اللي
تبعدك عن الله وتجيب ضيقة الصدر ان شاء الله اكون افدتك بشئ حبيبتي