عنوان الموضوع : محتاجة آرائكم يا ريت تساعدونى -تم الاجابة
مقدم من طرف منتديات نساء الجزائر

محتاجة آرائكم يا ريت تساعدونى



بسم الله الرحمن الرحيم
السلام عليكم ورحمة الله وبركاته
ازيكم جميعا يارب تكونو بخير وكل سنة وانتم طيبين فى الحقيقة دى تانى مرة اشارك فيها انا كنت طرحت قبل كدة مشكلتى وكانت بعنوان (ضحية التسرع والزواج المبكر ) وانا حابة اشكر كل اللى ردو عليا وربنا يجازيكم خير ان شاء الله ويجعله فى ميزان حسناتكم
المهم ندخل فى الموضوع انا هوضح بعض الامور علشان اللى مش عارف مشكلتى من الاول انا ام احمد مطلقة من خمس سنين وانا عندى 22 سنة دة المختصر المفيد من غير اطالة
المهم فى الحقيقة انا اتقدملى شخص وهو عاوز ير تبط بيا ومواصفاته هو اولا بيصلى الحمد لله مش بيسيب ولا فرض ودة اهم شئ
ثانيا هو شاب اول مرة هيرتبط وهو تقريبا شافنى واعجب بيا وكدة يعنى
ثالثا هو من بلد بعيدة شوية عن البلد اللى انا فيها نبعد عن بعض تقريبا من ساعة ل ساعتين بالعربية
رابعاهو متحرم ومؤدب وابن ناس على خلق ودين
خامسا انه قد المسؤلية يعنى هو اللى ماسك شغل والده كله هو والده ربنا يشفيه يا رب مريض يا ريت تدعوله بالشفاء غير كدة الحمد لله مامته واخواته موافقين ومفيش اى مشاكل
نيجى للمهم اللى مخوفنى فى الحقيقة هو مش كبير هو اكبر منى بسنة والموضوع دة قلقنى وفى ناس قالولى انه مش هيكون قد المسؤلية وازاى تتجوزى واحد اكبر منك بسنة بس وانتى مسؤليتك كبيرة انتى واحمد ابنك مع العلم ان والد احمد كان اكبر منى ب 10 سنين تانى حاجة اللى الناس خاوفتنى منها انه من بلد وانا من بلد قالولى هيبقى تقاليدهم غيرنا وعاداتهم غيرنا وهتعيشى ازاى والكلام دة كله مع انى مش مقتنعة اوى بالكلام دة لان الواحدة لو بتحب شخص ولقت منه اللى يخليها تصبر على اى شئ هتصبر وهتعيش معاه مهما كانت الظروف وهو على كلامه شارينى وعاوزنى وراضى بيا وب احمد ابنى يعنى انا شوفت الموضوع بشكل عام لقيته انه شخص كويس جدا واى واحدة تتمناه لكن موضوع السن والبعد دة هو اللى محيرنى يا ترى فرق السن البسيط دة ممكن يكون عائق فى ان حياتنا تكون ناجحة انه يكون مثلا عقله صغير او مش قد المسؤلية لكن موضوع البعد مش قلقنى اوى انا عارفة انى اقدر اتعايش و الحمد لله انا بجد محتارة ومش عارفة اعمل ايه يا ريت تساعدونى ومعلش اعزرونى فى ان الموضوع مش مكتوب بطريقة صحيحة انا اصلا من كتر التفكير دماغى متلخبطة ومش عارفة انا بعمل ايه ولا بكتب وبقول ايه ومعلش اعزرونى تانى لانى طولت عليكم وربنا يجازيكم خير ان شاء الله ويجعله فى ميزان حسناتكم وربنا يرزقنا جميعا حسن الخاتمة يا رب قولو امين

>>>>> ردود الأعضـــــــــــــــــــاء على الموضوع <<<<<
==================================


حبيبتي الحمد لله انج بخير

اعتقد هذا الشخص هو من كثر دعائج والحمد لله الله عوضج بانسان كويس

تقولين مايترك فرض
ويصلي
وكد المسؤؤلية
وممكن يقبل بيج وبابنج ويربي ويكون له كالاب

وانتي من قبل كنتي متزوجة من شخص اكبر منج ب10 سنوات وشنو استفاديتي من فرق العمر؟؟
هذا دليل على انو فرق العمر مو مهم ابدا

وحتى لو كان بعيد يا اختي افرضي انو كان في مكان قريب ولا سامح الله صارت ظروف واضطريتو لمكان اخر او تسافرو لبلد ثانية ماكان رحتي معاه؟؟ وهذا دليل على ان المسافه مالها اي تاثير

ولا العادت ولا التقاليد الها تاثير عادي كلنا مسلمين في اي بلد كنا

حبيبتي استخيري واستغفري الله وطلعي الموضوع من دائرة اختيارج الى اختيار رب العالمين وهو اكيد حيريح قلبج ان شاء الله تعالى

ونصيحة..كلما اسرعتي بالزواج احسن الج ولابنج لان لسة ابنج صغير حتى يتعود لان كلما يكبر يبدي يتمرد فلما يكبر ويشوفج انتي متزوجة احسن بكثير من لما يكون كبير وتتزوجي

وفقكي الله بما يحب ويرضى


__________________________________________________ __________

حبيبتي الحمد لله رب العالمين على هذه النعمه والحمد لله ان اهله موافقين لاتنضري للبعد فهو امر عادي واتقولين ان ممكن مسافة ساعه مو بعيد المهم بالنسبه للسن انا عندي خالتي متزوجه شخص اصغر منها بسنتين والحمد لله عايشين حياتهم احلى حياه وما يرضى عليها اى شئ وعندهم واولاد ومتفاهمين مو كل شئ فرق السن اهم شئ تحسين نفسك متفاهمه وياه اتحسيه طيب من داخله اكيد هالأشياء واضحه عندك الله ايوفقك يارب ويبعد عنك السوء


__________________________________________________ __________

وعليكم السلام ورحمة الله وبركاته

اذا كنت متخوفه من عمره انا اعرف نساء متزوجات من رجال اصغر منهن في العمر وعايشين حياة سعيدة
وانت اللي متقدم لك اكبر منك بالسن ولو كان الفارق سنه وهذا مو سبب عشان ترفضيه

وذا كان البعد في المسافه انا رأيي ساعه بالسيارة هذا مو مكان بعيد
وفي نساء تزوجوا من دول ثانيه والحياة حلو معهم يعني عمر المكان مايكون عائق مثل ما انتي متصوره

والله يوفقك ويسعدك ويعوضك خير ويرزقك بالزوج الصالح


__________________________________________________ __________

حبيبه قلبى اذا مشكلتك عمره
ولا يهمك انا اصغر من جوزى بسنه ونص بس
والحمد لله عايشين كويس
وبالنسبه لتحمل المسئوليه
بتتوقف على طريقه تربيته
انا جوزى بيشتغل من ساعه مكان عمرة 14 سنه وكان بيصرف على تعليمه وكمان بيساعد اهله
طولت عليكى ....معلش
بصى م الاخر طالما بالمواصفات اللى بتقوليها
استخيرى واتكلى على الله ربنا يسعدك ويعوضك بيه
والف مبروووووووووووووووك


__________________________________________________ __________