عنوان الموضوع : مشان الله مين الغلطان قولولي؟؟؟؟؟؟؟؟؟ الطبيب يجيب
مقدم من طرف منتديات نساء الجزائر

مشان الله مين الغلطان قولولي؟؟؟؟؟؟؟؟؟



السلام عليكم ورحمة الله وبركاته
ساعرض لكم مشكلتي واتمنى ان اجد عندكم حل لها
يابنات انا متزوجة من شخص احببته واخترته بارادتي
وهو ايضا تزوجني عن حب وواجهنا عدة مشاكل لحتى نلنا الرضى من اهالينا على زواجنا
تزوجته واقمنا في بيت وكنا سعداء جدا جدا وكان لايقصر علي باي شيئ
اي شيئ اطلبه كان يحضر الي وكان كل يوم ياخذني مرة مطاعم ومرة ارض العاب ونتمشى
يعني ماكان يقصر عليي بشي وكان الحب باين في عيونه بدون مايحكي اي كلمة
واهله كانو مقيمين بغير بلد
كان يكلمني عن والده وظلمه له ولامه واخواته في حياته
وانا كنت اقول لهمعليش وييبقى ابوك والله يسامحو
ممرة اجى يوم واتصل عليه ابوه وبيقللو بيع البيت وتعال انت وزوجتك لعنا وعيش بيننا انت وهي
وشغلك هنا مأمن
انا كنت رافضة الفكرة لاني بدي ابعد عن اهلي واطلع من بيتي
بس بعدين قلت معليش خليني الحق مصلحتو
طلعنا انا وياه
ويااااااااااااااااريتني ماطلعت
لوتشوفو ابوه شو عمل
اخد حق البيت يلي كان عم يقول انو بدو يفتحلو مشروع لزوجي فيه وصرفو الله يعلم وين
المهم انو زوجي طبعا ماطلع بايدو شي
وعمي ترك عيلتو وعشنا معهم طبعا
انا واخت زوجي صرنا نشتغل لنأمن اجار البيت والاكل
بس زوجي للاسف هو واخوه لحد الان ماوجدو شغل
المشكلة انو زوجي راتبي كلو مابخليني اصرف منو شي على كيفي
هو معو حق لانو كتير الحالة ديقة وماخرج اصرف شي بدون جدوى وفائدة
بس يابنات وصلت معو انو ياخد راتبي وهو يلي يعطيني مصروفي كل يووووم
انا قلت انو حرام بيكون متدايق من وضعو لانو ماعم يلاقي شغل
بس صار بالاخير ينكر كل شي ويقللي انتي بدك تصرفي المصاري ومو عرفانة كيف واهلي خليهن ينكبو بالشارع
وصار يقللي نسيتي وقت كان وضعي منيح ببلدنا كنت ماقصر عليكي بشي
وانتي عم تذليني لاني لسى مالقيت شغل
وصار ينكر تعبي يابنات وانا كل يلي حكيتو انو خلي مصروفي معي مافي داعي انت تتعطيني
يلي حكيتو غلط شششي؟؟؟؟
صار يسب ويقول منيح عرفتك ع حقيقتك ومنيح ماصار عنا ولاد لهلق
لك نكر كل شششششششي حسبي الله بس
يابنات انا الغلطانة او هو
مع العلم انو من راتبي بس اشتريت كومبيوتر محمول وهاد يلي زعجو وقللي مو وقت الكومبيوتر هلق
وقللي بكرا بس يتحسن وضعي يحرم عليي القرش منك هي اذا تركتك عم تشتغلي
انصحوني كرمال الله رح جنننننننن
وهلق ماعم يحكي معي مو بس هيك وقال لاهلو وانا اهلو كتير بحبن
واخدو عني فكرة غلط اني ماعم ساعدن بمحنتن وانا والله مو هيك اصدي
الله يخليكن سسساعدوني ومالي طايقة احكي مع حدا واشرحلو وجهة نظري لاني تعبت وماعاد حدا صدق
ومابدي اترك الشغل لانو مابحب قعدة البيت خصوصي اني مو ببلدي
سسسساعدوني مين الغلطان انا او هو؟؟؟؟؟؟؟

>>>>> ردود الأعضـــــــــــــــــــاء على الموضوع <<<<<
==================================


اول شي كل عام وانتي بألف خير بمناسبة العيد وان شا الله بتقضيه بسعادة وفرح يا رب
بالنسبة لمشكلتلك يا روحي ....... مبين عليكي كتييييييير وفهمانة والحب بينك وبين زوجك كتييير كبير اسم الله
حبيبتي انتي عملتي يلي بيرضي ربك وتعمالتي مع زوجك بمحنتو بالشي يلي بيرضي ربك وزوجك اكيد ما رح ينسالك اياها ، الله يبارك فيكي يا رب

زوجك ما تغير عليكي بالمرة وحبو الك لساتو بس يا عمري الرجال اكتر اكتر اكتر شي بدايقو بدنيتو هي قلة المصاري ، انتي عشتي معو لما كان وضعو منيح ، والله ما قصر معك بالمرة وانتي ما بتكري هالشي ، بس الوضع المادي بأسر بشكل كبييييييييييييييييييييييييييير ع نفسية الرجال !!

هو صار شايف انو لازم يصرف ع اهلو من بعد ما "انضحك عليه" من ابوه !!! ما تتصوري وضعو لما ينضحك عليه من اعز الناس الو !! وانتي من واجبك ك زوجة انك تساعدي زوجك وتوقفي بمحنتو و الله يرضى عليكي ما تعايريه بأي فلس بتعطيه اياه
ضلك احكيلو انو معلش حبيبي اكيد الوضع حيتغير وعمره ما بدوم الحال ، ان شا الله ح تلقى وظيفة يا عمري ، ما تنسي الكلام الحلو اللي بحب يسمعو، لازم تحكيلو اياه لأنو هو بأمس الحاجة لصدر حنون يخفف عنو همو ، والمفروض انتي تكوني هالصدر الحنون!!

وانتي كمان .. تحملي اي كلمة منو ، معلش
سدئيني بالمعاملة الحلوة والمنيحة رح يعتزر منك وما رح يقسى عليكي
بس انتي طولي بالك واطمني
خليكي متوكلة على الله

والله من طريقة كلامك مبين عليكي انسانة فهمااااااااانة وعايشة الحب وعارفة ترضي زوجك ، بس الظروف لما تصعب عالبني آدم بتعمي على ألبه اوئات ،،، صح؟؟؟؟؟؟


موفقة حبيبتي


__________________________________________________ __________

الله يفرج همك ويعطيكي مبتغاكي ياااا رب
حبيبتي انا مع رأي الاخت نيسوو تماما زوجك بحبك كتير وانتي شفتي كيف كانت معاملته الك قبل ما يصير اللي صار وهاد دليل على انه شخصيته اللي هلأ مو نفسها اللي قبل ...أعطيه فرصة لحد ما يصير الوضع أحسن وكوني اليد الحنونة اللي بتربت على كتفه وصلي صلاة الحاجة دايما وعليكي بالاستغفار وربنا بيفرج همك ان شاء الله والله المستعان


__________________________________________________ __________

مششششكورين كتير بنات
اااااااااااه بس والله يعلم يلي بقلبي
والمشكلة كمان انو ابوه ماعم يتركنا بحالنا وعم يورط زوجي بمشاكل مالو فيها بالقانون وبالدولة
ونحنا مو ببلدنا يعني والله خايفة عليه كتيررررررر
وكل مااقول له بيقللي هاد ابي ومابكبو
بس انا خايفة عليه
والله انا صابرة وبحبووووو لك انا يلي مسكتني اني بموت علييييييه
بس الي الله بركي تفرج علينا يارب


__________________________________________________ __________

حسبي الله ونعم الوكيل
خرب حياتكم
يا ريت ترجعوا زي ما كنتووو اول


__________________________________________________ __________

ااااااااااااااااااااه ياروزاليندا لو ترجع حياتنا متل اوووووووول
كل يووووووم ببكي الف مرة وقت اتذكر كيف كنا وكيف صرنا
كمان مافي بيت نرجع عليه ببلدنا
حسسسسسبي اللله ونعم الوكيل عالظالم
ولسى ياريتو تاركنا بحالنا
كل يوم بيعلق زوجي بمشكلة من ورا مشاكلو المخالفة للقانون
وزوجي ولي على قلبي عليه قلبو طيب
اااااااااااااااااه لو تعرفو يلي بقلبي
حسبي اللهونعم الوكيل
مابيكفي اني بعيدة عن امي واهلي
اااااااااااااااه بس