عنوان الموضوع : مافيه أحد يحبني .. -تم الاجابة
مقدم من طرف منتديات نساء الجزائر

مافيه أحد يحبني ..



بسم الله الرحمن الرحيم
السلام عليكم ورحمة الله وبركاته

أنا أدرس في صف 2/م وعمري 14 سنة.
أحس ما أحد يحبني وكلهم يكرهوني مو مثل صديقتي وزميلاتي , صديقتي tدايم تحكيلي عن أهلها مثلا تقول: ماما تعرف أني أحب ....<<طبعا الحب الي أقصده من طرف واحد يعني تحبه من دون مايدري لأننا مجتمع محافظ مايسمح لنا أننا نتكلم مع ولد غير محارمنا>> وأنا لو أقول لماما أدعيلي أن أشوف وحدة من صاحباتي الي نقلوا من المدرسه ترد علي وتقول : خلي عنك الصداقة والخرابيط هذي ومن هالكلمات.حتى أخواتي ما أحسهم أخواتي دايم مع بعضهم وأنا لا ولو يصير أي مشكلة في بيتنا يقولون أنتي السبب والله تعبت أتمنى دايم أن أكون قريبه من أمي بس دايم تصارخ علي مع أن تعاملها مع أخواتي غير وخاصة أختي الي أصغر مني بسنتين لو يصير اي شئ كلهم معها ويخلوني أنا المخطية ما احد يفهمني أحس أني متضايقة وما لقيت أحد أشكيله همي ليش بس أنا؟ حتى في المدرسة أحسهم كلهم يجاملوني واضح عليهم غير كــــذا دايم تطلع عليّ إشاعات أني بنت مو كويسه قلت يمكن شايفين تصرفات مني حاولت أتصرف بشكل مؤدب يعني ما اقول قدامهم ولا كلمة يقدرون يبنون عليها أكاذيب بس ماكو فايدة، أصلا أجدادي ماكانوا بنفس البلدة الي حاليا أنا فيها غير هذا لو نشتري أي شئ يحسدونا عليه مثل سيارة أخر موديل مع أن فيه أشخاص أحلى منّا سيارات بكثير وكمان أثاث جديد وبيت جديد ولو يشوفوا علي جاكيت حلو ينشرونها بكل مكان وحياتنا مو زينه أبد كلها مشاكل لدرجة حاولت أنتحر بس رحمة الله فيني هي الي أنقذتني بس يمكن عطونا عين ،،بليـــــــــــــــــــــــــــــــــــــــــــز ساعدوني حالتي النفسية مرة تعبانه...

>>>>> ردود الأعضـــــــــــــــــــاء على الموضوع <<<<<
==================================


بصراحه مشاء الله عليك من أسلوبك والله حسيتك واعيه للحياه ومتفهمه ومن أسلوبك مشاء الله
أسلوب وحده أكبر من كذا شوفي ياقلبي أنتي في فترة مراهقه وتحسين مرات أنك منبوذه من الكل
لانك خذتي طابع أنك مهما سويتي الناس بتغييم تصرفك بالسلبي فلا تخلين مشاعرك تذبحك وصدقيني الا مايجي يوم وتعرفين على صديقه تشيل عنك وتشيلين عنها ومن ناحيه البنات خلي اللي يحكي يحكي
بس عطيهم الطناش ولاتسمعي لاحد من نقد ودامك عارفه نفسك ماعليك منهم وأرضاء الناس غايه
لاتدرك وفالبيت دايم مازحي خواتك ومدحيهم بغيابهم وحضرتهم وأذا حد طلع من خواتك والا أمك
من البيت قولي والله أشتقت لكم وأذا رديتي من المدرسه حبي على راس أمك وقولي ولهت عليك
ياغلى أم فالدنيا ولا تقولين أستحي ماستحي والله عادي مو عيب هاذي ماما مهما قست
وأخوانك الاولاد رسلي على موبايلاتهم رسايل حلوه تحمل المحبه والموده وكلمة ياأخوي متى
ترد ودي أجلس أسمع سواليفك الحلوه ونكتك ومزحك تراني مايسليني الا أنت ومهما قسو صدقيني
الظفر عمره مايطلع من اللحم وأذا ركبو الغلط عليك سكتي ولا تردين باي كلمه وبعد مايهدوون
تقدرين تبينين لهم أنك مو غلطانه باسلوبك كيف مو بالفاظك وش راح تقولين
وتقبلي مروري بس لاعاد أسمع كلمة (مافيه أحد يحبني )تراني بقولك عطيني أذنك
عشان أقرصها >>>هههههههههه لا الا بقول أنا أحبك لانك أختى بالله


__________________________________________________ __________

ياقلبي انتي ليش مكبره الموضوع ياحبيبتي انتي ففتره مراهقه وتحسسين من كل شئ يصيرلك يعني طبيعي واذاماما قالتلج اتركي عنج هالصداقات تبغى مصلحتج صدقيني ولا مافيه بدنيااطيب ولاافضل من قلب الام و1اعلى الاقارب عادي حبيبتي كل الاقارب كذا ماتتصورين اقاربي كيف يعاملوني من حقدهم هلي وغيرتهم وبنات المدرسه صدقيني فاضيات ياقلبي اهتمي بدراستج ولاعليج منهن واعوذبالله ايش تنتحرين ماعندج ايمان ورب تخافين منه تدرين المنتحر وين يروح يرح للنار
وانا اعتبريني اختج ارسلي على الخاص انتضرج وانشاءالله راح اسمع لج
وانبسطي الدنيا قدامج انسي لاتفكرين
لاتدخلين النت كثير لساتج صغيره على النت انتضر ردج


__________________________________________________ __________

وانتي وش عليكي من احد حبيبتي اهم شيء انك راضيه عن نفسك كوني شجاعة اي اشاعه لا تسكتي لازم تدافعي عن نفسك قولي انا ماسمح احد يتكلم عني كلام وانا ماسويته \وامك يمكن حاولي تراضيها دائم علشان تكسبيها وماشاء الله عليكي وعلى اخلاقك وخليكي زي مانتي \تحياتي


__________________________________________________ __________

انا رايي من راي الاخت مالقيت للجرح مداوي والله يوفقك


__________________________________________________ __________

حبيبتي انا لما كنت بعمرك كنت احس بنفس احساسك تماما بمعنى اوضح فترة مراهقه هذا شعور طبيعي لاغلب البنات اللي يدخلون هالمرحله تحسين انك منبوذه او محد يحبك او يكرهونك هذي بالاساس اوهام يعيشوها اغلب البنات فترة المراهقه بشكل خاص وعند البنات البالغات اثناء الدوره الشهريه بشكل عام يعني لا تفكري ان هالشئ صحيح انتي في اول مرحلة المراهقه و تكون في تغييرات فيسيولوجيه تأثر على النفسيه يعني في بنات يصيرو عصبيات وبنات عندهم شعور في البكاء اغلب الاوقات وبنات نكديات و بنات وووو اشياء كثيره يعني انتي حاولي تتحكمي في هالمرحله ولا تخلي هالمرحله تتحكم فيك وخلي ثقتك في نفسك كبيره مو تقولي محد يحبني العلم يقولك لازم تكوني دائما متفائله وتتحقق السعاده عيشي مع اهلك وصديقاتك على طبيعتك مو تخلي بينك وبينهم حاجز انه محد يحبك ومثل ما قالت الاخت يعني حببيهم فيك وقربيهم منك وان كانو قاسيين في التعامل ولا تقارني بين صديقاتك واهلهم مع اهلك شوفي المحاسن لان المساوئ بتعبك وان ما ردو عليك زين او عاملوك بقسوه لا تفكري بردهم كثير بس قولي بينك وبين نفسك لانهم يحبوني يقولو كذا لا تخلي الشيطان يكبر الاشياء براسك
بالتوفيق انشاء الله