عنوان الموضوع : ماذا افعل ام زوجي وبنتها ؟ مجابة
مقدم من طرف منتديات نساء الجزائر

ماذا افعل ام زوجي وبنتها ؟



اهلين خواتي مالي الا انتم حتى امي ماتدري بالسالفه
متأكده حلي معاكم
انا عمري 21ولي 4 سنوات متزوجه والله تعبت من التفكير وانا اليوم قررت اكتب لكم قصتي انا خالتي ام زوجي مادري ايش فيها اهي طيبه لكن الشك والظن مأثر عليها وهذا سبب المشاكل في اكثر العوايل
ومشكلتها من النوع اللي تصدق اي شي يقولون لها بناتها تخاف لاانها تزعلهم وكل يحرضونها علي وكل ماقلت شي وتكلمت يسوون روحهم انهم مايسمعوني ولا كأني اتكلم خصوصا اني من النوع الضعيفه والهادئه وماحب المشاكل والله العظيم والدليل اني افكر في الموضوع لو اني من النوع اللي مااهتم كان ماهتميت والله منقهره وان سمعوني تطنزت اخت زوجي الكبيرة على كلامي هو له اختين والكبيرة اكبر من زوجي بسنه
اكبر مني ب12 سنه
بس انها تغار مني
لاني ظروفي احسن من ظروفها
مو بس تغار مني
تغار من زوجي
تنقهر لما تشوف امه تقعد معاه وتتكلم
وخالتي وابو زوجي مستحيل يزعلونها لانها الكبيرة والبنت غير ويصدقونها والمشكله تغسل مخهم
شسوي والله تعبت
حتى لو قلت لزوجي جيب العاب لولدها وعطاها ماتقول شكرا حتى لو وصلها
ماتقول مشكور ولاشي
على انه من واجبه انه يسوي كذا
بس الادب والذوق ان الواحد يشكر مع انها من النوع الملتزم
بس مادري ليه هم كذا حتى ام زوجي كل تحرض زوجي علي
ليه مادري
والحين صايرة مشكله
كبيررررة
وتعبانه انا منها
الصراحه
لو اكتبها لبكرة ماراح اخلص
آآآآآآآه
حتى في امي يظنون فيها ويشكون مع ان امي ماتدخل فيهم
زوجي غيرهم
والحمد لله انه مايصدقهم
والمشكله اللي صايره الحين
مدخلين زوجي فيها وانا وامي
على ان احنا السبب بس مادري
في شنو حاولت اقعد معاهم وافهمهم لكن تقولين مو مصدقين كل يشكون اني انا اللي احرضهم وجنبي كل ينحزون اما لما يجي زوجي يمدحون ويتكلمون بشكل ثاني
وددايم تنحز جنبي اخته الكبيرة الوحده لازم
تقول لازم الوحده تشتري لاهل زوجها وتجيب ودايم تقول لاختها الصغيرة طلبي من اخوكي
لاتستحين
مع العلم اني مو مقصرة
ودايم يقارنون بيني وبين مرة حماي مع ان علاقتنا كانت زينه وكل نتصل على بعض اما الحين كل وحده في جهه
تخيلي مو بس حماتي حتى خالتي تسوي كذا اذا كنت قاعده معاهم ومرة حماي مو معنا يتكلمون ويمدحون فيها ويقولن اشياء لما اروح اسألها تقول ماسويت ولاشي
بس على انهم يقهروني
شالاسلوب
انا مو متعوده على كذا والله
انا واهلي مسالمين والله اني مااتكلم واجد صحيح لكن احبهم في قلبي مابغى اصير زي الناس اللي مايزورون اهل زوججهم بالعكس انا احب التمسك فيهم واذا بغوا اني الوم نفسي مو مشكله بس مابغى عيالي يصيرون بعيدين عن اهلهم
ولا زوجي ابيه يصير قريب من اهله
والله اني كل اقول له روح زورهم كلمهم
شفهم يبون كذا بس اهم يظنون اني العكس
شلون وليش مادري شالسبب ادري طولت عليكم
بس شسوي
انا اعزهم في قلبي مهما كان اهم اهل زوجي يمكن انا ماكتبت الا نقطه من اللي يصير الحين اعظم بكثيير مع اني مو معاهم ساكنه
الله يعين

>>>>> ردود الأعضـــــــــــــــــــاء على الموضوع <<<<<
==================================


والله ياعزيزتي صاحبة المشكله
شوفي اقول لك شيء
انا بصراحه مااحب الانسان الضعيف وانتي قلتي انا ضعيفه وهادئه
حبيبتي
الهدوء شيء والضعف شيء ثاني
ترى اذا تبقين ضعيفه مع هيك ناس ماراح تقدرين تعيشين بسلام
وسنين عمرك راح تنقضي وانتي مو فاهمه اي شيء منها ولا حاسه بطعمها
حبيبتي
اللي يكذب ويغير الكلام قوليله انت كاذب
ولكن باسلوب لطيف
اللي ينقل كلام مو حقيقي قوليله انت نقلت كلام مو حقيقي
اللي يمثل الطيبه قومي ولا تجلسين وياه
حبيبتي ترى اذا تبقين على هذا الحال وماتغيرين من نفسك ترى مااحد يقدر يساعدك
ساعدي نفسك انتي
ولاتخلين حقك يضيع مع الالتزام بحدود اللياقه والادب عشان ماياخذوا عليك نقطه ويقولوا طولت لسانها

شدي حيلك حبيبتي عشان تعرفي تعيشي زين
لايضيع العمر مع هالشله التعبانه

ربي يسعدك ويهنيك

تحياتييييييييييييييييييي


__________________________________________________ __________

انا ما اقول الا .. الله يعينك على البلاوي هذي .. لكن انا... اتفق الاخت pakiza انك تساعدي نفسك وتتغيري .. اختلف معها انك تردي ..
لأن الناس اللي مثل هذي تحب المشاكل ولو رديتي بكلمة بيجيبو لك مائة كلمة .. واحمدي ربك ان زوجك مو مثلهم ولا يسمع كلامهم هذي اكبر نعمة ودايما ادعي (اللهم اني اعوذ بك من شرورهم واجعل كيدهم في نحورهم) .. وادعي ان الله يشغلهم بانفسهم عنك..ودايما سوي الواجب معاهم ولا تستني منهم شي ..وكوني واثقة من نفسك ، لأنك أولا سويتي الواجب ثانيا لانك تعاملينهم بما يرضي الله .. الأحسن انك تكوني مظلومة ولا تكوني ظالمة..وأهم شي ان زوجك عارف مليون بالمية انك ما يطلع منك العيب على أحد من أهله ..لأن ممكن أحد يحرضه ضدك خصوصا لو كانت الغيرة تغلي في قلوبهم ما راح يرتاحون الا لما يسوون شي.. الله يكفيك شرهم .. لكن دائما اذكري الدعاء اللي قلته لك واستغفري واقري سورة البقرة على قد ما تقدري.. تكفيك شر كل من فيه شر ..


__________________________________________________ __________

صح لسانكم خليكي مثل ماقالوا البنات


__________________________________________________ __________

حبيبتي انتي خليكي مع زوجك وخلص والحمدلله انه متفهم وحاولي ماتسكتي عن حقك باي شي لانهم شايفين ضعفك ومستغلينك

الله يوفقك ويخلي لك زوجك


__________________________________________________ __________