عنوان الموضوع : ساعدوني في مشكلتي.... مجابة
مقدم من طرف منتديات نساء الجزائر

ساعدوني في مشكلتي....



السلام عليكم ورحمة الله وبركاته
متزوجه منذ 4سنين وعندي بنت في البدايه كان عاطل عن العمل 3 سنين وساكنه مع اهله صار ابوه هو اللى يصرف ع المنزل المشكله اذا طلبته نطلع اخذ اغراض شخصيه يقول بعدين يقول ماحد راح يجي يشوف ملابسك
بالمعنى اني طلعت من عند اهله بمنزل لوحدي
كان هلي يصرفون علي من الملابس والادوات المكياج ............الخ اعتمد اعتماد كلي على اهلي في لبسي
حتى المستشفى والله مايوديني اللى بعد خناق والله تعبت نفسيا وجسديا الحين عمر بنتي 10 اشهر تصدقون ماقد سويت اشعه بعد ماولدت اذا رحت للجلديه لانها طلع عندي حساسيه وطلبته بعد يومين يقول تونا جاين من المستشفى للمعلوميه والله احيانا ماطلبه اللى من الالم( للمعلوميه اهلي بديره وانا بديره) والحين اطلبه انزل الاجازه يقول ماعندي اجازه بنات تكفون ساعدوني يعني زوجي من النوع الكسول واعتمد على ابوه في الاغراض والمشاوير
حتى اذا كنت ابي اروح لجيراني اوسع على خاطري مايخليني واذا نزلت بسس محدد لي نصف ساعه(للمعلوميه شقتنا مقابله شقة جيرانا واذا راح للدوام يغفل على بالمفتاح ويضع علامه من خلف الباب للدلاله إذا فتحت الباب احيانا اشك انه مريض نفسي او يشوف الناس بعين طبعه)حتى اذا جيت ابي ادخل النت اتصفح واشارك بالمنتدى يرفض ...... والله ماكتبت اللى وانا ضايق خلقي من الدنيا ابوي وامي تعبانين ولا ابي اضيق صدورهم يكفيهم اللى هم فيه تكفـــــــــــــــــــــــــــووون ساعدوني ....

>>>>> ردود الأعضـــــــــــــــــــاء على الموضوع <<<<<
==================================


حبيبتي لازم تخلي حد يكلمه خصوصا بموضوع المصروف او انتي تكلميه

عليكي بالصبر والدعاء وان شاء الله ربنا بهديه ولا تنسي الاستغفار لانه يجلب الرزق والفرج


__________________________________________________ __________

الله يصبر قلبك

الغربيه وشلون تتزوجين واحد عاطل عن العمل ؟؟؟


ولاغرب من كذا اهلك راضين ؟؟

ونفس الوقت تقولين انه يشك فيك ومايحبك تجلسي مع احد

الظاهر والله اعلم انك تعرفينه قبل الزواج ولاتزعلين علي مجرد تخمين

اذا كان كلامي صح ضرور تصبرين عليه لان العلاقه من البدايه غلط

واذا كلامي غلط ماسألتي عليه قبل ماتتزوجينه ؟؟؟

المهم راح اللي راح

ونفس الوقت اختي زوجك من النوع الاطوائي يعني مو اجتماعي

نصيحتي انك تعتبرين اهله مثل اهلك يعني كلما طفشتي روحي لهم

اذا هو مايطلعك ابد

وقبل كل شئ استغفري وادعي ربي انه يهدي زوجك ويكون احسن


__________________________________________________ __________

والله ماأملك إلا أدعي لك ربي ييسر أمورك
حاولي حبيبتي تغيري من إسلوبه قد ماتقدري
والمصروف إذا ماعطاك ياقلبي حاولي تاخذي منه من غير مايدري بس بحدود الشي إللي يكفيك
إستغفري الله وأدعي ربي يهديه ويصلحه


__________________________________________________ __________

هلا وغلا اختي..!!



ان شاء الله تكونين مرتاحه يارب..!!



اول شي حسيت مشكلتك تكمن في كم شغله..


1/ المصروف..::


طبعن اذا كان يشتغل اللحين حاولي ماتاخذين شي من اهلك يمكن لانه تعود ان اهلك يصرفون عليك فشال ايده منك..

ولازم تخلين احد يكلمه .. ابوه ... امه.. اي احد اهم شي يكون مقرب له ...

ولاتاخين من اهلك ابدااااا خليه يشوف بعينه انه مقصرررررر..واذا قال لك اطلبي من اهلك قولي مستحيل .

اهلي مو ملزومين يصروفون علي..

واذا كانت ضروفه صعبه حاولي توقفين جنبه وتخلينه يوفر مصروف يدخل فيه دوره عشان يتحسن مستواه الوظيفي..

وطبعن هالشي راح يرجع لك بعدين..!!!


واذا كنتي تقدرين تشتغلين حاولي تشتغلين ولو ماعندك شهاده حاولي تشوفين اي شغله بسيطه ..لو تبدعين باي شي حاولي تسوينه شغل لك يعني..!! يعني حاولي تدورين دخل لك وخااص فيك..!!

..~~
2/الاهمال..!!


خصوصا باين من كلامك انه مهمل لما تمرضون ماتروحون مستشفى..!!!

لاهنا معليش لازم برضو احد يتدخل لا اهماله وصل للصحه..!! وبجد هالشي مايرضي احد..!!

..~~


بصراحه زوجك لازم تجلسين معه جالسه حازمه وصادقه ومن قلب لازم تخلينه يفتح قلبه يمكن هو عنده مشاكل مايقولها وانتي ماتدرين عنها ..!!

شوفي لك يوم ووقت يكون رايق فيييه..!!

سوي لك عصير يحبه او اي شي يروووقه وروحي له بأسلوووووب.. وقولي له ممكن اتكلم معك

وناقشيه بكل هدووووء..!!
وتكلمي بدون انفعال او حماس..

وحطي فبالك انك بتلقين رد سلبي اكثر من ايجابي عشان لاتنصدمين بسس..!!

بس بنفس الوقت لاتنقصين من رجولته ابدااااا..!! لان الرجل اكره ماعنده يشوف نفسه صغير بعيون زوجته..!!


وعالجي مشكلته بطريقه عاطفيه نفسيه..!!

حسسيه انك الصدر الحنون وانك تحبينه.. مهما كان.. حاوووولي تتملكينه وتقربينه لك..!!


لاني بكل صراحه احس فيه شي مو طبيعي..!! ماا اعتقد بيقصر كذا من الباب للطاقه.. يمكن عنده ظروفه ويمكن هو مو من النوع اللي يشتكي او يفضفض فلازم تلمينه لك.. وتشوفين وش فيييه..!!


..~~

وبالنسبه لاهلك ولزيارتك لهم..

حاولي تقنعينه بهدوووء بعيد عن الصراخ..

وقولي له ان امك تعبانه وحسسيه انك متضايقه وخايفه عليها الا ماااااااايحن عليك صدقيني مهما كان الرجل
شديد..!!

ومهما لبس لباس القوه.. فبداخله طفل صغييير تقدرين تروضينه على كيفك ومثل ماتبين..!!

وحطي فبالك مافي شي يتغير بين يوم وليله..

خذي وقتك وعطيه فرررصه وفي كل مره يسكر الباب فوجهك لاتوقفين وتستسلمين .. افتحي له قلبك في كل مررره .. وحاولي فيه ولاتيأسين ابداااااااا..!!

وكوني متفائله..!!


والله يسخر لك زوجك... وييسر لك امورك.. ويرزقك من حيث لاتحتسبين..!!

دعواتي القلبيه لك بالفرج القريب العاجل..!!


واسفه جدا ع الاطاله.~.~


__________________________________________________ __________

الله يعينك حبيبتي ويجازيكي خير على صبرك هيا فعلا مشكله كبيره اعتماد الزوج على اهله بهذا الشكل وبالنسبه لموضوع الشك ده احيانا كتيره بيبقى طبع ولانه حاسس بانه مقصر معاكي في كل حاجه فمش عايزك تطلعي وتتكلمي مع حد عشان صورته متتهزش قدام الجيران او اهلك وعايز يريح راسه من المشاكل اللي حتجيله اما تروحي تزوري اهلك وتشكيلهم همك وصلي وادعي ربنا يفك كربتك حبيبتي