عنوان الموضوع : تعبانه ودمعتي ماتجف من خدي
مقدم من طرف منتديات نساء الجزائر

تعبانه ودمعتي ماتجف من خدي



السلام عليكم ورحمة الله وبركاته
اسمعوا قصتي لاني تعبت ابغى حل لجروحي ومعاناتي
أبوي متزوج3حريم والاخيره اجنبيه غيرته علينا حيل الى درجة نجلس شهرين مايدري عنا ولايصرف علينا وامي اشتغلت مستخدمه بمدرسه وكنت ادرس بفلوس5000ريال كل ترم وهي اللي تدفع الرسوم وللنقل ولما قرر اخوي الكبير يتزوج وثق بأبوي ونزل لحسابه مهر البنت وفلوس زواجه كله ولما قاله يله: أبوي عطهم المهر. قال أبوي: ماعندي لك شي. تدهورت حالة أخوي شوي ويموت من الصدمه طلعت انا وخواتي وأمي لحديقة تبيع مكسرات ودمعتنا على خدنا ماندري نرجع نلاقي اخوي حي او لا وأخيرا ونحن جالسين بالحديقه جاء أخوي الكبير و بوس راس أمي وحضنها ومن بكرا باعت أرضها وشرا سياره وباعها ودفع المهر واخذ البنت بدون حفله وبدا أبوي يقول بالمجالس:اولدي يتهمني بالسرقه ويبي يضربني على ان اخوي كان يدور ابوي يعتذر منه شوفوا على انه مو غلطان وبدا ابوي يسحب من اخوي الثاني فلوس 15000و60000ريال كله يتدين والمسكين اخوي يسدد والدين ماندري وين يروح وبهذلنا بسحب فلوس ولا يعطي ومن هنا حالتي تدهورت قبل 3سنين كنت اغلط مثل كل البنات بمراهقتي مكالمات وغزل كنت أبحث عن واحد يعوضني حنان ابوي وحصلت مشاكل لي مع البنات وبعدت عنهم وتركت المكالمات سنه وتعلقت بولد عمي اكبر مني بكثير ورفضت امي لان امه شديده وماتحب امي وتزوج الولد ودخل حياتي ولد ثاني 3سنين حب وغزل وبالاخير بزلة لسان منه قال بانه خطب بنت واحاول ابعد عنه الحين على اني تعلقت فيه حصلته ابوي واخواني وماادري كيف اببعد عنه وهو مو راضي يبعد نفسيتي صارت تعبانه وكملتها زوجه اخوي الثاني كل ماتدخل تجلس تتجسس علي وعلى خواتي وتشك فينا وتحرض اخوي علينا باننا نعرف شباب تبغاه يضربنا على انها متدينه وتقول لزوجه اخوي الاولى لو اعرف بان شغلها اللي هي أنا بيمس الشرف ابخلي اخوها يمنعها من الشغل لاني ابشتغل بمستشفى ولايمكن اترك الشغل لان ابصرف على امي وخواتي المحرومين احس باني كرهتها واثرت على امي لان كنا بحفله مع بنات عمي وفيها طرب طلعت امي من الحفله مع زوجه اخوي المتدينه بالغرفه الثانيه ورجعنا للبيت بدري علشان الطرب انا متضايقه احس بتغير امي وتحرمنا من الوناسه كيف ابتعامل معه ومع امي؟؟؟
ساعدوني ارجوكم كيف اترك الخاين؟
كيف اتعامل مع زوجة أخوي المتدينه؟
كيف ارضي أمي وأنبسط بنفس الوقت؟
انا متضايقه وربي مشاكل كل يوم امي بدت تتشدد بتطوعها وأبوي مقصر علينا ولاهي مع زوجاته كل طلوع راتب يسافر ومايرجع الا بعد مايفلس والحين أمي تركت شغلها لانها تعبت
أنا مليت وتعبت وخواتي تعبوا معي وهم اصغر مني ماعشنا مثل البنات ثيابنا ملبوسات ومكياج من ابو ريالين وربي قرف
رفضت خطيبي علشان حبيبي الخاين والحين اتمناه يرجع ويطلعني من حالتي
أرشدوني للطريق الصحيح من كثر المشاكل لي 3سنين فيني قالون عصبي مااتهنى بعيشتي ونزل وزني كله هم
تكفون ساعدوني نفسيتي تعبانه

>>>>> ردود الأعضـــــــــــــــــــاء على الموضوع <<<<<
==================================


هلا فيك حبيبتي
من اسلوبك مبين ان افكارك مشوشة من كثر المشاكل
لانك تدخلين بموضوع وتنتقلين لموضوع ثاني بدون ماتنتهين من الاول
اللي ابيه منك اختي الغالية انك وانتي تقرين ردي تتنفسين بعمق وتستقبلين كلامي بصدر رحب
كلنا نعاني من مشاكل مشابهة
في كل بيت في مشاكل
لكن مو في كل بيت في بنوتة حساسة بزيادة مثلك
انا اقولك على حل باذن الله يريحك
اهم شي في الدنيا هذي رضا الوالدين اذا ارضيتهم ضمنتي رضا رب العالمين وضمنتي توفيقه
ارضي امك المسكينة اللي تعبت ومازالت تتعب عشانكم
ابوك انسي تصرفاته وصيري انتي من فترة لفترة تسألين عنه ادي واجبك فقط
ماعليك من كلامه وردة فعله اسمعي وقطي بحر
اما زوجة اخوك واخوانك هذولي ماقولك تأذينهم لكن لاتسمحين لهم يأذونك
يعني لاتخلين احد يتدخل بوظيفتك وحياتك الخاصة
يعني تكلمي وتناقشي بهدوء وحطي حد لهم
اما العلاقات السابقة اغلب البنات ربي بلاهم بمراهقتهم ومشوا بهالطريق
لكن الواعية هي اللي تفوق من هالغفلة وتترك هالشي
انتي موظفة
ليش ماتشغلين بالك بوظيفتك وتعملين على تطوير نفسك
مافي رجل بمجتمعنا يعرف بنت ويضيع وقته معها بعدين يطلبها للزواج
صدقيني مافيييييييييييييييه وحتى لو حصل نصيب معاه راح يعيشك بشك وجحيم ليش تعرضين نفسك لهالشي؟؟
انسيهم كلهم واقطعي علاقتك فيهم
غيري رقمك وغيري اسلوب حياتك واشغلي وقتك وتفكيرك بأشياء اهم
وصدقيني بيجي اليوم اللي نصيبك يجيك فيه ويطلبك وانتي معززة مكرمة ويعيشك تاج على راسه
يعني قسمي يومك
اجلس مع امي وخواتي
اسأل عن ابوي
اروح لشغلي
واذا فضل وقت زيادة امارس الرياضة واعمل ماساكات واهتم بشعري وجسمي
اقرا كتب وروايات اثقف نفسي واحسن من اسلوب تعبيري
اوسع دائرة صداقاتي وابتسم رغم الصعاب
اتعلم شي جديد لغة كمبيوتر اي شي
لازم اكون مميزة خلي هذا شعارك اليومي
وبكذا بدل ماتكونين انسانة تدور على حنان عند واحد يمكن مايستاهلها
تصير هدف وامنية كثير من الناس
الله يوفقك حبيبتي ويفرج همنا وهمك يا رب


__________________________________________________ __________

اختي
الله يكون معك..
بس مايصيبكم إلا من أعمالكم
اختي اتجهي لله واحسني الظن به واستغفري وتوبي إليه من ذنوبك..انا ماأقولك سيري مطوعة بس اكثري من الحسنات ..وعلى صلاة الفجر في وقتها أختي..ان الذنوب تغلق على الإنسان أبواب الخير ..
ثانياُ.الدعاء ادعي ان الله يصلح حال ابوك وحالكم..والدعاء من اجمل العبادات لله..
ثالثاُ.ابتعدي عن العلاقات وتعرفي على بنات صالحات إذا حسيتي انك متضايقة تتصلين عليهم وتشكيلهم ..بينصحوك للخير اختي.
وأخيراً ادعوا من لله ان يصلح حالك وينولك كل اللي في بالك من خير


__________________________________________________ __________

اختي اول شي راح اعتب ليك وبتمنى ما تؤاخذيني
علشان علاقاتك والنتيجة انتي تشوفينها
يعني ما حيلتك لمشاكلكم بالبيت ما حيلتك كيف تنسين هذا الخائن..
وغلط انك تدخلين في غمار علاقات انت ياصلا ما تدرين وش نهايتها.. يعني سمحتي لنفسك انك تهدرين 3 سنوات كلها من عمرك وعلى الفاضي؟
اختي انا ما اقول اكبتي احاسيسك بس فيه شغلات ممكن تساعدين بيها نفسك وتطلعين الكبت اللي بداخلك
ان اما اقول ما تحبين والحب ماهو عيب بس الحب له قواعد يا الغالية وقواعده الدخول من الابواب
لا من النوافذ..!!
وعلى الوالد الله يهديه اختي من ليس لديه عقل يفعل اكثر من هيك والى مافيه خير لعياله ماله خير لناس
هو المُساءل عن كل ما يحدث يوم القيامة
هذا اذا كان ماخذ 2 وما يعدل بيناتهن فكيف ب4 نسوان؟ ويفضل الاخيرة على نسوانه؟
هو المحاسب على ذلك ولازم احد يدخل وينبهه على الاقل ينصحه ويسوي اللي عليه
ماراح اقول لك الاجنبية بس كل شيء من والدك يعني مو الرجال اللي تجي واحدة وتعوجه على بناته واولاده ونسوانه
لانه انا عندي اللي يسوي مع واحدة كده بيجيب الله اللي يسوي فيه نفس الشيء
وبكرة بيسأل عنها توقف معه يوم ما يظل معه شي بترميه اذا بس كل شي حكاية فلوس
وبيرجع اخرتها لاولاده بس نصيحة لا تعطونه فلوس اذا كنتم انتم بحاجة ماسة فليبش تعطونه؟ وهو متزوج خلاص يتكفل بزوجته يعني هو اب بالاسم وبس وصار عدمه مثل وجوده
وحقكم انتم عند الله بس الصبر اختي
وان شاء الله ربي راح يعوضكم على كل شيء
وفلوس ما اقول تمنعون عنه بس اذا انتم تدرون وين بيحطهم او بيصرف على مرته الرابعة
خلاص تزوجها يصرف عليها مو هو معها والمصروف عليكم انتم
وينها حقوق الزوج على الزوجات؟ ووين احنا من سورة النساء؟
وفينها حقوق الاباء على الابناء من مصاريف وتواجد ؟
الخ..
اقول لك اختي الوالد خلاص اختار حياته وما اقول انكم تتغيرون من جهته لاء ما انصح بكده هو راح يصحى مع ضميره بيوم من الايام وما راح يلاقي احد جمبه غيركم يوم ما يلاقي من وين يجيب فلوس يصرف بيهم على مرته الرابعة علشان انا حسيت من كلامك انه تزوج 3 حريم اوكي
بس ما تدهور الحال الا لما تزوج الرابعة وهي السبب في كل شيء بيصير معكم
فبقول انتي الحين تشتغلين ماشاء الله
زوجة اخوك لا تعيرينها اهتمام او اذا تحكي خلي تولي
اذا لك حكي مع اخواتك الخصوصيات لو اي شيء ما تحكون اذا تحسين كده ممكنتحكون مع بعض بمكان يكون احسن اذا تحسون زوجة اخوك تتجسس عليكم وديري ببالك كانك ما فتين شي ولا حسيتين شي يني عدمها ووجودها سواء بس سلام عليكم ولو اي شيء يستاهل ينحك يفيه وعامليها بالحسنى
امك حاولوا ما تتعبوها وما تزيدون عليها حمل واصبري اختي وصلي وادعي ربي يغير الحال للافضل
والله يرزقك من حيث لا تتسبين ويرزقك الزوج الصالح والولد الصالح
وحاولي تشغلين نفسك باشياء تعود عليك بالنفع كحفظ القران او اعمال خيرية
وربي ان شاء الله بيبعث لك رزقتك ولا تهدرين وقتك مع رجال يا ترى يكون نصيبك ياترى لاء
ولو صار راح يعيرك بطلعاتك معه بعدين حتى لو بريئة
لانه اسلوب الرجال هو مثل ما طلعتين معي طلعتي من قبل مع غيري
ومثل ما سويتين معي سويتي مع غيري
عزي نفسك اختي واحفظيها جزاك الله ورعاكِ ويسر امورك وابعد عنكم الشيطان والمشاكل


__________________________________________________ __________

الله يجزاكم خير ويوفقكم ويسعدكم
الله يحقق كل امنياتكــــــــ عاجلا غير اجل
الله يفرح قلبك ويتمم فرحته ,,,
الله لاحرمك من النظر لوجهه الكريم يوم لاظل الاظله
الله يدخلك...جنات النعيم
امييييييييين ......امييييييييين ......اميييييييييين
وجميع المسلمين انه على كل شي قدير
حياك يالغاليــــــــــــــــــــــه
احلى حل ومجرب بااذن اللــــــــــــــــــــــــــــــــــــــــه
((تمنين ذريه..زواج,,,نجاح...توبه...حياك ان شاء الله ماتندمين))


__________________________________________________ __________

الله يفرج همك يا رب

ويرزقك الزوج الصالح يا رب

ويهديكي اكثري من الاستغفار

وقيام الليل