عنوان الموضوع : ارجوكم أحتاج ارائكم -تم الاجابة
مقدم من طرف منتديات نساء الجزائر

ارجوكم أحتاج ارائكم



السلام عليكم ورحمه الله

اولا سيدات المنتدي الكرام انا مشكلتي تتلخص في حماتي

انا متزوجه منذ سنه والله حتى ماكملتها
المشكله ان حماتي لا يعجبها العجب اتأخرنا في الأتصال عليها اسبوع أو حتى يومين نفس الأسطوانه كل مره
أنتو مابتعبروني أنتو نسيتوني.... وهلم جرا

أنا يأخواتي في بلد عربي وهيه في بلدي مصر يعني المكالمه دوليه وياروح مابعدك روح أنا أعمل ايه ؟وجوزي من النوع اللي عمره ماحسس أهله بهمومه رغم أكتشافنا مؤخرا مصيبه كبيره تخص الأنجاب عنده ومع ذلك دايما يقول لأهله كل شيء تمام كل شيء فل!!

وياريت امه حاسه بيه ألا ولا أحنا في البال ولا على الخاطر حتى ولا ترن ولا عمرها اتصلت ولا هتتصل لأنها بخيله جدا جدا وأستغلاليه للأسف لأقصي درجه وانا شفت ده منها في أيام الزواج الأولي وأنا كنت دلوعه بيت أهلي والوحيده على صبيان وعمري ماشفت البخل ولا أعرفه أصلا غير في المسلسلات يمكن في ال !!t.v

وللأسف شقتي في نفس البيت بس انا الدور التاني وهيه تحتي

روحي طلعت منها وأنا للأسف لا انسي الأساءه وهذا الشيء منغص عليا عيشتي

زوجي طيب جدا وحنون جدا بس متعصب لأقصى درجه لجهه أخواته ,امه حتى لو هما غلطانين في حقي

أخته من يومين بعتت رساله له هو بس ولا مراتك عامله ايه ولا غيره!!هل غلطت أني قلتله اعمللي اعتبار عند اهلك وعند أختك؟؟ وأسأليه ليه ماسألتي عن زوجتي؟؟ ييييييييييييه أتعمللي فيلم علما أتعمل كده وبعت رساله لأخته

واليوم اللي طرشقلي دماغي وخلاني ألعنه والعن يوم ماقابلته على أهله بجد

تخيللو المكالمه على النت وكأنها صعبان عليها حماتي حسبي الله عليها أنها تنهي المكالمه بشكل عادي منغير أسطوانه ...نسيتوني واللذي منه


تخيللو؟؟ جوزي هو الأخ الكبير وكلمنا ابوه وامه وأخوه ولسه هانسأل على أخته الصغيره اللي ماهي صغيره وهتتجوز السنه دي وعندها 21 سنه
اصغر من زوجي ب8 سنوات

الا وحماتي مسكت السماعه أنت ماسألت عن أختك أنت مش بتسأل عن أختك أختك زعلانه وحالفه ماتكلمك ومش عارفه أيه

وجوزي يتحااااايل ويحلف بالأيمانات الغليظه أنه كان هيكلمها وعادي يعني فضل يتحايل ربع ساعه يتحايل على امه أنه تديله أخته تكلمه!!!

هو يتحايل بالمنظر المخزي ده!! وعلى أيه على أخته الصغيره اللي لما كلمته كلمته بكل هدوء وازيك وعامل ايه!!!

أنا فار الدم في نفوخي وأخدت منه سماعه النت وسمعت الست والدته وهيه عماله تديله حقن من نظام انت نسيتنا انت نيلتنا ورديت عليها ان ده عمره مايحصل مننا وانها ازاي تتكلم كده وتسمح للأخ الكبير أنه يتحايل بالشكل ده!!!ايه ولأيه يعني؟؟ حتى لو أخته خلاص تحايل مره وقال معلش نقوم ننتهي بأه وتدي السماعه لأخته

ولا أيه رأيكم؟بجد لأني أنا لو في موقف زي ده مع اخويا الكبير والله والله كمان مره أن امي ماهتسمح أخويا يتذللي كده هتروح مدياني بالقلم على وشي أني أزاي أتدلع كده دلع ماسخ!! قومي كلمي أخوكي والله ده اللي متأكده أنه كان هيحصل مع أمي

لكن أمه انا قعدت أتحاور معاها ساعه

وهو كمل ساعه كمان وفيييييييين علما أدت السماعه للسفيره عزيزه تكلمه

انا اتخانقت معاه بجد وحقيقي تعبانه ارجوكم ردو عليا بجدهل انا غلطانه
وهل اي واحده فيكم تقبل جوزها يقعد يتحايل تحايل الذل ده على اخته الصغيره عشان تكلمه
والمهم انها ولا كانت زعلانه ولانيله وانا عارفه ان كل ده فيلم عربي كده من الست والدته
رغم اني قلتلها اننا مش فايقيين ومفيش فلوس للمكالمات ولا لتجهيز نفسنا حتى بملابس مناسبه لأي حدث في مصر
اعمل ايه دلوني ايه احسن طريقه للتعامل مع انسانه بالشكل ده
ومع اخواته؟

>>>>> ردود الأعضـــــــــــــــــــاء على الموضوع <<<<<
==================================


هوني على نفسك حبيبتي الله يكون فعونك ويرزقك الصبر لاتعصبي حالك ماحد راح يفيدك غير صحتك لو خسرتيها ماينفعك حد
حبيتي بجد حسيت بمعاناتك واي وحدة ماتقدر تتحمل هيك انت تربيتي تربية منيحة بس مو كل العالم مثلك في ناس اندل من كده بكتييير اختي نفس الشيء مع حماتها بس بطنش المهم جوزها وولادها حاولي تصبري ان بعد العسر يسرى انشاء الله ربي راح يفرجها عليكي وما تشغل نفسك بيهم ادعي ربك واستغفريه
والله يعطيك الصبر الكافي ويبعد عنك كل هم


__________________________________________________ __________

انت حاولي كل ما يكلم والدته او اخواته ما تكوني جنبه
ولا تسمعي ايش بيقولوا له او يهينوه
هو يا اما متعود على كذا ومش هامه يا اما هم بيعملوا كدا علشان يقهروك انت وتتخانقي معه
فما يهمك منهم ولا تتخانقي معه بعد كل مكالمة معاهم
بالعكس خصوصا لما يكلمهم اساليه عنهم اذا ما كلمتيهمش وحاولي تهديه وتتكلمي معه بعد كل حوار معاهم
بكل حنية معاه هو طبعا اعملي دايما الاسلوب العكسي يعني ليلتها دلعيه اخر دلع وحننيه حتى هو بيكتشف
الفرق بينك وبينهم
ما انا زوجي لما اتزوجنا في السنين الاولى كانوا اهله بيعملوا معه كدا وحتى انهم يقولوا علي كلام وحش فلما اكون معاه فما اتخانق معه ابدا بالعكس اعامله كويس حتى فهم من نفسه مين ليحبو ويحب مصلحته
والحمد لله كسبت انا


__________________________________________________ __________

الصبر هو أقل شئ بتعمليه أنا كمان عايشة جزء من المشكلة ديه بس حنعمل أيه ما إلانا إلا الله والحمد لله على كل حال


__________________________________________________ __________

قال ا لرسول عليه الصلاه والسلام "من قال لاحول ولا قوة الابالله كانت له دواء من تسعة وتسعين داء أيسرها الهم"
وقال مكحول في صحيحي الترمذي "من قال لاحول ولاقوة الابالله ولامنجى من الله الا اليه كشف عنه سبعين بابا من الضر ادناهن الفقر"
تحسبي ربك وربك يعينك


__________________________________________________ __________

الله يعينك حبيبتي
حاولي طنشيهم ولا تزعلي نفسك واهم شي حبيبتي لا تزعلي زوجك وحاولي تكلمي معاه باسلوب هادي ومش بالخناق وان شاء الله بهديه .

اكثري من الاستغفار لانه يجلب الرزق والفرج .
اختك: قلب فلسطين .