عنوان الموضوع : انصحوني الله يعطيكم الصحة والعافية -لصحتك
مقدم من طرف منتديات نساء الجزائر

انصحوني الله يعطيكم الصحة والعافية



السلام عليكم

اللهم صل على محمد وآل محمد


بصراحة ماعرف وين ابتدي

بس خلاصة الموضوع اني احترت شلون اتعامل مع خطيبي



صار لي سنة مخطوبة

وكله عايشين بالمشاكل نطلع من مشكلة ندخل في مشكلة ثانية

ومشكلتنا انه احنا اثنينه عصبيين وايد لكن اهو اكثر عصبية
الى درجة انه ما يتقبل كلام مني

حتى على اتفه شي يزعل و كل يعاملني باسلوب التهديد

على اقل مشكلة قال بطلقج او بوديج بيت اهلج و انا ما ابيج
ومن هذا الكلام

حتى انه يقاطعني باالاسبوع او الاكثر

ولا يتصل لي و اذا اتصل فيه ما يرد علي

ومشاكلنا دايما يقوله حق ابوه وابوي

وانه بصراحة اكره هذا شي

و دايما يعقد الامور حتى لو كانت بسيطة

بصراحة انه وايد اذل روحي له حتى لو كان اهو الغلطان انه اروح اتسامح منه و اقعد اراضيه

و وايد اسكت عن اهانته لي

و احنا اللحين مشرفين على زواج

ما باقي وايد و نتزوج
و المشكلة ان
اخر مكالمة صارت بيني وبينه

صارت فيها مناقشات حادة

وانتهت هذي المناقشات بالزعل

طبعا من طرف خطيبي بحجة اني رفعت صوتي

عليه مع انه احسه وايد مكبر الموضوع

مع اني ما حسيت روحي اني رفعت صوتي عليه

بس لان كان كلامه يضايقني فقلت ان هذا يضايقني

و صارت المشكلة

والحين هو مقرر انه ينهي كل شي اللي بيني وبينه

يعني يبي يطلقني

بصراحة هو رافض يكلمني

طرشت له مسج اعتذرت له فيه

لكن ما جاب نتيجة

والحين مادري شسووي


مادري انصحوني بشي

اخلي المياه ترجع الى مجاريها

واخلي الامور طبيعية


على فكرة اهو يحبني بس وايد يتبع اهله

>>>>> ردود الأعضـــــــــــــــــــاء على الموضوع <<<<<
==================================


الله يعينك حبيبتي

وبعدين انتم مخطوبين بس
ولا مملكين

إذا مخطوبين المفروض والشرع ما تشوفو بعض ولا تجلسو مع بعض

وانا بنصحك انك تستغفري ورررررررررررررررررراح تنفرج صدقيني وادعي

الله ييسر اموركم ويسهلها
إذا هاذي البدايه صعبه جدا بس استغفري وبتنفرج ان شاء الله

الله يوفقكم ويهديه امين يارب


انتي اكثري من الدعاء والاستغفار

تقبلي مروري


__________________________________________________ __________

الله يعين ...


__________________________________________________ __________

لا احنا مملكين


__________________________________________________ __________

خليه كدا وما تصالحيه واذا كان حبه حقيقي بالفعل رح يرجع بنفسه ويصالحك وادا قال الطلاق الحمد لله جات على بر خير من متزوجين بالدخلة وتطلقو لا سمح الله
ويا اختي(اسمحيلي بلكلمة هادي) انا بشوف انك انت غلطانة عودتيه على الطبع هادا من الاول
وربي يصلح الحال ويوفقك للخير ان شاء الله
ونسيت قلك يا اختي صلي صلاة الاستخارة وبإذن الله ما يصير الا خير ان شاء الله


__________________________________________________ __________

الجواب باين من سؤاله !! ..

حبيبتي ..

إذا كان هذا يحدث قبل الزواج أو الدخول ..

فماذا بعده ؟! ..

ربنا يستر عليكي ولا تتحول طرطشة الكلام منه بعد الزواج لاحقا ..

>> إلي أفعال باليد والقدم ..

وربما بإستخدامه لقطعة خشبية أو أداة حديدية ؛ لزجرك وتأديبك وعقابك علي سفاسف أو توافه الأمور !! .

فمثله هكذا ومن أول سطر في القصة ؛ لا تحمد عقباه .

إنفصلي عنه أحسن وأفضل لكي ولمستقبلك "أولادك منه" .

فالبدايات لا تبشر أبدا بالخير .

والسلام عليكي وعليكن ورحمة الله وبركاته .