عنوان الموضوع : عندي التهاب في المراره وخايفه ساعدوني حبيباتي .. -تم الرد
مقدم من طرف منتديات نساء الجزائر

عندي التهاب في المراره وخايفه ساعدوني حبيباتي ..



بسم الله الرحمن الرحيم

السلام عليكم ورحمه الله وبركاته

أتمنى الجميع بصحه وعافيه

خواتى أنا عندي التهاب فى المراره

وألم شديد في اعلى بطني الايمن وظهري
وقالت لي الدكتوره انو بداية التهاب مراره ولازم أصوم عن الاكل واكثر سوائل


حبيت أسآل ماهو الاكل المسموح في هالحاله واي السوائل المسموحه لي أخذها وماتزيد علي التهاب المراره وشو الاشياء الممنوع علي من الاكل وغيره

الله يخليكم ردو علي ولا طنشونى
وادعولى دعوه من قلوبكم

انتظركم يالغوالي وربي لايوري ولاوحده فيكم مكروه ياارب

>>>>> ردود الأعضـــــــــــــــــــاء على الموضوع <<<<<
==================================


معقوله مافي ولا وحده منكم تعرف !!!


__________________________________________________ __________

الله يشفكى اختى الاكل المسسوح فيه اى شى مافيه دهون او زيوت والسوائل ابتعدى عن القهوه حاولى ماتكثرين منها والانناس يزيد من المراراه والبرد مره يعور فى المراره
واذا تبين دكتور شاطر روحى لمحمد العنزى فى النسيم صح العياده لكى عليها لكن دكتور رائع جدا بس لازم حجز
لاباس طهور ان شاء الله


__________________________________________________ __________

ربي يجزيك الجنه اختي ام عبوره ولايوريك مكروه يارب

يعطيك العافيه ماقصرتي وبكرا موعدي مع الاستشاري وان شاءالله خير
والاكل مثل ماقلتي ابتعدت عن كل شي دسم وفي زيوت والحمدالله ارتحت كثير الحين
ربي يسعدك يالغلااا شاكره لك هالنصيحه ..


__________________________________________________ __________

اهلين اختي ماشوفين شر انا فيني حصا بالمراره واكتشفها العنزي
وان شاءالله بسوي العمليه واشيلها لانها حيل متعبتني///بس انا حامل هالحين
اهم شي الزيوت ابتعدي عنها...
وان شاء مايكون حصا بلمراره عندك بس التهاب؟؟؟؟؟؟؟


__________________________________________________ __________

ان شاءالله يارب
بكرا موعدي دعواتكم ربي يبعدكم عن كل مكروه
وحمستوني اخذ موعد عند الدكتور العنزي أطمن أكثر
والله يشافيك اختي أم جنااا ولاتشوفين مكروه وتقومين بالسلامه ياارب
الله يكون بعونك يالغلااا