نداء لدكتوره الطب البديل او الخبيرات للطب البديل
عنوان الموضوع : نداء لدكتوره الطب البديل او الخبيرات للطب البديل
مقدم من طرف منتديات نساء الجزائر
نداء لدكتوره الطب البديل او الخبيرات
السلام علييكم ورحمه الله وبركاته
نداء للدكتوره اوو البنات اللي عندهم خبره
بصراحه انا قلقانه من مرحله النفاس ع انه لسئ ف الشهر الخامس بس تعرفون رهبه الوضع الجديد اول حملاوول ولاده
اوول نفاس
عشان كذا شايله هم شكلي وجسمي بعد الولاده ابي برنامج نفاس كااامل اعشاب اكلات كل شئ لقيت اعلانات حرييم يبيعون شنط نفاس بساخاف من اعشابهم لاتكون مضره وكريماتهم يمكن مسرطنه
عشان كذا ابي فزعتكم يابنات سيدتي ماراح انساكم م دعواتي
تقبلوو موضووعي وارجو التفاعل
>>>>> ردود الأعضـــــــــــــــــــاء على الموضوع <<<<<
==================================
إن شاء الله المجربات يفيدونك
__________________________________________________ __________
مشكووره اختي -نور القران-
الله يسمع منك ونلقئ تفاعل مع الموضووع مشاهدات 35ولااحد رد وحط مشاركه
افا افا ماتوقعت كذا من بنات سيدتي
عالعموم مشكوره ع مرورك
__________________________________________________ __________
أنا من رأيي إنك تروحي لقسم الحمل الولادة
أكيد راح تلاقي تفاعل ومجربات كثيير
__________________________________________________ __________
السلام عليكم ورحمة الله وبركاته غاليتي لا تزعلي ومنتدى سيدتي دائما في الخدمةالمشكلة إنك نزّلتي موضوعك في القسم الغير مناسب كان لازم تنزّليه في قسم الحمل و الولادة هناك العضوات الأكثر خبرة في موضوع النفاسولكني لا اقدر على زعلك وسأضع بين يديكي كل ما يهمك في فترة النفاس:اللهوم : مقوي عام للنفساء , يشد الظهر ,مطمث , مدر للحليب ...
- الحسو : يقوم بتدفئة الرحم لطرد الهواء الذي قد يكون قد ذخل الى الرحم خلال الولادة او غيرها ...كما انه مفيد لتمييع الدم و بالتالي يسهل خروجه دون مغص او غيره ...
شاي اعشاب : منظف فعال للرحم , يشد الاربطة الذاخلية للرحم بالاضافة الى البطانة ..., يعمل على شد عضلات المهبل , فعال لتفادي اندلاق البطن من بعد الولادة ...
السفوف : مفعول مضاعف لتنظيف الرحم
أولا: طريقة دوا اللهوم :
المقادير تاخذينها من الحواى
وبعدين تطحنينهم مع بعض وتحطينهم ببرطمان او اي شي عندج:
نصف كوب كمون -
نصف ك حبة حلوه - نصف ك كزبر -
فنجال كركم - 6 حبات دارسين -
فنجال حبة سوداء - سكر نبات كيس او نصف كيس
شوى حلبه - وشوى رشاد
وتلهمينهم اخر عشرين يوم لانة ينظف النفاس والي عليها الدورة هم مفيد لها
طريقة ثانية
نجي للخلطه وهي طريقته
كاس ماش -نص كاس شمر -نص كاس حلبه -ربع كاس حبه سودا -ربع كاس كمون -ربع كاس فلفل ابيض -ربع كاسفلفل اسود -ربع كاس سكر نبات
تخلطينها وتطحنينها وتحطين ملعقه من الخلطه في كاس حليب دافئ وتشربينها على الريق وبنات ترى الفلفل الابيض هو اساس الموضوع وهو الزين فيه كله حتى الاندنوسيات هذا سرهم في تضييق والتنشيف والحركات اللي عارفينها هذا اللي مزينهم
وسكر النبات علشان يزين لك طعم الخليط ويصير حالي
وهذا لهوم النفاس والدوره اللي اكثر التاجرات يبيعونه للحريم
اما عن السفوف:
مفيد لاول عشرين يوم
كوب حلبه+ نصف كوب حبة سوداء + مقدار فنجال حبة حلوة+م.ك قرنفل
تاخذن 2م ك وتلهمينه مع حليب
من فوائده
اهمها انه يزول الامساك (الله يكرمكم) المعروف انه يجي النفاس
بالاضافه لتنضيف الرحم0
طريقة عمل الحسو:::
المقادير:-
4ملعقه كبيرة طحين اسمر
1/2كوب رشاد منقوع
1فنجان زيت او سمن بلد
1/2كوب سكر
1/4ملعقه فلفل اسود بودرة
1/4ملعقه هيل
رشه حلبه حب
1/2ملعقه قرفه
1/2ملعقه كركم
1/4كمون +كزبرة
4- 5 كوب ماء
الطريقه:-
يوضع الرشاد المنقوع في أناء ويضاف عليه 3أكواب ماء ويترك يغلي على النارالى ان تنضج حب الرشادويضاف عليه السكر.
ينخل الطحين للتخلص من النخاله أن وجدت.
يسخن السمن ويضاف الطحين عليه ويقلب حتى يبدأ البخار يخرج منه.
تضاف البهارات ويحرك جميعا ثم يضاف الرشاد
مع الماء .
إذاكان الخليط ثقيلا يمكن إضافه قليل من الماء حتى يصبح مزيجا سائلا وخاثر في نفس الوقت .
للتزيين:-
تخفق بيضتان مع قليل من الملح والفلفل الاسود وتقلى في مقلاه بها زيت قليل ويحرك البيض حتى يتفتت ويضاف على الحسو اثناء التقديم.
المردوود::
كاس حبه سوداء – وكاس حبة حلوه – كاس يانسون - ثلاث او اربع اعواد الليه مدقوقه بالنجر -نصف كاسة شاي فلفل اسود او اقل للي معهم قالون - ثلاث ارباع كاسة الشاي قرنفل –ملعقتين خوا جوا – كاس ونصف دارسين مدقوق
اخلطي هذه المقادير مع بعض ثمن اطحني وانخلي بالمنخل واللي يبقى بعد النخل لما تخلصي كل الكميه ارجعي واخلطي وانخلي مره ثانيه واخلطيه ثمن اضيفي عليه
كاس رشاد وملعقة وسط رزنه واخلطيه مضبوط اهم شي الرشاد ما ينطحن مع الخليط
ـ يؤخذ المردود مرتين باليوم طوال فترة الدورة الشهرية أو طوال فترة النفاس..ملعقة كبيرة مع كأس حليب
الطبيخه ::
والله يابنات وش ما اقول عن هالطيبخه من مدح اعتبره قليل رووووعه وهذي مقاديرها وخلي مقاسك كوب الحليب
كوب دارسين مدقوق ومهشر- كوب حبه حلوه – كوب يانسون – كوب قشر قهوه مدقوق – ملعقه صغيرة زنجبيل مطحون - كسرة جاثه مدقوقه- ثلاث اعواد الليه مدقوقين بالنجر كوب رشاد – كوب حبه سوداء – ملعقه كبيره فلفل اسود مجروش – اخلطيهم مع بعض وحطي عليهم رشي بيدك نعناع مجفف انا احط نعناع حايل واذا مو عندك نعناع حايل حطي مغربي بس مجفف – ورشة زعفران – وميرميه وزعًتر واذا عندك بابونج حطي رشه واخلطيه مع بعض وشوفي
هذي روعه في النفاس اشربيها من ثالث يوم لين تكملي شهر او 25يوم وفي الدوره الثلاث ايام الاولى
شاي الاعشاب::
شاي الأعشاب..يتم تناوله في فترة الصباح والعصرويتكون من(ميرميه+ أعواد شيح+ كمون+حبه سوداء+قيصوم+قشرقهوه+نونخه+د ارسين+يانسون اخلطيها بكميات متساوية أو ما يتوفر منها عندك..).
تمرة الاعشاب:
2كاس تمر منزوع النوى
نص بيالة مويه
ملعقتين سمن أو زبده
2 ملعقة رشاد
نخلطهم مع بعض ثم نضيف::
ملعقة كموون حب + ملعقة شمر " حبه حلووه مطحونين مع بعض
فلفل اسود انتي تتحكمين بكميته +نص ملعقة زنجبيل مطحون
وهذي طريقة قشر القهوه للتضييق
وهي قشر قهوه - كمون -نانخه -زعتر بري -كلها عند العطارييين
اخلطوه واطحنوها او لاتطحنوها براحتكم اول شي قشر القهوه حلو للتنحيف خاصتن الكرشه وهالخلطه حلوه للتنظيف الارحام وحلوه للتضيييييييييييييق والخلطه هذي موجوده بكتاب اسرار الحريم وذكرها جابر القحطاني ومدحه والتاجرات اكثرهم يبيعونها واستخدامها وقت الدوره والنفاس وماله وقت معين يعين كم يوم تستخدميه يعني سويها وحطيها لك بترمس وتقهوي منها مثل القهوه العاديه ولاتنسون تحطون بالتمر الخلاص شوي رشاد وزبده او سمن غنم وقت الدوره والنفاس وبتشوفون وشلون راح تخلون عن عملية التضييق وبعد لحم جسمك بيصير مشدود مو مترهل
والخلطتين كلها تنفع للمتزوجات وللبنات
تعدل الافرازات اللي عندك وتنشفك وتخليك تحسي بنظافه وتنظفك صححححححححح
__________________________________________________ __________
قهوة القشر للنفااس والدورة
قشر القهوه تحصليه بالمحامص القهوه حطي منه على ماء مغلي واهو يغلي حطي قرفه وسنوت وشوي زنجبيل وخليه عشر دقائق لا تخليه يغلي كثير اكثر من ربع ساعه وتحلى بالعسل لفوائدة
ويقول جابر القحطاني عنها:
يمدح فيها ويقول انه مافيه شي ينظف الرحم ومفيد للنفاس
خاصة مثل قشر القهوه لأنه فعال في تنظيف الرحم
طريقة ثانية::
((((قشر القهوة ممتاز جدا للكرشة طريقتها عندنا بالنفاس نسوي قهوة نسميها قهوة الوالدة وتشربها النفاس طول الاربعين .........مكوناتها....
((قشر - شوية زنجبيل مطحون - عناب ((وإذا ما في ممكن تضعي بداله تمر)) - سكر نبات - قرفة أختياري - شوية شمار - يانسون - و برير مدري هذاا بتلاقية ولا لا لانة في وحدة قالت انها دورت عنة ومالقتة والطريقة ((تغلين المكونات كلها مع بعض لين تصير لونها احمر غامق او بني غامق وتشربين منها بعد ماتصفيها بالمشن
وتقدري تشربين منها ايام الدورة بتنزل الدورة وتصفي البطن وبتحسي كرشتك خفيفة وطعمهااااا لذيذ مافية اي مرارة ولا اي طعم غريب جربيها وراح تدمني عليها ......
قائمة الممنوعات من الاكل والحركات :
بشكل مبسط ....يمنع الجوع منعا باتا وهذا متعارف عليه لدى الكل
ممنوع الاكلات اللزجه ملوخيه وباميه البصل والشمام والبطيخ وبعضهم يمنعون الباذنجان والجريش لانهم يسببون غازات
عدم شرب الماء بكثره ......هذي ماني متأكده منها ناس وناس على حسب الجسم
ممنوع المشروبات الغازيه والسكريات ولا تكثرين من الحلو عشان السكر وزيادة الوزن ويجيب الخمول للجسم
ممنوع الحركه العنيفه وحمل الثقيل وصعود الدرج بكثره
ممنوع المشي حافيه وخاصه على السيراميك ....والتعرض لتيارات الهواء والبرد
ممنوع التنقع بكثره وان حصل فلا يزيد عن عشر دقائق
العطس والكح ....بس هذا مالنا يد فيه خخخخخخخ
ممنوع البخور بكل انواعه بالنفاس من تعطر وغيره
الجلوس بهدوء ورويه بدون عجله ويفضل وضع المخدات خلف الظهر وتحت الركب
نظام الاكل :
الفطور ....( من 7 الى 10 )
على الر يق ....تمره مع رشاد تؤخذ مع أي شي حار ...قهوة نفاس او حليب دافي
بعد ساعه .....حلبه باي طريقه تعجبك ....وهي تؤخذ بالعشر الايام الاولى فقط
بعدين الفطور اللي يعجبك::
مصابيب مع عسل
عصيده او محلى او حنيني او فريك
خبز بر مع عسل وبانكيك بر وحلاوه طحينيه لانها تدر الحليب بس لاتكثرين عشان السمنه
الظهريه ......
تشربين شاي اعشاب اللي يعجبك ( كمون – قرفه – يانسون – شمر – زنجبيل .........الخ )وممكن تخلطينهم لو حبيتي ..............تجنبي
الميراميه لانها تنشف الحليب
اللهوم ....او السفوف :
يابنات اهم شي باللهوم انه يؤخذ مع شي دافي قهوه او حليب دافئ .....لانه اذا كان بارد يلصق بالفم وجدارالمعده وما يصير له اي
فايده .....خاصة الرشاد
اللهومات كل وحده وطريقتها بس هي تؤخذ في الصباح والمساء
فيه نصيحه لكم ياحلوين ....اذا تأثر الطفل باللهوم اقطعيه فورا ......يعني مثلا يسبب له مغص او استفراغ او سهر وعدم نوم
الغداء......
مرقة اللحم ....مهمة جداا ترم العظم وتقوي الظهر وتدر الحليب ....يخلط معها شوي لهوم او حلب
ممكن مطازيز او مرقوق او قرصان
صحن سلطه خضرا
ممكن مرقة لحم او دجاج مع خضار منوعه من كوسه وجزر وبطاطس وبازلاء يعني مرق بس بدون
طماطم....ترشين عليه ماش مطحون او تطبخين معه شوية حلبه وتاكلينه مع خبز بر....او شوية رز للي يموتون بالرز وما يستغنون عنه خخخخخخخخ....لاتطالعون فيني انا ما احب الرز
بس ابتعدي عن الممنوعات
العصريه والمغربيه :
اشربي شاي الاعشاب
اشربي عصيرات بس لاتكون بارده
اكلي فاكهه بس لا تقربين المحظورات
ممكن قهوة قشر او قرنفل مع تمر ..................حطي مع القهوه اول فنجان مره بس لاتكثرين
العشاء :
مثل الفطور ......او اذا حابه شوربه من أي نوع مع سلطه وكاس حليب منزوع الدسم
ممكن دجاج مشوي مع الشوربه .....وحطي مع الشوربه ملعقه صغيره لهوم حق الشوربه ,, لحم مشوي ,,, مرقوق او قبوط ...
ممكن حنيني او فريك .....اللي تشتهيه نفسك
يتبع
رد مع اقتباس
