عنوان الموضوع : حريم الرياض فديتكم ادخلو اقرو مشكلتي واعطوني حلول الله يجزاكم خير ويوفقكم
مقدم من طرف منتديات نساء الجزائر

حريم الرياض فديتكم ادخلو اقرو مشكلتي واعطوني حلول الله يجزاكم خير ويوفقكم



السلام عليكم ورحمة الله وبركاته

خواتي وحبيباتي فديتكم

انا عندي مشكله اكياس على المبايض وكمان تشحم على المبايض
والي زاد علي الدورة صارت ماتجيني وجبت ممرخه مرختني ونزلت الدورة علي الشهر الي راح ولكنها قالت لي رحمك مقلوب ومرختني ثلاث ايام وراجعت كذا دكتوره كل وحده تقول لي كلام مختلف وبعدين بعد مانزلت الدورة رحت للدكتوره قالت خفت الاكياس ولكن عندك مشكلة تشحم فوق المبايض وهذي في مستشفى حكومي والمشكله مواعيدهم فين وفين كل 7 شهور ولا 8 شهور تعبت خلاص
تكفوون ابي وحده تدلني على دكتورة ممتازه وجربتها بنفسها وكانت عندها مشاكل مثل الي عندي وحملت بعدها
والشي الثاني ابي تدلوني على ممرخه ممتازه في الرياض تكفون تعبت كثير اللحين الدورة مانزلت علي المفروض تجيني من تاريخ 25 رمضان للحين ماجاتني وصدري يعورني ونفسيتي سيئه جدا وصرت عصبيه وماعاد لي رغبه في زوجي صرت اتجنبه ومابي ازعله ولكن الرجاجيل مايعرفون وش تمر فيه الحرمه مو كلن يقدر خاصه الي مالهم خبره في امور الحريم تكفوون طلبتكم لاتطنشوني والي ماعندها فكره يكفيني قرت مشكلتي وتدعيلي بظهر الغيب ابي الي يردون يعرفون ومرو مثل مامريت فيه

وازيدكم الدكتوره تقول خففي وزنك المشكله انا نحيفه وش انحف اكثر من كذا ممكن اختفي
حتى اكلي صار سيئ جدا بس ابي انام ماعاد لي خلق بيتي اهملته ونفسيتي صارت دمار

الله يسعدكم ويوفقكم تكفون الي تعرف ولها خلفيه ترد علي



_________________________


خواتي حبيباتي كانت هذي مشكلتي وابشركم انا حامل ماشاء الله تبارك الله والفضل لله ثم لممرخه فلبينيه كانت تشتغل ممرضة نساء وولادة بعد مامرختني ونزلت دورتي نزل السدد وعدلت رحمي سبحان الله واللحين جاني الآم وعوار وكتمه وضيق في التنفس ويوم حللت قالو حامل يارب لك الحمد والشكر والي في الرياض ومحتاجتها او برى الرياض وبتزور الرياض وتبي رقم هالفلبينيه ترسل لي ع الخاص وارسل لها رقمها لانها في الرياض فديتكم وحتى لو كانت الي محتاجة لهالفلبينيه برى الرياض مايمنع تجي الرياض يومين ثلاثه تمرخ وترجع وتتوكل على الله وان شاء الله ربي يرزق كل محرومه وتكفووون ادعولي ربي يتمم علي عافيتي وحملي وافرح وافرح زوجي لانه كبير سن وماتزوج قبل كذا ولا له عيال ادعولي ان الله يسهل علي ولادتي اذا جاء وقتها وان الله يتمم علي حملي بخير ربي يوفقكم ويسعدكم ويسمح امركم ويرزقكم قبضه من نعيمه يارب العالمين

>>>>> ردود الأعضـــــــــــــــــــاء على الموضوع <<<<<
==================================


يااقلبي عليكي والله مااحبيت اطلع واارد عليك
اولا ياااقلبي خلي اعتمادك على الله اطلبي الشفاء من الله ..
شوووفي اول سبب للعلاج النفسيه لازم تعدلي نفسيتك وتقوولي الحمد لله على كل حال
وثانيا اكلك اعتمدي على الاكل الصحي مثل السمك اكثري من عصير العنب الطازج
وكمان اشربي بردقووش البردقووش ينظم كل شي عند المراءه
وبعدين انا انصحك بدكتوره بمستشفى العلم دكتوره بكستانيه اسمها ايرام ممتاااااااازه
امااا الممرخات والله ماااعرررررررف
اتمنى لك الششفاء العاجل وان شاء الله ربي يرزقك الذريه الصالحه يااااااارب


__________________________________________________ __________

لاتعبي نفسك بالتفكير
خلي املك بالله كبير
واسجدي لله سبحانه وادعيه والحي في دعائك لك واكثري من الاستغفار
وانشاء الله ربي يرزقك بتوام
وانشاء الله بنات السعودية يفيدونك


__________________________________________________ __________

الله يجزاكم خير فديتكم وياحبيباتي علاقتي بربي ان شاء الله اني اسوي الي يرضي ربي عني
ولكن بعد الانسان يعمل بالاسباب
ياقلبي البردقوش قالو لي عليه بس المشكله عندي الرحم مقلوب يعني لو شربت بردقوش راح يزيد الطين بله
اختي وين مستشفى العلم هذا وينه فيه بالضبط فديتك خليني اروح لها اشوف الله يسعدك


__________________________________________________ __________

والله يااقلبي ماعرف اوصف لاكن دقي على 905 سنترال وخذي رقمهم ودقي وهم يعلمووكي الوصف


__________________________________________________ __________

ربي يشفيك ويكتبلك الذرية الصالحة انا وانتي وجميع الاخوات يارب العالمين