عنوان الموضوع : تكفون يابنات لو إي وحده تفسر حالتي
مقدم من طرف منتديات نساء الجزائر

تكفون يابنات لو إي وحده تفسر حالتي



السلام عليكم
كيفكم بنات ياريت لو تساعدوني في مشكلتي
أنا قبل 6 شهور جاني ألم في الرحم ورحت عند الدكتورة قالت لازم أسويلك سونار عشان نعرف وش عندك طبعا الدكتور حق السونار خوفني قال يمكن عندك ورم ليفي عاد أنا أول ما سمعت ورم خفت وأسبوع كامل وأنا بس أبكي وخايفة وطبعا حسيت إني خلاص بموت وبعد أسبوع طلعت النتيجة طلع عندي إلتهابات متجمعه في الحوض طبعا صرفة لي أدوية كثيرة وكلها قوية وأنا نفسيا إستقريت شوي قلت الحمدلله إنو إلتهاب مو ورم وأخذت الأدوية وكاانت مره قوية وراجعت عندها بعد شهر قالتلي خلاص إنتي خفيتي والحمدلله وتركت الأدوية وبعد شهرين تقريبا رجع لي الألم والدكتورة كانت مسافرة راجعت عند دكتورة تانية قالتلي لسى الكيس موجود طبعا مجموعة إلتهابات في الحوض على هيئة كيس والدكتورة هاذي جزاها الله خيرا حولتني عند دكتور والدكتور خوفني بزيااادة أولا أنا ماكنت أبغا لأنه دكتور بس مع الألم دخلت عنده وأنا كلي حرص إنو ما يكشف علي وهو قلي إنو اممرضة إللي حتكشف عليكي إرتحت ولما بين في الأشعة إنو في شي قام الدكتور فحصني من وقتها وأنا تعباانه نفسيا كيف رجال يلمسني والله يابنات خوفوني كثيير بعده قلت لزوجي مستحيل أروح عند دكتور رجال لو شو ما صاار طبعا زوجي إتفاجأ تماما من الدكتور لما كشف عليا بس الدكتو خوف زوجي وما أعطانا فرصة المهم رجعت الدكتورة بعدىيومين طبعا جلست أتألم في اليومين هذي كأنها سكاكين في بطني ورحت عندها وكشفت عليا وقالت صح الكيس موجود وأعطتني أدوية لمدة شهرين وأبشركم الحمد لله الآلام خفت بشكل كبير بس مشكلتي بدأت بعده إللي**إبغاكم تساعدوني فيه بعد العلاج صار عندي زي الوسواس مررره وصرت أخاااف كثييير وتنمل في الرأس والركبة وكل ما حسيت بألم أقول في نفسي أكيد عندي مرض خطير من شهر تقريبا أحس بألم في الجانب الأيسر من جسمي يمسكني من الراس إلا أصباع الرجل وخفقان في القلب وإكتئاب وقلق وشعور بالإختناق في الحلق وضيق في التنفس وتساقط الشعر مووو طبيعي أنا عندي نقص فيتامين دال من زمان كان عندي 4 بس أبدا ما حسيت بالأعراض من قبل وأخذت حبوب دال زمان بس ما كملت الكورس ما أدري وش أسوي تكفون ساعدوني أحس عقلي تعب من التفكير إللي حوليا تعبوا يقولولي إنت نفسية روحي راجعي دكتور نفسي بس توسوسي إنو عندك وعندك
بس والللله يابنات أنا أحس بالآلام ما أكذب
تكفووون ساعدوني وبعضهم يقولولي إنو عندي مشكلة في الغدد
طولت عليكم سامحوني وأنتظر منكم الرد ياحبايبي

>>>>> ردود الأعضـــــــــــــــــــاء على الموضوع <<<<<
==================================


بالتوفيق عزيزتي


__________________________________________________ __________

بالتوفيق


__________________________________________________ __________

اختي
انامجربه الالم الكيس في الجهه اليسري من الرحم
الالم مررا قوي خاصه قبل الدورة باسبوع
استمري ع علاج الدكتوره بيكون ع مراحل ع حسب نوع الكيس وكبر حجمه
اشربي مويه كثير وقت الدورة
للمعلوميه حتي الالتهابات لها الالم في الرحم


__________________________________________________ __________

لاتفكرين كثير

(خفقان في القلب وإكتئاب وقلق وشعور بالإختناق في الحلق وضيق في التنفس وتساقط الشعر ....هذا كلها اعراض نقص فتيامين دال


__________________________________________________ __________

جزاكم الله خيرا
نونه الذوق قدامك العافية ياروحي كلامك ريح قلبي
دعواتكم