عنوان الموضوع : مغامرات حامل (ج2) هلموا يا بنات
مقدم من طرف منتديات نساء الجزائر

مغامرات حامل (ج2) هلموا يا بنات



سلامي حبيباتي نظرا على الاقبال الشديد لمغامرات حامل ج1 تم إدراج الجزء الثاني خخخخخخ

كان يوم سبت وعرفت اني حامل ولاننا شعب شكاك (يا زوجة ههه) كلما يدخل دكتور اقول له ورجيني التحليل وهو مطنش ههههه لحتى بعد يومين استطعت المشي بصعوبة وقراءة مصنف اوراق الدخول ...طبعا بهي الفترة يا بنات الحالة عم تزداد سوء كاثر فاكثر ...

اما التشخيص واللي صار معي عبارة عن : مو أني كان معي مبيض متعدد الكييسات وما كنت اعرف ... ونتيجة اخذ جرعة كبيرة جدا من التحريض صار شي اسمو (فرط استثارة مبيضية) وهي ان المبايض بعد ما تتم الزراعة تضل تكبر وجريبات الاباضة تضل تنتج بويضات ما توقف و مما يؤدي لانسحاب السوائل من الدم واعضاء الجسم وتمركزها ب البطن ...
هذا اللي خلا بطني كبيييير كثير وكاني بالشهر التاسع


اي والله يا بنات تخيلوا وحدة بالشهر التاسع وحامل باربعة مو واحد كمان ههههه هيك كان شكلي
حتى في ناس قالو شكلك كأنك بالشهر العاشر او 11 للحمل هههههههه
هون صار يزيد الالم و الوجع بشكل لا يحتمل و بطني حجر ورح يتفجر وما اقدر اكل اي شب حتى لو حبة عنب ...قديش صغيرة

نوم ما كنت نام لان اي ضغط ع بطني او اي حركة اتألم ,,, وكنت اذا بدي اقلب ع جهة ثانية او بدي اتحرك لازم حدا يقومني و يحمل كل ثقلي اما انا ما فيي من الألم ..

وجعها مثل انفجارات عم تصير بالبطن ومؤلمة جدا ...

ياما كنت اصبر حالي واقوم امشي و اختفي اخر الممر واقعد وحدي ابكي من الالم و بايدي سيرومات ...
علاج هي الحالة الوقت يعني لا زم انتظر فترة طويلة اضافة لدوا عبارة عن بروتينات يأخذ بالوريد



وانا ما ضل عندي وريد شغال هههههه كلهن تسكروا او بالمصطلح الطبي ( انخزع) يعني ما عاد يزبط بصير يجمع الدوا وما يسري للجسم وكان عندي كل 12 ساعة فتح سيروم جديد ...

وكان كل ممرض يجي يجرب يفتح وريد ويفشل بعد ما يدخلوا الابرة مرتين او ثلاثة بإيدي ينادي واحد ثاني يجرب بلكي تزبط معه صرت حقل تجارب اني هههههههه

مرة اجت ممرضة بعد محاولتين ما زبط قلتلها مشان الله بكفي خلي حدا ثاني يجرب وجعتيني ... نادت رفيقتها كمان نفس الشي ... بعدين قلتلهم بطلت اخذ دوا . اذا بشرب مي بطلع مني مثل توم وجيري هههههه
اخر شي قرروا ينادوا فني تخدير اسمو ابراهيم ... قلت يلا ابراهيم ابراهيم المهم اخلص ويزبط السيروم ...ههههه
اجا ابراهيم الله يجزيه الخير وماشالله عليه ايديه خفيففة دقني ابرة السيروم ومن اول مرة زبطت .....

ثاني يوم صار نفس المشكلة الغلط فيني جسمي الاوردة صغيرة ودقيقة ...
المهم دوروا دوروا ما لقوا وريد زابط ... وما بيعرفوا يدوروا بدون ما يدقوا الابرة ويشوفوا في دم ولا لا وأني تطلع روحي من وجع
بعدين قلتلهم جيبولي ابرااااااهيم

دوروا عأبراهيم ... وابراهيم معطل ... ولكم ليش معطل .. قال انقصفت دارو و الزلمة ما قدر ييجي ... طيب طمنونا بعدو عايش ... اي الحمد لله ...
ومنييين بدنا نجيب ابراهيم ثاني ...ههههه قلتلهم جيبوي كل فنيين التخدير ...(هدول بكونوا اشطر من ممرضات) ولكم ايدي التنتين ما ضل فيهن مطرح الا وفي وخز ابر ههههههه

ومرة ما لقوا بايدي صاروا يدوروا برجلي .... بس اني مارضيت قلتلهم دبروا حالكم رجلي نوووو ههههههه بخاف

واحلى موقف ضحكني وانا بقمة الالم والتعب ...
كنت عم امشي شوي شوي بالممر اخره في كراسي كنت اقعد عليهن لان ما فيي امشي اكتر من عشر خطوات متواصلة لازم ارتاح والمشكلة الدكتور قالي امشي مشان ما يصير خثرات دموية بسبب السيرومات والقعود

قعدت عالكرسي و السيروم بايدي ... ع فكرة السيروم ما فارقني لحظة حتى بعد ما طلعت من المستشفى ههههههه يخرب بيتو شو لئيم هههههههههه

قاعدة انا بأمان الله طبعا الناس رايحة جاية قدامي والنسوان كل يوم وحدة تجي تولد وتروح ...وانا بعدني هههه
تعرفت عالنسوان والمرضات و الدكاترة صرنا صحبة شووو قعدت شهر كامل بالمستشفى
واني قاعدة وموجوعة كثير وباين علي اني عم اتوجع اجت امراة لعندي وقالتلي ... (((لسا ما خلفتي يا حبيبتي الله ينتعك بالسلامة ))) هههههههههههه فكرتني باخر شهر من كبر بطني ههههههه

يا خجلتي ههههههه قلتلها لا اني مش بالتاسع اني صرلي 15 يوم بالحمل ... وضلت المراة ع صفنتها ... وراحت وهي تحاكي حالها هههههههههه
وصارت هي المواقف تتكرر كل وحدة تمر تدعيلي اطلق بالسلامة والممرضات يضحكن لانهن عارفات اني بأول حملي ...
ومرت ىالايام يا بنات اصعب ايام حياتي ... ماكنت نام ابدا كتير احيان اغفى ع القاعد ... واكثر شي ربع ساعة ...
ما كنت اقدر اأكل ابدا ... أتالم جدا بس أأكل اي شي ...
مرة اكلت دراقة وحدة عجبتني وهفت نفسي عليها وياريت ما اكلت ههههههه
خلال عشر دقايق صرت اصرخ وانادي عالاطباء واستنفروا كلهم وغرفتي صارت مليانة اطباء وممرضين وممرضات و اللي يزبط السيروم واللي اعتطتني مسكن سيتامول لأن اكثر من هيك ما فيهم يعطوني بسبب الحمل ...

واني يا بنات حسيت اني خلص رح موت ...ما عاد قدرت اخذ اكسجين ابدا حطولي هاد اللي فيه اكسجين ع الفم .... وغبت عن الوعي ثلاثة ساعات ...

اخر شي كنت اسمع جوزي يصرخ عالدكاترة يقول لهم لاقوا حل المرة رح تموت بين ايدينا يعني تحمل من هون تموت من هون خلص نزلوا الحمل بدنا المرة تطيب بطلنا ما عاد بدنا حمل

بعدين ما حسيت الا بعد ثلااثة ساعات وعيت ورائحة الاكسجين موتتني فورا استفرغت كلشي ..وبمناسبة الوحام هاد الحمل اصعب وحام بمر علي .. اي رائحة اشمها استفرغ ع طول ومرة ضليت عشر ايام بدون اكل اعطوني سيرومات تغذية مشان ما يصيرلي تجفاف ..حتى المي اذا شربتها لو نقطة اروح فيها

مرت الايام والله اعلم كيف مرت علي

كنت اطلع عالناس وهي تأكل وتتمشى ... وابكي واقول نيالهم .... نيال اللي يقدر يمشي
ضلت الحالة يذروة الصعوبة والاالم بدون تراجع مدة 20 يوم تماما
بعدين صار التحسن يصير بس بطيء جدا جدا جدا يعني كل ثلاثة ايام حس بطني صغر نتفة يعني ياادوب يذكر والالم نفس الشي يخف ببطئ شديد ...
ع فكرة ضل بطني حجمو مش طبيعي حتى خلصت الشهر الخامس ... حتر راح اعراض فرط الاستثارة ... اجا محلها اعراض الحمل ههههههه ييعني تسع شهور وانا بالشهر التاسع هههههههههههههه

خلال وجودي بالمستشفى كانوا يفحصونيي كل يومين ويطمنوا ع الاجنة ,, اول شي قالولي اثنين ظهر ع ايكو .... وقالولي ادعي ما يطلع اكثر .. اجنة معلقة

لان هي الحالة بس يصير حمل تزداد صعوبة وكلما كان الحمل بتوائم اكثر كلما كان شفائها اصعب وابعد ... سبحان الله
و حالتي مثل ما صنفوها من خمسة سنوات ما اجت هيك حاله .. يعني القمة ...

وطلعت حامل باربعة .... ومشان هيك ساءت كتير وطولت حتى طبت
..

بعدين عملت عملية انقاص لان الدكتور ما بخلي اثر من اثنين اجنة بالبطن بخاف ع الام ...
و طلعت من المستشفى يوم وقفة عيد الفطر ..... اخيييييييييييييرا
طبعا بطنا كان صغر نص عما كان بالاول ... يعني احسن بس لا يزال الالم طبعا اقل من قبل هاد اقدر اتحملو

والاحلى اني بس رجعت عبيتي وشافوني الاقارب والناس قالولي يي ليش هيك بطنك كبييييير هههههههه

منيح ما شافوا وقت كنت بالمستشفى هههههههههههه الله ستر

.... سبحان الله .. والحمد لله على كل شيء ...

ع فكرة كنت ناوية المغامرات تكون جزأين بس بعد كا كتبت هلا ما قدرت اختصر فترة الحمل هون كمان هههههه لذلك بدكم ما تواخذوني في بعد جزء ثالث ... والذي يمتد من رجوعي المستشفى لوقت الولادة ...

شووو في حماااس ولا لا ....شجعوني مشان اكتب ج 3 هههههههه باب الحارة صرنا هههههه

الف تحية لكن جميعا ... وقبلاتي

>>>>> ردود الأعضـــــــــــــــــــاء على الموضوع <<<<<
==================================


ماشاء الله عليكي شوقتيني اعرف شو النهاية حبيبتي تقومين بالسلامة انتي وبيهاتك الله يتمم عليكي


__________________________________________________ __________

ههههههههههه مش اتا قلتلك انو باب الحارة خخخخ لا وكمان لساتو الشعب شكاك ما وصل لحالة اليقين تبعو ههههههههه
غريبة يا فسحه حكايتك والله اللي يشوف يستعجب و يقول كيف كلللل هالضروف السيئة و مع ذلك زبط الحمل ! لا و كمان باربعه ! سبحاااااان الله ما شااااء الله . قصتك دليل على ان اطفال الانابيب مش حكاية ان الست تنام عطول و ترتاح لااااا والله اذا ربنا كاتب الحمل لو حتى تحت القصف المتواصل !!! . الحمد لله ولدتي بالسلامة رغم المتاعب الجباااارة . بس ما قلتينا كم نزل جنين و كم بقي . انا اللي اعرفو انك ولدتي محمد . صح ولا لا . و يالاااااااااا بدنا الجزء الثالث و كمان الرابع اذا تسمحي خخخخخ.


__________________________________________________ __________

ما شا الله حبيبتي كلامك عفوي وصريح ..

ربنا يحفظ ابنج ويبارك فيه ويرزقج اخ له يارب ..


__________________________________________________ __________

ههههههههههههه كملي كملي عم نسمع ههههههه

الله يخليلك ابنك ويرزقنا يارب


__________________________________________________ __________

ماشاءالله احكيتك كتير غريبه كملي انا متشوقه اعرف النهايه