شلونكم بنات اليوم حابة انواسي بعض ونتشارك ونحجي تجاربنا بخصوص المتاخرات عن الحمل
لان حاسة بنفسي مخنوقة وحابة افضفض لان تعبانة وخنكتني العبرة واذا متصير زحمه اريد كل وحده بيكم تكول عن فترة تاخيرها عند اي دكتور راجعت ومفكرة تعمل اطفال انابيب وتستخدم اعشاب لو لا او عسل لانه ينصحون بيه هوايه مبدئيا اني راح ابلش بقصتي ..............اني متزوجه وعندي طفله عمرها ثمان سنوات ومن قبل خمس سنين اني انتظر الحمل بكل شهر وما شي واني اضوج من الدكاترةومن مراجعاتهم لان الحمل بالذات احسه بيد الخالق وحده ومو بيد واحد واني على يقين بهذا الشي وكلمن ورزقه بس قبل سنه ونصف صار عندي حمل فجاة والدنيا ما سايعتني من الفرحة بعد شهرين رحت للسونار وكلتلي الطفل مابي نبض وهنا كلشي سود بوجهي وبعد ماعندي امل باي شي وسويت تحاليل وطلع عندي شوية خربطة بالهرمونات وعالجتها بالبردقوش والحمد لله وبين فتره واخرى اخذ سونار للرحم والمبايض وكلشي تمام بس ما كو حمل والحمد لله واني تعبانة لان ما اشوف شي مانع للحمل وحيرانه وهوايه يكلوللي سوي اطفال انابيب بس اني عندي ايمان قوي بالله وهو الرازق رحمة الله على والديها الي تحجي تجربتها والي تخفف من همي ويفرج عليه وخايفة اقنع زوجي بطفل الانابيب واسويه ومينجح ويصير الهم همين وخاصة احنا بالعراق نسبة نجاحها قليل
بنات الي مثل حالتي شتسوي وبيمن تنصحوني
رايكم بطفل الانابيب لحالتي لتأخر الحمل
رد مع اقتباس
