عنوان الموضوع : محتارة جدااااا... مرهقة نفسيا .. ارجو الافادة بليييييييييييز ..وجزيتم خيرا
مقدم من طرف منتديات نساء الجزائر

محتارة جدااااا... مرهقة نفسيا .. ارجو الافادة بليييييييييييز ..وجزيتم خيرا



انا متزوجة من حوالى 8 شهور ..كنت بتعب اوى قبل جوازى قبل الدورة زماااااااااان ايام الثانوى كشفت وعرفت ان عندى كيس دهنى على المبيض الشمال. خدت الدوا لمدة 6 شهور وبعدها الدورة انتظمت وراح الالم وخلصنا بطلت الدوا .. بعد الجواز بدات احس بآلام رهيبة اسفل البطن والظهر ومكنتش بقدر امشى على رجليا والدتى قالتلى دا ممكن يكون حمل خدى بالك من نفسك .. كنا فشهر العسل وبعدين رجعنا بالاتوبيس 10 ساعات سفر ولما رجعت حسيت بتعب من جوة اوى وبعدين لقيت دم نازل
اختى ووالدتى قالوا دة سقط قعدت كام يوم بعدها تعبانة رحت للدكتور قالى دة مكانش حمل والدم دم تبويض ..مقتنعتش بكلامه لان التعب كان مازال موجود
الشهر اللى وراه كنت بحس وقت النبويض بتعب شديد وتقل فبطنى ومش قادرة اكل لحد ما نزلت الدورة .. قلت يمكن عشان انا نفسى ابقا حامل فمخى بيدى اوامر غلط لجسمى فبحس بالتعب والموضوع كله نفسى ..
زوجى سافر وبعدنا 4 شهور وبعدين جيتله هنا بعدها فنفس الشهر كنت بموت من الالم .. عملت تحليل طلع (+) بس خفيف خالص وكنت عاملاه فالدم لنفسى .. واتاخرت الدورة فعلا وكنت بحس بتقل رهيب وطبعا كنت مقللة موضوع العلاقة دة تماما وكنت بروح للدكتورة قالتلى ريحى على ضهرك وقعدت 4 ايام نايمة على ضهرى ولما بروح الحمام كان زوجى بيحملنى ويرجعنى عالسرير ..حسيت بعد 4 ايام بالراحة شوية قمت نضفت الاوضة وشديت ملاية السرير لقيت حنفية دم نازلة
والم رهيب رحت المستشفى كشفت والدكتورة علقتلى محاليل وادتنى مسكن وعملت تحليل حمل كمى لقت مفيش حمل .......!!!!!!!!!!!!
كنت بنهار نفسيا وعصبيا وجسديا مبقتش عارفة اعمل ايه
اللى كان تعابنى اوى انى شفت نظرة حسرة فعين زوجى طبعا هو مقالش حاجة بلسانه بس عنيه كان فيها كلام كتير اوى .... .
وادى تالت شهر اهوة بعد ما جيت مالسفر ولا جديد تحت الشمس
التعب ثم التعب ثم التعب ولا شئ الا التعب
طبعا الحمد لله على كل شئ
بس انا تعبانة من انتظار الناس ليا
السؤال اللى لو مسمعتوش بشوفه فعيونهم..(هو لسه ربنا مرزقش؟؟؟!! )
اخبار تعبى اللى دايما عندهم
حسيت ان جوزى بقا بيحس بالملل بس من غير ما يتكلم
بس مؤخرا قالها دبحنى بيها مع انه كان بيهزر قالى (بدانا تعب كل شهر بس المرة دى مفيش كشوفات ولا دكاترة )
انا اصلا كل مرة كنت بتحايل عليه منروحش لدكاترة وهوة كان بيصر اننا نروح

تعبت بجد
مبقاش ليا نفس اعمل حاجة فالبيت ولا حتى البسله حاجة حلوة مع اننا نعتبر عرسان جداد
بقا بيحس انى ببعد عنه .
تعبت
لو فى دكتورة قرات حالتى ياريت يكون عندها تفسير تقوله
او حد عنده كلمة تصبر او تدلنى على طريق يريحنى ياريت

شكرا لسعة صدوركم

>>>>> ردود الأعضـــــــــــــــــــاء على الموضوع <<<<<
==================================


والله ما عندي فكره يمكن كلام الطبيبه صحيح


__________________________________________________ __________

المشاركة الأصلية كتبت بواسطة ام بدر وراكان
والله ما عندي فكره يمكن كلام الطبيبه صحيح

انا مش بشكك فكلام الدكتورة بس معقول كل التعب اللى كنت فيه دة نفسى ؟؟!!!!!!! استحالة
انا مش من نوع البنات اللى بتتمارض وبتتدلع
انا كنت فعلا تعبانة
مشكور مرورك وردك
كلك زوق
جزيتى خيرا


__________________________________________________ __________

حببتي مش تسكتي بردو دوري علي دكتورة كويسه وتبعي معها والله انا حاسه بيكي لاني تقريبا نفس الظروف واتضح في الاخر ان في لخبطه في الهرمونات وعندي كيس علي المبيض الشمال وربنا كريم ربنا يرزوقك بالذوريه الصالحه عجلا


__________________________________________________ __________

حبيبتى ربنا ييسر أمورك .فى الحالات اللى زى كده لازم الواحدة تزور دكتورة تانية علشان تاخد رأى تانى وممكن مع الكشف السليم يتضح إنها مشكلة بسيطة فى المبيض أو عنق الرحم وإن شاء الله تتحل مع العلاج وكمان لو كان ده إجهاض متكرر مثلا يبقى إنتى محتاجة تعملى تحاليل أساسية زى الأجسام المضادة فى الدم وجرثومة التكسوبلازموس"داء القطط".يعنى إختارى دكتورة كويسة وتابعى معاها يعنى كشف ومراقبة تبويض .وريحى نفسك نفسيا وسيبى الأمور على الله.ربنا برزقك الذرية الصالحة اللى تفرح قلوبكم.


__________________________________________________ __________

المشاركة الأصلية كتبت بواسطة زينب صالح
حببتي مش تسكتي بردو دوري علي دكتورة كويسه وتبعي معها والله انا حاسه بيكي لاني تقريبا نفس الظروف واتضح في الاخر ان في لخبطه في الهرمونات وعندي كيس علي المبيض الشمال وربنا كريم ربنا يرزوقك بالذوريه الصالحه عجلا

انا رحت لحد دلوقتى ل 4 دكاترة مختلفين هنا وفمصر ومفيش حد كلامه شبه التانى بس الحاجة الوحيدة المشتركة فكلامهم انى مفيش عندى مشكلة
لدرجة ان جوزى بيفكر يعمل تحاليل لنفسه عشان يتأكد
ربنا يعين الجميع
مرسى لردك