عنوان الموضوع : نفسى أوصلك يارب"كلام من القلب للقلب"2 من الشريعة
مقدم من طرف منتديات نساء الجزائر

نفسى أوصلك يارب"كلام من القلب للقلب"2



لما حب سيدنا ابراهيم إتخذه خليلاً
لما حب سيدنا ابراهيم وكان مستحيل يخلف رزقه الذرية على الكبر
لما حب سيدنا ابراهيم أفاض عليه من المال لدرجة انه لما جاله الملائكة دبح لهم عجل بيحسبهم ضيوف شفتوا الكرم والغنى
لما حب سيدنا ابراهيم نجاه من النار نجاه من ملك مصر الظالم
لما حب سيدنا ابراهيم نجاه من كل اللى وقفوا فى طريقة
لما حب سيدنا ابراهيم كلمه بدون واسطة
لما حب سيدنا ابراهيم شق له البحر
لما حبه قاله انى اصطفيتك على الناس واخترتك واصطنعتك لنفسى
وكمان لما حب سيدنا محمد عليه الصلاة والسلام قاله {لعمرك إنهم لفى سكرتهم}
ربنا بيقسم بحياة النبى صلى الله عليه وسلم لأنه عمر غالى كله دعوة وطاعة وجهاد
لعمرك دى اذهلت العلماء
انت بقى قضيت عمرك فى ايه؟
قضيت عمرك فى طاعة ولا فى غفلة ولا فى اعمال لا فيها طاعة ولا معصية؟
قضينا عمرنا فى أيـــــــــــــــــــه؟
ها ياجماعة قضيناه فى ايه؟
يسوى أيه عمرك عند ربنا ؟ يسوى ايه عمرى عند ربنا؟
لما حب سيدنا محمد قاله{ فلنولينك قبلة ترضاها}
وقاله كمان{فإنك بأعيننا}
تفتكر بقى لو ربنا حبك هايعملك أيه؟
لو وصلنا له.....
يارب نفسى نوصل لك يارب
وصل قلوبنا ليك يارب افتحلها الباب
نفسى اسجد تحت عرشك نفسى اسجد عند سدرة المنتهى
يارب اجعلنا من اهل معرفتك يارب وافتح لنا بابك واقبلنا ووصلنا لرؤية وجهك يارب
انت عارف نعم ربنا عليك اد ايه؟
حكى احد المشائخ الكرام قال قابلت واحد من الفضلاء وكان له واحد قريب مريض بمرض شديد
بيقول المرض ده الاعصاب مابين المخ وكل الاعضاء تضمر فجأة وتموت فيبدا الجسم يموت
بيقول فى اول مرضه جاله شلل فى ايديه ورجليه لان الاعصاب بتاعتهم ضمرت
قال بعد كده معدش بينطق عضلات السان ضمرت
بعد كده معدش بيبلع لان عضلات البلع ضمرت
بيقول الشيخ: قلت يانهار ابيض الواحد بيبلع كباية المية ومش حاسس بنعمة البلع دى
ربنا يرحمه بالجنه ويرحمنا إنه يعرفنا عاطينا نعم أد إيه واحنا مش حاسسين بيها
كل مريض نايم بيذكّرك وبيذكّرِك إنتي كمان بنعمة احنا مش حسين بيها
لو فكرنا كاااااااام مرض بيصيب الكلى وكااااام مرض بيصيب القلب وكااااااام مرض بيصيب الرئة وكاااام وكاااااااااام
ربنا يعافينا
وربنا معافينا منه
هو احنا ربنا معافينا من ايه ولا ايه ياجماعة؟
إنت عارف قدره ربنا العظيم أد إيه؟
دي وقفه بقي وقفه مع قدره الملك الجليل
لما مذنب هالي جيه سنه 1910 فالعلماء قالوا بعد 76 سنه المذنب ده هيرجع للأرض تاني
سنه 1986 في نفس الشهر ..في نفس اليوم ...في نفس الساعه..في نفس اللحظه...ظهر مذنب هالي تااني
يعنى إيه ده؟
يا إخوانا ده ملكوت ربنا متحكم فيه بالثانيه
الشمس لو خرجت من مدارها هايحصل أيه؟
والانسان لو خرج عن الجاذبية؟
طيب بقى وانتى لو خرجتى عن حكم ربنا هايحصل ايه؟
وانت كمان زيها هايحصل ايه؟
منقدرش طبعا ده هو مالك كل شئ
فيه مليارات النجوم ممكن ربنا يرجم كل شيطان بيهم
او يرجم كل عاصى بيهم
انت عارف قدرة ربنا اد ايه؟
عارفين قدرة الملك جل وعلا اد ايه؟
يامعرض عن ربنا وبتتحداه بالمعاصى عارف قدرته تعمل فيك ايه؟
سبحان الملك القدوس
اللى بيحب حاجه اكتر من ربنا
مش بتقولوا الحب بالقلب طيب القلب ده بيدق طول الوقت مابيفصلش هاتلى ماكينه واحده بتشتغل اده
40مليون نبضه قلبك بينبضها كل سنه بدون توقف ولما تيجي السنه اللي بعدها
ينبض 40مليوم نبضه تانيه بدون توقف
ملفتش نظرهم؟؟
انك تشوف الوان زى ماانت شايف كده
ملفتش نظرهم ملفتش نظرهم؟؟؟
30.000جهاز ساوند متركبه في الأذن خلايا سمعيه عشان تسمع الصوت بالظبط
2.5مليون فلتر ترشيح لدمك من السموم في الكلي عشان دمك يفضل نقي وطاهر
ملفتش نظرهم؟؟

ملفتش نظرهم إزاااااااي؟؟؟
إزاي ملفتش نظرهم؟؟
15مليون جهاز تكييف رباني..غدد عرقيه متركبه في جلدك عشان تكيف درجه حراره الجسم بتاعك
إزاااااي ملفتش نظرنا كل ده؟؟؟
وإذا كان كل ده ربنا عمله عشانك إنت عملت عشان ربنا إييييييييييييييييييه؟؟؟
كل ده ربنا عمله ليك إنت ..إنت عملت عشان ربنا سبحانه وتعالي إيييييييه؟؟؟
كل ده لو ربنا حاسبك علي واحد واحدمن دول بربع جنيه يبقي عليك كاااااااام ملياار لربنا
في الدقيقه اللي كنا بنقول فيها المعلومه اللي فاتت دي الدقيقه دي بس
قلبك ضخ 20 لتر دم للجسم...
رئتك اخدت نفس وخرجت 25 لتر هوا أكسجين...
مخك بعت آلاف الرسائل للجسم عشان تنبه إن الجسم تمام الجسم يبعتله يقوله تمام
جسمك ضخ وصنع 300 مليون كره دم بيضاااءعشان تدافع عن جسمك ضد أي ميكروب أي ميكروب أو أي جسم دخيل
كلتك رشحت لتر ونصف دم من السموم
ده إيه؟؟؟
ده في الدقيقه بس اللي فاتت دهيه وإنت قاعد مش حاسس بأي حاجه!!!
مش حاسس بنعمه سبحانه وتعالي
أسبغ عليكم من نعمه _مغرقكم وأسبغ عليكم نعمه ظاهره وباطنه والباطنه أعظم كمان من الظاهره
ياسلالالالالالالالالالالام يااارب ياسلالالام يااارب
آآآآآآآه لو تعرف قدره ربنا أد إييييييييييييه؟؟؟
قدره ربنا الجليل
لما سيدنا إبراهيم دخل النار دخل في قلبه الإحساس بقدره ربنا
دخل النار مش خايف
ربنا قال يانار..
ده مش عود كبريت ده نااااااار موقده..
ربنا بيقول يانار كوني...هي النار عبد وبتتأمر؟؟
آآآآآآه عبد لله...كوني بردا..
شوفوا ربنا عمل إيه؟؟؟
قلب النار جنه في لحظه ياجماعه
ياللي حياااااتك نار إبتلاءات ..ونار مشاكل.. ونار هموم.. يقلبهالك ربنا جنه
بس إنت أيقن بقدرة الله
يانار كوني بردا وسلاما(إيه المعجزه دي)ده معجزه بس ربنا عملها لناس مننا(إحنا)في ناس بالفعل حدث معاها كده حدث بالفعل إزااااااااااااااااي؟؟؟
النار بتاعه الالتزام اللي الرسول صلي الله عليه وسلم قال:
((يأتي زمان علي أمتي القابض علي دينه كالقابض علي جمره))
الإلتزام زي النارمن كتر الفتن ربنا جعلها للشباب بردا وسلاما ...وجعلها للأخوات بردا وسلاما..
لييييييييييييه؟؟
الملك قدير عشان كده تلاقي اتنين شباب..
واحد قاعد يصرخ الفتن والتاني بيقوله فتن إيه يابني أنا مش شايف حاجه لييييييييه؟؟؟
ربنا جعلهاله بردا وسلاما
خذوا إيمان إبراهيم ينبت لكم في عصر الفتن جنات النعيم
خذوا إيمان إبراهيم ينبت لكم في الجامعه والكورنيش وليله الخميس بالليل جنات النعيم
خذوا إيمان إبراهيم ينبت لكم في في ال92 كيلو متر بعرض الساحل الشمالي اللي كلهم معاصي وقري بتنتهك فيها معاصي الله سبحانه وتعالي ينبت لكم جنات النعيم
خذوا إيمان إبراهيم وانتوا ربنا يحولكوا الفتن دي كلها جنه
اليقين في قدرة الله....إوعي الفتن تحرق قلبك إحرقها إنت
إوع الواقع يفسدك.. إصلحه إنت..
إوعي!!
ياحبيب قلبي إنت دلوقتي الالتزام بالنسبه لك جنه ولا نار؟؟ ...
صعب ولاسهل ؟؟
لو لسه نار إنت لسه مفهمتش لسه ياجماعه
لما ربنا أراد سبحانه وتعالي إن يخلي سيدنا موسي يذهب لفرعون قاله إيه؟؟
خلاه يشوف العصايه الأول بقت تعبان ثم قال له الله إذهب لفرعون
إنما سيدنا إبراهيم الله ماورهاوش نار الأول يترمي فيها ميتحرقش وبعد كده قاله روح إترمي في النار الثانيه!!
ليييييييييييييه؟؟؟
سيدنا موسي مقامه جليل بس سيدنا إبراهيم.. فين بقه سيدنا إبراهيم..!!!
يعني لما تلاقي ربنا بيشدك والإبتلاء بيشتد عليكي ده ربنا بيصنعك لأمر عالي.. بيعدك لأمر عالي ..ومقامك عالي أوي عن كل اللي حواليك عند ربنا سبحانه وتعالي
أحد الناس وجت في التليفزيون المصري من سنتين تلاته في رمضان أصيب بمرض في عصب العين إسمه ضمور في العصب البصري يعني مستحيل العصب لو باظ خلاص العصب لو ضمر مات خلاص مبيجيش تاني الرجل أصيب بالعمي وبيتابع مع دكتور 10 سنين مفييييش أمل
جيه في رمضان إشتاق إنه يشوف ..نفسه يشوف.. نفسه يشوف..
نفسه يفتح عينيه...جيه قعد يدعي يدعي يدعي ربنا في رمضان لغايه ماجيه في ليله 23 بدأ يدعي ويشد في الدعاء ليله 27 واقف في التهجد بيصلي وبيعبد ربنا فجأه لقي نفسه مفتح وجت في التليفزيون المصري وجاء هذا الرجل وجاء الطبيب...سبحان الملك
إزااااااااي؟؟
الله قادر
طب ربنا بيعمل كده لييه؟؟
عشان يرجعلنا يقينا في قدره الله اللي فوق الأسباب

أنا باقول الكلام ده ليييييه؟؟...
أنا باجيب قصه واحد أعمي وربنا بصره..وواحده عندها سرطان وربنا شفاها...؟؟
عشااااان نووقن في قدره ربنا
بعد كل ده بييجي ناس عندها مشاكل أبسط من كده ومستصعبه إنها تقول يااارب و إن ربنا يحلهالها ..!!!
بعد كل ده في نااس خايفه من ربنا!!
خايفيييين..؟؟!!
يقولك أنا لو إلتزمت ممكن في بعض الملتزمين سقطوا في كلياتهم..!
يعني لما الولد حب البنت وكان الأول علي الدفعه سقط في تاني سنه بعد ما حبها الناس مخافتش من الحب ولا الشباب خاف من الحب؟؟
ولما واحد كان بيجيب
84% إلتزم جاب 83.5% قالولك ده بسبب الإلتزام ...!!!!!!!!
إيه ياإخوانا ده واحد وسط 1000واحد...يا جماعه إحنا خايفين من ربنا
البنت اللي خايفه تكلم خطيبها إنها تعمل فرح إسلامي أحسن يسيبها..إزاااي ياجماعه؟؟
ياجماعه إحنا فينا ناس لما بيتعرض عليها تختار ربنا أو الشهواات؟؟ بتختار الشهوات.. دي حقيقه وبتحصل مننا إحنا كلنا ...إحنا نفسنا اللي بنتكلم..عايزين نختار ربنا ياجماعه..عاايزيين نختاار ربنا
لو صلتك بأصحابك إتقطعت مشكله.. بس هتعدي
لو صلتك بجوزك إتقطعت مشكله.. بس هتعدي
إنما لو صلتَك بالله إتقطعت مصيييييييييييبه..
لو خسرت ماَلك مشكله بس هتعدي
لو خسرت صحتك مشكله بس هتعدي
لو خسرت شهادتك مشكله بس هتعدي
إنما لو خسررت ربنا ...إنتهت ضعت
((من فقد الله فماذا وجد))
1_عشااااان كده أنا عايز أقولكوا قاااااااعده خطييره جدااا
نصيحه في غااايه الخطوره ياجماعه
عايز أقولكوا نصيحه لازم كل واحد مننا يحطها في قلبه ويحفرها في قلبه
علي قدر مقام الله عندك ..هذا قدر مقامك عند الله
يعني إيييييييه؟؟
يعني سيدنا موسي لما قال لربنا
((وعجلت إليك ربي لترضي))
أنا مشتاقلك ياارب..أنا سبقت الناس كلها في الشوق إليك ياارب
ربنا سبحانه وتعالي قاله:
((ياموسي إني إصطفيتك علي الناس))
وأنا اخترتك من دون الناس كلها
((علي قدر مقام الله عندك ..علي قدر مقامك عند الله))
علي قد ما هيفتح عليييكي
2_النصيحه الثانيه اللي عايزه أنصحكوا بيها
((علي أد مايكون همك هو الله ..علي أد ماربنا هيكفيك هم كل شئ))
((إن الذين قالوا ربنا الله ثم إستقاموا))
إستقاموا يعني لم يلتفتوا لأي هم...كل همهم إنهم يوصلوا لربنا
منايا أوصلك يااارب
ربنا بيقول:
((تتنزل عليهم الملائكه ألا تخافوا ولا تحزنوا))
معدش فيه هموم هأكفيكوا كل هم في الدنيا والآخره
من جعل همه هو الله..كفاه الله هم كل شئ
مييين اللي همه ربنا؟؟

3_أنا عايزه أنصحكوا
((لا تؤثر علي الله شئ فيعذبك الله بهذا الشئ))
لا تؤثر علي الله شيئا فيعذبك الله به..
ربنا قال للمسلمين لما أخذوا المال وأطلقوا أسري بدر وكان المفروض يقتلوهم قالهم:
((لولا كتاب من الله سبق لمسكم فيما أخذتم عذاب أليم))
فيما أخذتم...الفلوووس اللي إنتوا أخذتوها ...العقوبه لما هتنزل هتنزل علي الحاجه اللي إنت أثرتها علي مراد ربنا
يعني إييييييييه؟؟؟
اللي مشي مع بنت وأثرها علي الله..لما هتيجي العقوبه البنت هتكرهه ..هتعذبه..هيتجوزها وهتبقي حياته شقاء.. هتموت ..هيحصل أي حاجه ليه؟؟؟
لانه أثرها علي الله سبحانه وتعالي
إوعي تؤثر علي ربنا بنت..إوعي تؤثري علي ربنا ولد..إوع تؤثر علي ربنا شهوه أو فلوس أو مركز
خلوا ربنا هو الأول في حيااتنا ياجماعه..
هو أعلي حاجه في حياتنا ..
هو أغلي حاجه في حياتنا..
هو اللي حبه ماي قلوبنا وذكره مال ألسنتنا ..
وطاعته ماليه جوارحنا..
هو ده العبد..هو ده العبد...سبحااان الملك الجليل
إنت عارف قدرة ربنا أد إييه؟؟
إنتوا عارفين قدرته سبحانه وتعالي أد إيييه؟؟
أد إييه ربنا قدير سبحانه وتعالي؟؟؟
إنت عارف حب ربنا ليك أد إيييه؟؟
إنت عارف رحمه ربنا بيك أد إييه؟؟
إنت عارف فرح ربنا بيك أد إييه؟؟
إنتي عارفه نعم ربنا عليكي أد إيييه؟؟
إنت عارف قدره ربنا أد إييه؟؟
إنتي عارفه حكمه ربنا أد إييه؟؟
إزااااي؟؟إزاااي؟؟
لما واحد يبتلي يقول ليه يارب إبتلتني ...إبتلاك بإيه مرض ..بقالك 30سنه سليم يبقي قبل ماتنطق وتقول لييه؟؟؟إقعد 30 سنه مريض الأول!!
عليك لربنا 30سنه عافيه عملت بيهم إييه؟؟
وإشمعني أيام ماكنت معافي لما كنت بتشوف واحد مبتلي مكنتش بتقول لييه؟؟
لما كانت عينيك سليمه وشفت واحد أصيب في عينيه مقلتش لييه؟؟ وماعترضتش لييه؟؟
لما كانت كليتك سليمه وشفت واحد عنده فشل كلوي..ماعترضتش ليييه؟؟؟
لما كانت رئتك سليمه وشفت واحد عنده سرطان..ماعترضتش ليييه؟؟؟
إنت عارف ربنا إبتلاك ليييه؟؟
لأن الإعتراض ده كان جوااك بس مش ظاهر لأنك كنت في عافيه..ربنا إبتلاك عشان يطلعه قدام عينيك..
تصلحه..يفرج عنك كل اللي إنت فييه
بس صلح اللي جواك ..صلح اللي جواك ..نصلح اللي جوانا وربنا سبحانه وتعالي ينبت لنا في الإبتلاء جنات النعيم والفرج من عنده
إنت عارف كرم ربنا أد إيييه؟؟؟ وغني ربنا أد إييه؟؟
أنا لو فتحتلكوا ياجماعه خزنه أغني واحد في العالم هتشوفوا إييه؟؟
يانهار أبيض السندات والعقارات والذهب والفلوس والدولارات والريالات واليورو..إيييييييييه ده؟؟
إيه الأموال والكنوز دي كلها...!
أومال لو إتفتحت خزائن ربنا هتشوف إييييييييييييييييه؟؟
أومال لو خزائن الملك إتفتحت هتشوف إييييييه ياجماعه؟؟؟هنشوف إيه في خزائن ربنا؟؟؟
سبحااااااااااااان الملك الجليل..

إنت عارف كرم ربنا أد إيييه؟؟؟ وغني ربنا أد إييه؟؟
أنا لو فتحتلكوا ياجماعه خزنه أغني واحد في العالم هتشوفوا إييه؟؟
يانهار أبيض السندات والعقارات والذهب والفلوس والدولارات والريالات واليورو..إيييييييييه ده؟؟
إيه الأموال والكنوز دي كلها...!
أومال لو إتفتحت خزائن ربنا هتشوف إييييييييييييييييه؟؟
أومال لو خزائن الملك إتفتحت هتشوف إييييييه ياجماعه؟؟؟هنشوف إيه في خزائن ربنا؟؟؟
سبحااااااااااااان الملك الجليل..

أنا فاكر كلام قريته لواحد من أغني 10في العالم كان أمريكي وكان بيتبرع بمليار دولار عشان حاجات في المجتمع بيتبرع بيها فو هو بيمضي بيقول أنا وأنا بمضي إيدي بترتعش ليييييييييه؟؟؟
لأن المليار دولار اللي هأتبرع بيه ده هأخرج بيه من اكتر 10 أغنياء في العالم قلت...سبحااااااااان الله
الرجل ده ربنا أعطاله مئات المليارات.الرجل ده وهو بيخرج الفلوس من خزنته بيرتعش...إنما ربنا يعطي ولايبالي سبحانه وتعالي
الملياردير وهو بيطلع الجنيه إيديه بترتعش ..إنما ربنا بيعطي ولايبالي
ياااجماعه إحنا واقفين علي باب كريم .
إحنا إلوقتي كلنا وإحنا بنتكلم عن الملك الجليل وإحنا بنسمع عنه واااااااقفين علي باب كريم ...والله العظيم
أنا عايز الليله بالله عليكواا الليله ياجماعه..
الكريم الكريم منضيعش الفرصه دي علينا..الليله من بعد الحلقه كلنا نقف علي سجاده الصلاه كلنا بإذن الله سبحانه وتعالي بإذن الملك أنا وإنتوا وربنا يكرمنا بطاعته زي ما أكرمنا بنعمه..نقف علي بابه ..الكريم..
نقعد نقول ياااااارب الدنيا..يااااارب الآخره....ياااااارب الدين......يااااارب أعنا ..ااارب إهدينا ..
ياااااااااارب ياااااااااارب يااااااااااااارب
عايزين ياجماعه الليله دي لغايه الفجر لغايه الفجر مننامش لغايه الفجر نقف علي باب الكريم سبحانه وتعالي...
أد إيييييه كرم ربنا سبحانه وتعالي؟؟؟
أد إييييييه كَرَمَك؟؟
هو الإنسان كان إيييييييه في الأول؟؟
كان إييييه؟؟
هَلْ أَتَى عَلَى الْإِنسَانِ حِينٌ مِّنَ الدَّهْرِ لَمْ يَكُن شَيْئًا مَّذْكُورًا
سورة الإنسان(1)
مكانش أي حاجه خالص..طيب وبعد كده لما بقه حاجه بقه إييييييه؟؟
بقي حيوااان!!!إييييييييييه؟؟؟
حيوااان حيوان منوي ..ده مش كلامي ده كلام العلماء..علماء الطب مسميينه حيوان منوي
طب لما تَطَور..تَطَور تطور خطير جدا..تطور محصلش...
إنتقل من حيوان إلي حشره !!!حشره إزااااااااااي؟؟؟ العلقه...الحيوان المنوي بقه علقه...إيه العلقه دي؟؟
العلقه دي دوده أصلا بتمص الدم فهو بيبقي نفس الشكل ومتعلق في جدار الرحم بالظبط كده بيمص الدم...يعني من حيوان لحشره آآآآآآآآآآه
وبعدين ((فجعلناه سميعاً بصيراً ))
ياااااااااااااه..يااااااااااااااه ياااااااارب ...شوف ربنا نقلنا من إيه لإيه؟؟
ياكرمك ياارب...ياما إنت كريم ياارب...ياما إنت كريم ياااااارب...وكرمه سبحانه وتعالي في الآخره...
تخيلي إنتي واقفه في أرض المحشر والكل مرعووووب وفجأه تسمع صوت ..صوت ميين؟؟...صوت الملك..الملك بيقول إييييييييييه؟؟؟((وأنا أغفرها لك اليوم))
ده عبد عُرِض علي الله كل صحيفته سيئااااات ..ربنا أقره علي ذنب ذنب لغايه ماالعبد أحس إنه هيهلك..ربنا قاله سترتها عليك في الدنيا وأنا أغفرها لك اليوم
تلاقي الرجل يصرخ((ياااااااااما إنت كريم ياااااااااارب))
وبعد كده تسمع صوت الملك تااني ..الملك بيقول إييييييه؟؟
((لست أكرم بعبدي مني...))
ده إيه ده؟؟؟
ده في واحد كان واقف دخوله الجنه علي حسنه..هيدخل النار بسبب إن هو عنده سيئه زياده عن الحسناات..
قعد يتذلل في أرض المحشر يدور علي حد يديله حسنه..قابل واحد مش معاه غير حسنه واحده قاله بص الحسنه دي مش نافعاني في حاجه خدها إنت تدخل الجنه وأنا كده كده خلاص مش نافع أخل أصلا..ربنا قاله((لست أكرم بعبدي مني))
إدخلوا إنتوا الإثنين الجنه...يااااااانهار أبيض...الإثنين بيصرخوا
يااااما إنت كريم يااارب
وبعد كده تسمع صوت الملك ..الملك الجليل سبحانه وتعالي
((خذ بيد أخيك وإدخلا الجنه))
إيييييييه ده؟؟؟ده إييييييه ده؟؟؟
ده جيه واحد بعد ماعدي الصراط علي القنطره جاي يدخل الجنه لقي واحد وااقفله إييييييييه؟؟؟
إستني ...حقي...إنت ظلمتني في الدنيا...حقي
فيقوله حقك إييييييه؟؟؟
ده إنت لو أخذت حقك مني هاروح جهنم ..هارجع تااني هارجع تااني أترمي في جهنم...حقي وأنا ماالي ماليش دعوه
طب أنا أترمي في جهنم وأنا أعمل إييييييييه؟؟
ربنا يرفع قصر رهيييب أدام المظلوم يقوله إن عفوت عن أخيك فلك هذا القصر فيقوله عفوت يااارب فيقول له الملك الجليل سبحانه وتعالي
((خذ بيد أخيك وادخلا الجنه))
لماااااا يدخلوا الجنه يصرخوا هما الإثنين
يااااااااااااما إنت كرييييييييييييم يااااارب
يااااااااااااما إنت كرييييييييييييم يااااارب
كرم ربنا سبحااااااانه وتعالي
عايزين نقف الليله علي باب الكريم..نقف ونقوله ياارب إحنا رفعنا إيدينا إليك ومش ممكن هتنزل خائبه..
والله العظيم ما هتنزل فاضيه
إنت هترفع إيديك لربنا وهتطلب علي قدر ماتفهم..ربنا هيديك علي قدر مايعلم سبحااانه وتعالي
إنت عارف أد إيه كرم ربنا؟؟؟إنت عارف أد إيه حكمه ربنا سبحانه وتعالي؟؟؟الملك الجليل العظيم
إنت عارف أد إيييه عظمة ربنا؟؟عظمة ربنا إزااااااي؟؟؟
النبي عليه الصلاة والسلام بيقول:-
((إن مامن موضع أربع أصابع في السمواات السبع إلا وملك راكع ..ملك سااجد..ملك قائم لله سبحانه وتعالي بيعبد الله..ملائكه بتعبد الله؟؟؟
يعني إييييييه؟؟
إنتوا عارفين منظر الحرم المكي ليله 27 رمضان ..آآآآآآآآه.
ده بيبقي حاجه موووت ممكن الناس متعرفش تكمل العمره أصلا من كتر الزحمه اللي فيها...يعني نفس المنظر ده
بس إستني
الجزء اللي العلماء اكتشفووه لغايه دلوقتي في السمااء الدنيا 36 مليااااااااار سنه ضوئيه
تخيل يعني إنت لو ركبت طيااره بتطير بسرعه الضوء وفضلت ماااشي بيها 36 مليااااار سنه ضوئيه..هتلاقي السمواات كلها منظر الحرم ليله 27 في مكه هو منظر ال36 ملياااار سنه ضوئيه
ملائكه قاعده تسبح وتقول سبحااااااااااااااانك..يانهار أبيض..إيه العظمه دي..إيه الجلال ده..إيه الكبريااااااااااااء ده...سبحاان الله
وتلاقي بعد كل ده وااحد كافر زي غاندي يقول أنا أمي البقره وإلهي البقره ((أعوذ بالله))((العيااذ بالله))...بقره
يعني لو واحد قاله ياإبن البقره هيبقي فرحااان جدا وهو حاسس بالاعتزاز
وتلاقي واحد تااني هندوسي متصور صوره وهو تحت بقره والبقره بتتبول علييه وهو فرحااااااااااان أوي .. أوي بالبول المقدس بتاع البقره المقدسه بتاااعته وهي بتتبول علييه...
تسجد بقي وتقوله اللهم لك الحمد يااارب
أحد الأدياان اللي موجوده دلوقتي يقولك عند بلاد الصين كده يقولك إن ربهم والعيااذ بالله حاول يخلق الإنساان أول مره معرفش ..خلق
حشراااااااات
حااول تااني معرفش جااب الحيوانات ..حاول تالت جاب القرود والنسانيس في أخر محاوله أخيراااااا الرب بتاعهم ((والعياذ بالله))
عرف يجيب الإنساان
تمسك المصحف ده بقه ...إمسك المصحف بقه الليله وإنت واقف وتمسكه وتبوسه وتحضنه وتقول
((ألف حمد وشكر ليك يااارب علي نعمة الإسلام))
الحمدلله يااااااااارب
الحمدلله يااااارب إنك أعطيتنا كتاب نقدر نعرفك منه يااااارب
الحمدلله يااااااااااارب إنك أعطيتنا كتاب يوصلنا لييك..شايفين كلام ربنا

انتهى الجزء الثانى من الدرس ويبقى الجزء الثالث

سبحانك اللهم وبحمدك نشهد أن لا اله الا انت نستغفرك ونتوب اليك.

والسلام عليكم ورحمة الله وبركاته

>>>>> ردود الأعضـــــــــــــــــــاء على الموضوع <<<<<
==================================


الله يجزاك خير معاك حق
بس مو نبينا إبراهيم ألي كلم الله وفلق له البحر موسى عليه السلام لتصحيح


__________________________________________________ __________

جـــــــــــزاك الله خير الجــــزاء

وبارك الله فيك واثابك وانار قلبك بنور الايمان


__________________________________________________ __________


__________________________________________________ __________


__________________________________________________ __________