عنوان الموضوع : هل حان وقت الإنجاب؟؟ بليز ..ساعدوني امراض النساء
مقدم من طرف منتديات نساء الجزائر

هل حان وقت الإنجاب؟؟ بليز ..ساعدوني



سيداتي العزيزات
صاحبات الخبرة في التربية و الإنجاب

مشكلتي يمكن ستكون في نظركم بسيطة وتافهة أو غير مهمة ولكنها تؤرقني و تحيرني

أنا متزوجة وعمري 25 عندي ولد عمره 2 ونصف الله يحفظو
وزوجي بأواخر الثلاثينات
أنا بشتغل و كمان مسؤولية البيت علي و مسؤولية حماتي و فوق هالشي عائلتها الي ما بيخلصو الي دايما عنا بالبيت بيبقو بالأسابيع وكلشي فوق راسي و ما في حدا يساعدني
والمشكلة زوجي بدو جيب ولد تاني و أنا كمان بدي كتير .. بس خايفة من المسؤولية أو الظغط الي رح يكون علي لو جيب بيبي تاني و كمان إبني كتير شقي و بيتعبني و خايفة لو ما بقدر وفق بين بيتي و أولادي و شغلي وحماتي الي متعبتني نفسيا من كثر نقها..

عارفة رح تقولو مشكلة تافهة بس والله مأرقتني ومتعبتني كتير و زوجي بيقول العمر بيجري وهو بدو بيبي تاني
و أنا كمان نفسي بهالشي
بس السؤال صعبة تربية إثنين وكل المسؤوليات فوق راسي
بليز إنصحوني يا صاحبات التجربة
مع العلم مابقدر جيب خدامة حماتي ما بدها بتقولي لشو إنتي

و الله تعبانة إنصحوني شو أعمل؟؟؟

فحملي الأول تعبت كتير ونفسيتي صارت زفت بسبب حماتي و مشاكلها كنت ماباكل ولا بشرب وكانت بتحاسبني على كل كاست حليب بشربها ... مع إنو الحال كويز الحمد لله و زوجي ما بيقصر بشي ... و لها السبب إبني لما ولدتو كان تعبان وظعيف و ظل بالمستشفى...

و هذه من الأسباب الي مخلياني مترددة ..
بس خايفة ليمر الوقت و إندم إني ما جبت بيبي؟؟؟

بليز سيداتي ساعدوني بآرائكم

>>>>> ردود الأعضـــــــــــــــــــاء على الموضوع <<<<<
==================================


يسعدني اني اول وحدة ارد
بدي اسالك ساكنة لحالك ولا لاء
اذا لاء
الحل الوحيد انك تسكني لحالك
والله ما في احلى من الاستقرار
واذا ما رضي جوزك احكيلو ما بخلف الا لما اسكن لحالي
حلو الوحدة يكون عندها ولاد وبنات
الله يعينك ويصبرك يا رب


__________________________________________________ __________

ينقل للقسم المناسب.


__________________________________________________ __________

جيبي بيبي تاني
وخليها هية تنشغل بالأطفال

وبعدين (حماتك)احسبيها أمك اللي في البيت واستحمليها وربي ماراح يضيع لك تعب ويؤجرك بإذن الله

أقنعي نفسك أنها بمنزلة أمك وراح تتغير نفسيتك وراح تحبك وتحبيها

ربي يسعدك ويوفقك
..


__________________________________________________ __________

حبيبتي صح الوقت يمر
وماشاء الله ابنك كبير ربي يحفطه
وانت لما تحملي وتولدي يكون 3 سنوات ونصف دخليه للروضة
وبالنسبة لحماتك تحمليها من اجل زوجك
واهتمي بنفسك لما تحملي ما انت تعملي ليش حتى حماتك تحاسبك على الاكل اشتري كل شئ نفسك فيه ولاتهملي نفسك
توكلي على الله واحملي


__________________________________________________ __________

ياعمري ليش توقفي سعادتك وحياتك عشانها كل
شئ بتعمليه من حقك....
اعملي كل شئ يريحك ويريح زوجك من
دون ماتغلطي عليها واسمعي من هنا وتطلعي من هنا
يعني طنش تعش تنتعش واتمتعي بحياتك