عنوان الموضوع : مطلوب عاجل فله في الرياض 800 الف ريال -للاستثمار
مقدم من طرف منتديات نساء الجزائر

مطلوب عاجل فله في الرياض 800 الف ريال



السلام عليكم
اخواتي زوجي اخذ سلفه كاش 800الف ريال وابي فله في الرياض عمرها مو اكثر من خمس او سبع سنين وتكون في شمال الرياض او الرفيعه او التخصصي او الياسمين او الصحافه او المصيف او الورود او السليمانيه او الرحمانيه ومساحتها مو اقل من 450م

المهم انا بدفع سعرها كاش,, مع ذكر سبب بيع الفله لاني اليوم صار لي موقف شفنا فله ومدحها لنا العقار واخر شي طلعت مسكونه الله يحفظنا وياكم من كل شيطان وهامه وغير كذا مساحتها كانت 250 م وغرفها صغار مره ودورين مافي غرف في السطح ولا شي

تكفووون الي عندها تخبرني محتاجتها ضروري خلال اسبوعين


___________________________________


ارجو اغلاق الموضوع تم ايجاد فيلا الحمد لله رب العالمين والشكر لله ثم لمن اعاننا على ايجادها بسعر مناسب اشكركم جميعا

>>>>> ردود الأعضـــــــــــــــــــاء على الموضوع <<<<<
==================================


الله يوفقك وتلاقين طلبك

تبيني اشوفلك بدورلك بالمواقع


__________________________________________________ __________

الله يجزاك خير تكفين دوري لي كل الي لقيتهم يتكلمون بالملايين من وين لي ملايين انا حدي 800 الف ويخب الله يجزاك خير يارب ويفرج عليك


__________________________________________________ __________

ولا يهمك الرد قريب باذن الله


__________________________________________________ __________

بالتوفيق يارب


__________________________________________________ __________

ما قلت لك الرد قريب


الشمال غالي جددا والاسعار مثل ماقلتي بالمليون وفيها


غيري المنطقه جنوب شرق بتلاقين