عنوان الموضوع : ابي بيت يجمعني بزوجي وعيالي.. -للاستثمار
مقدم من طرف منتديات نساء الجزائر

ابي بيت يجمعني بزوجي وعيالي..



السـلآم عليكمـ ورحمة الله وبركاته..

الموضوع واضح من عنوانه ..أبي بيت تكون مساحته 300وفوق

وسعره 800,000 ثمان مية الف وتحت ..

ويكون شبه جديد مااابي قديم وأخسر على ترميمه اكثر من المعقول..

وإذا وجد جديد بسعر المطلوب يكون افضل..ويكون بشرق الرياض

يعني الربوه الروابي الروضه النهضه السلي الفيحاء وزي كيذا

معنا كاش 600,000 ست مية الف بس..والباقي اقساط

كل شهر مستعد زوجي يدفع مبلغ وقدر ..حتى لو تقاعد بيدفع ..


....
...........


تكفون دورولي لي سنه انا وعيالي ببيت وزوجي ببيت..

ولدي الصغير جته نوبة صياح يبي ابوه ..وأنا مابيدي شي..

تعبت كلآ كلمته ومافي فايده وبرضو زوجي ما ترك احد ماقال له..

والكل يتعذر ويجيب عذر من مخ مخه...

الي بيقولي ياخذ من البنك ..زوجي ما يقدر لآن

باقي له 11 شهر ويتقاعد ..ولقينا شركه تعطي المتقاعدين

ورفضوا يعطونه لازم يتقاعد..

يعني متقفله من كل الجهات..

ابي اسكن قبل رمضان ابي يفطرون عيالي مع ابوهم ويتسحرون معه..

ابي ابوهم يكون حولهم ..ولدي الصغير متعود ينام عند ابوه ..

والحين يتمنى يشوفه..والسبب غلا العقار حسبي الله على من عبد

الدينار وطير العقار..حسبي الله عليهم ونعم الوكيل..

ذنبي وذنب عيالي برقبتهم...

الشقه الي كنا فيها طار إيجارها وطردونا ..وبيت يلمنا ويجمع

شملنا من جديد ما لقينا ..وما أقول غير خيره..

والله يرزقنا وإياكم الرزق الطيب المبارك..

>>>>> ردود الأعضـــــــــــــــــــاء على الموضوع <<<<<
==================================


الله يوفقك ويجمعكم سويا
عاجلا غيـــــــر اجلا


__________________________________________________ __________

مشكوره ياالغلا


__________________________________________________ __________

الله يوقكم ويجمعكم في بيت واحد ويحقق مرادكم
بالتوفيق ان شاء الله


__________________________________________________ __________

وياك ياقلبي


__________________________________________________ __________

والله يا اختي قبل شوي كنت اشوف اسعار العقار عندكم بالرياض ولقيت شقق دورين روعه واسعارها مناسبه والله يجمع شملكم