عنوان الموضوع : ترضى تبقى كدا في الاسلام
مقدم من طرف منتديات نساء الجزائر

ترضى تبقى كدا



(لما رمضان ييجي حا ألبس الحجاب طول الشهر و أول ما يظهر هلال العيد حا أعيد وأخلع الحجاب تاني وأتسشور وأبين شعري)....
ترضي تبقي كده!!

(لما رمضان ييجي حا أصلي كل يوم العشاء جماعة والتراويح كمان...وأكيد حا أسهر لحد ما أصلي الفجر جماعة وبعدين أرجع أنام وأصحى قبل العصر بشوية ألحق الظهر....
ترضى تبقى كده!!
...
(لما رمضان ييجي عاوزه أعمل جدول علشان أشوف المسلسلات وما أفوتش ولا واحدة...واللا أقول لكم هي بتعاد على قنوات تانية مفيش مشاكل حا أشوفهم يعني حا أشوفهم)...
ترضى تبقي كده!!

(لما رمضان ييجي حا أطلع السبحة والعباية والطاقية اللي جبتها من الحج وحا أروح المسجد مع جارنا الحاج حمدي وبعدها نقعد على القهوة نشرب كوبايتين شاي والشيشة هناك ممتازة)....
ترضى تبقى كده!!

(لما رمضان ييجي أكيد الفايس بوك حا يبقى تحفه..فوانيس بقى وحاجات تجنن....وفوازير والشلة حا تسليني لحد الفطار)....
ترضى تبقى كده!!


(لما رمضان ييجي حا أعمل محشي ورق عنب و كوارع وصواني رقاق وكنافة وقطايف و...العشرة الأواخر بقى كا أعمل كحك وبيتيفور والبسكوت علشان العيال بتحبه..لازم أفرحهم)...
ترضي تبقي كده!!

(لما رمضان ييجي حا أطلع المصحف تاني...أيوه أنا حطيته في الصالون من رمضان اللي فات...أصلي عاوز أختمه السنه دي بإذن الله)...
ترضى تبقى كده!!

طبعا عمرك ما حا ترضى تبقى زيهم
صح
ليه كده...وليه الناس بتعمل كده؟
حلوه الطاعة
حلو الخير
حلوة الفرحة
بس رمضان مش كده
ربنا عزّ وجلّ رب رمضان
ورب غير رمضان
كن ربانيا ولا تكن رمضانيا
إبدأ من الآن ورتل القرآن....ويا بختك يا من تكثر في شعبان الصيام

>>>>> ردود الأعضـــــــــــــــــــاء على الموضوع <<<<<
==================================




__________________________________________________ __________

ربنا يكرمك
شكرا على التواجد


__________________________________________________ __________

بارك الله فيكى اختى على الموضوع الرائع

جزاكى الله خير الجزاء


__________________________________________________ __________


__________________________________________________ __________