عنوان الموضوع : ساعدوني مهري قليل جدا جدا وتعبت نفسيتي تم الاجابة
مقدم من طرف منتديات نساء الجزائر

ساعدوني مهري قليل جدا جدا وتعبت نفسيتي



سلام بنات
بنات انا مهري قليل جدا المهم موهناء المشكله
المشكله ابي اعرف الحين انا شريت 3 جزمات اكرمكم الله وحده كعب سوداء والثانيه بيضاء والثالثه بنيه لاكن فلات المههم والشنط شريت 4 2 بيض وحده سوداء والثانيه بنيه حقت سهرات وباقي المجوهرات
طلب ابي اعرف وش اشتري من الخواتم والاطقم و الالون المجوهرات والاكسسوارت ووالخ.
...
اابي منكم انكم تقولولي وش اشتري من المجوهرات وبالتفصيل تكفووون والالوان وكم العدد
بحكم مزانيتنا البسيطه والمهر القليل الحمدلله على كل شي
والساعات انا رح اشتري حبتين او 3 لانو المهر قليل جدا جدا وياريت تقولولي وش لازم تكون لون الساعات
واخر شي انا رح انقل لمدينه بعيده عن اهلي المهم هو بيت لحالنا واهله مومعاه لانهم في دوله ثانيه لاكن امه رح تجي بس تتوقعو كم اشتري فستان طويل ؟ واحد ولااثنين لان ماحد رح يكون عايش بجنبا ولانعرف احد ؟ ولااتوقع في عازيم
وابي اعرف ووش مسلتزمات العروس انا كملت الفساتين القصيره شريت 5 وشريت بلايز وتنانير كثير لك الحمد ناقصني بجايم والداخليات وش بعد كمان من المستلزمات المهمه اللي ماذكرتهم سواء من الصديليه اومن المحلات ياريت تخبروني لان باقي من زواجي 5 شهور
المهم ابي مساعدتكم لاني مااعرف شي وربي امي بارده وانا وربي قاعده احترق وماادري المهم انتظر مساعدتكم على نار تكفون ردو على اسئلتي كله وربي يسعدكم دنيا واخره

>>>>> ردود الأعضـــــــــــــــــــاء على الموضوع <<<<<
==================================


وعليكم السلام ورحمه الله وبركاته

ياليتك ذكرتي لنا كم باقي من المهر

علشان نعرف نقسمه صح

المهم

اول شي الف مبروك حبيبتي اسال الله ان يوفق مابينكم ويسخر مابينكم
عليك بكثره الدعاء والتقرب لله انه يسخر مابينكم لبعض ويرزقكم الذريه الصالحه اللهم امين

بالنسبه للساعات::
اذا بتشترين شي ماركه اشتري ساعه وحده سوداء تكفي وتمشي على الكل
دام انك ماراح تطلعين عزائم او لك عائله لها عزائم وحموله كبيره علشان لاتضيعين فلوسك
..............

المجوهرات::
انتي ماذكرتي انك شريتي ذهب حبيبتي!
او هل تقصدين المجوهرات بذهب
المشكله ماعرف كم مهرك الباقي والا عرفت اقسم لك

المهم ابتعدي عن الاكسسورات لانها تسود وتبقع بالجلد
انصحك من قلبي اعماق قلبي اذا ماقدرتي الذهب
روحي لمحل الذهب واطلبي ( ذهب مطلي ) كذا قولي ابي ذهب مطلي
انك تدعيلي كل يوم اسعاره مثل الاكسسورات لكن
كانه ذهب وافخم ولايخرب اللون لو تكبين عليه خرشه عطر
ان كنتي من اهل الرياض دليتك على المحل

اشري ثلاث اساور (ومتوفر اللوان عليك بالذهبي والفضي والاسود او ملون )
وحلقين إلى ثلاث حلقات ( كبير صغيره والافضل يكون ناعم ولونه لولوي )
سلاسل ( ناعم وحلو وفخم بنفس الوقت )
انتي شوفي وش يناسب لك بلاللوان
خلخال

بالنسبه للفستان الطويل
اشري واحد اذا توقعتي ماراح يجيكم احد
اشري فستان طويل واحد فخم وناعم يصلح تلبسينه بالعزائم وبنفس الوقت بالبيت

وواذا يكفي فلوسك
اشري جلابيتين او جلابيه حلوه نعومه وتكون ميد للبيت ^_ّ

ياليتك ماشريتي تتناير كثير لكن اذا كانت متنوعه لاباس

البجائم :: روحي محلات الهرم
حلوه بجائم انا تقضيت منها
اشري 3 بجائم ( قصير - طويل - عادي ) ويفضل الالوان ابيض بيج وردي
يطلع حلوين عليك تقدرين تلبسينها قدامه انتبهي لهذا النقطه
يفضل ساده او لونين لاتشترين الي فيها الوان كثيره ( لان الرجل طبعية مايركز كثير خليه يظن انك محليه البجائم مو ضائع بكثره الالوان ههههه )

الداخليه :: اهم شي قطن ابعدي عن الستان
محلات نعومي
واحب اقولك شي مهم جدا ( انتبهي لابد تطقمين لون الستيان مع لون الكلوت بكل ملابسك لاتلبسين لون الكلوت اصفر واللستيان اسود يطلع بشع ضروري التطقيم لانه ملفت للرجل ويدل على رقيكك )

اشري كثير:: مثلا 2 قطن اسود سروال قطني طويل شوي للدوره
5 لون اسود كلوت مع ستيان اسود 2 حبه ( انصحك تاخذين نوع اسمه البوش اب ينفخ صدرك بس البسيه بالبيت هههههه )
5 لون ابيض مع 2 ستيانه
5 لون بيج مع 2 ستيانه
واي لون اختاري واهم شي شكلي ولابد يكون قطن
البوش اب خلي بس ثنتين والباقي قطنيه وبعضها اسفنج\وااذا كان عندك فستان عاري الكتفين اشري ستيانه علقاتها او علاقه لحالها انتي تركبينها الشفافه


الصدليه انصحك
بفوط يوميه اسمها (كير فري ) روعه روعه روعه
وهذه صورته
روعه روعه روعه
خليها اصدقاءك البسيها اذا طلعتي والبسيها بليله زواجك علشان تحميك من الرطوبه
ومريحه ولاتسبب حساسيه انا اخذته الي بالصبار انتي خوذي الي يريحك
وهذه صورتها جبتها
لك



اشري علبتين صغار وخليها صديقتك طوال شهر العسل
مريحه وتعطي نظافه ولاتسبب لك حساسيه

خوذي غسول ( اسمه قود ايفي ) وصفته لي الدكتوره
او اي غسول ( بس نصيحه لوجه الله لاتكثرين منه مره مرتين بالاسبوع تكفي )
(جهزي لك علب صغيره مثل حقت البهارات حطي فيها ملح خشن وتوضي فيه اخلطي شوي بمويه دافيه وخاصه بعد ليله الدخله وتشطفي فيه يبعد الالتهابات باذن الله
لكن تنظفي زين بالمويه بعدها من المحل )

(فرشاه اسنان ممتازه ومعجون اسنان وغسول ماركه افلون قولي للاتهاب والرائحه ممتازه )

( انصحك بقفازات البيضاء الطبيه من الصدليه تجيك كرتون صغير فيه مجموعه كثيره روعه وخاصه اذا طبختي اللبسيها علشان ريحه البصل ماتلزق بيدك وادعيلي ^_^ )

(صابون نونو للشعر لان بتكثرين من الاستحمام علشان مايتعب شعرك )

(جل لليد صغير للديتول + حلاو بولو + علوك بنكهه النعناع + مناديل معقمه + مناديل جونسون للمكياج تلقينه بالصيدليه + قصاصه اظافر + اعواد الاذن وانتبهي ماتكون ماركه رخيصه تطلع القطن ولاقدر الله تدخل باذنك عليك بماركه(infinity) ممتازه وقويه
اسكنول بالليمون للبشره ممتازه وخفيف للتنظيف الليومي + مرطب بالعسل والحليب للشفائف للصباح)
كريمات لليد التي تناسبك ولاتكثرين ان شاء الله بتقضين اذا خلصتيهم
كلهم بالصدليات تلقينهم

(وانصحك علبه صغيره تلقينها بمحلات ابو ريالين او الكماليات خخخ
روعه امي جعل يدها ماتمسها النار خلطت لي ( شبه مطحونه + بودره الجسم اطفال +بودره الجسم اللمعه المسك ) وقسمته لي بخمس علب واحد بشنطتي اليوميه
روعه للعرق والله اشتغل ولاتطلع ريحه وطلقت البخاخات
لكن اذا تتحسيين اتركيها وقولي للصيدليه افضل بخاخ عرق مايسبب حساسيه ويدوم)

(وانصحك علبه فيها مسمار مطحون او هيل مطحون نصيحه امي قبل لاانام او بعد ماقوم اتمضمضم به ينعش الريحه الفم )

(وانصحك تشترين بخاخ للفم انا ماجربته لكن خليه تحت فراشك ^_^ اول ماتقومين تعرفين كيف ريحه الفم بخي لان الرجل اذا شم ريحه شيئنه بالمراه ماينسى انتبهي لهذه النقطه )

( الحمام اكرمك الله اذا استخدمتيه وهو موجود اشتري معطرات للحمام اكرمك الله تعلقينها او بخاخ
لان لو استخدمه بعدك تعرفين وش اقصد ) وسامحيني على جراءاتي لكن نقطه مهمه

( العطر استخدمي عطر مميز بليله الدخله ) ولاتكثرين عطورات باليوم
جددي مثلاث الصباح عطر فواكه او الليل عطر فيها فواكه جميله ومنعشه
بوسط النهار عطر حلو وفخم
(لتثبين الريحه بخه على مناطق النبض الرسخ وخلف الاذن انتبهي خلف الاذن نظفيه لان بعض الرجل يحبون هذه المنظقه
امشي وكلك عطر هههههه بس لاتكتمينه والرجل يكره العطور الثقيله لاينكتم هههه

امممم وش بعد وش بعد
هذا الي اقدر انصحك فيه

صح وانتبهي انتبهي انتبهييييييييييييييييي( لوقت الدوره ) اذا كنتي الان تعانين من هواء يخرج من المهبل فانتي في خطر بوقت الجماع راح تحسين باصوات مقرفه
انتبهي بدورتك كويس واذا كنتي تعانين من هذه المشكله الان قولي لي علشان اعطيك حل

واذا لا الحمد لله لكن بوقت الدوره تدفي تدفي وبوقت الجماع طفي المكيف لان الهواء يدخل ارحامك ولما تتحركين يخرج صوت بشع ومحرج وان شاء الله تكوني فهمتي قصدي


ان شاء الله اكون وفقت لمساعدتك واذا اردتي شي انا حاضره
والله يوفقكك واذا تذكرت شي بقولك
صح وانصحك تقرين مقالات للدكتوره ناعمه الهاشمي
وخاصه مقال ( احذري لحظات الصفاء ) جدا مهم مهم
وموضوع بوصله الشخصيه
واكثري من الدعاء والاستغفار واخرجي صدقه ولو يسيره ان الله يبارك لكم ويحفظكم

بالتوفيق حبيبتي


__________________________________________________ __________

رجعت ههههههه
اشري استشوار من ماركه بروان ( السراميك )
واستشوار الهواء

واشتري( كرستال لشعر) وتلقينه بمحلات التجميل اوبالصيدليه حلو وخفيف بعد ماتتروشين تعصرين منه شوي نقطتين وعلى اطراف شعرك او من طوله لاتقربين مقدمه الشعر اذا كان شعرك دهني
حلو يساعد على التسريح الشعر

المكياج : لاتكثررررررين
وانصحك بكريم اولاي للتفتيح روعه روعه روعه
لاتعبين بشرتك بالمكياج الاوفر ترا مو حلو
بالصباح خلي اولاي كريم مع قلوس حلو وعيون مكحله وشكلك كيوت

ونصحيه :: بوقت النوم لاتحطين مكياج كثير كوفيرتي ووحده قالوا الحين رجالنا يقولون لاتنامين الا لما تحطين اوفر لانها معودته ههههههههه لا حطي كريم مرطب حلو انا احط احيانا اولاي لليل
مع مرطب الشفيف الي ذكرته فوق وكحل للعين اذا بغيتي^^

وايضا :: خمريه للشعر اشتري خمريه للشعر حبه وحده تكفي بعد ماتتروشين او قبل النوم
حطي على اطراف شعرك او خلف الاذن روعه وثابته

الموس اذا انتي تشيلين بالحلاوه او بالشمع انا اشيل بالشمع ولايعلى عليه
لكن باول ايامك وشهر العسل ماراح تلقين وقت اشري موس نسائب الي لونه وردي
تقريبا سعره 34 كذا
وحفي نفسك زين قبل الزواج
وشوفي هذا موضوع لي ان شاء الله يفيدك
؛خطواتي بالصور لإستخدام الشمع الرائع لإزالة الشعر؛

بيوم زواجك باذن الله
من اعماق قلبي اقولها لكن لاني عانيت وجلست ابكي بالحمام من الهم والغم والتعب من ( شعري)
انتبهي ( تحطين على تسريحتك بخاخات الالوان او الي تلمع او سبريت كثيييير) والله العظيم
تعبت تعب وقطعت شعري حسيت اني بصمغ احاول اشيله من شعري تمنيته وقتها احلق شعري
لاتسوين مثلي نصيحه ابعدي عنها)

لاتضيعين فلوسك
كل يوم قسميه مثلا اليوم الخميس للملابس الداخليه وخوذي معك المبلغ الكافي علشان ماتلخصين مهرك كله
قسمي اغراضك ومعها المهر والمبلغ الكافي له

وانصحك رتبي اوضاعك
اداوات الصيدليه اكتبي تحت الاغراض
وكذا


__________________________________________________ __________

ادري غثيتك حبيبتي

لكن حبيت اقولك :: لاتعصبين هذه ايام حلوه انبسطي واطلعي مروقه لاحقه ان شاء الله
لاتضعين الوقت بالهم على الفاضي

واذا حابه اي سؤال انا حاضره وتقدرين ترسلين لي على الخاص


__________________________________________________ __________

صح ونسيت اقولك اشري شرابات السراميك
لونه اسود ووردي حلوه للبيت ونعوميه

خلاص توبه ارجع ههههه


__________________________________________________ __________

لا ماتبت ههههههههههههه
وش اسوي احبك فتمنيت لك الخير الله يسعدك ويوفقك وين ماكنتي

شنطتك حقت الطلعات
حطي فيها ديتول لليد الجل الصغير تلقينه بالصيدليه + مناديل الصغيره او لفه مناديل انتي حطيها
كريم لليد بناودل
شنطه صغيره لمكياجك
بوكك يكون حلو وانيق
الرجل تجذبه شنطه اليد مايعترف بلانثى التي لاتهتم فيها

ولاتنسين _ بناودل طبعا
كريم(ميبو) للحرائق والله يحفظك اذا طبختي وحرقكك شي حلو مره