عنوان الموضوع : ابي مساعدتكم فديتكم تم الاجابة
مقدم من طرف منتديات نساء الجزائر

ابي مساعدتكم فديتكم



السلام عليكم ورحمتة وبركاتة
بنات ابي مساعدتكم وادري ماراح تردوني انشاءالله
ابي منكم تفاعل بليز انا اختي زواجها قريب اولا مرررة ماعندها خبرة ولا عارفة شلون ادبش كيف تقسم المهر اولا وشو الي تشترية اول شئ وموعارفة يعنى تشتري اكثر شئ ملابس طلعة ولا للبيت اكثر بصراحة مرة محتارة وشايلة هم وابي منكم افكار للغمرة وافكار حلوة للزفة
والي تعرف برنامج لتنسيق الزفات تكفى لاتبخل على
اي افكار حلوة جديدة بسيطة عادية قولوها لاتبخلون ولكم جزيل الشكر

>>>>> ردود الأعضـــــــــــــــــــاء على الموضوع <<<<<
==================================


يسعدني أكون أول من ترد والله يفرحها ويهنيها ويرزقها بالذرية الصالحة أمين يارب....... ألي أعرفه أنو العروس بتجهز نفسها أكثر بثياب البيت بس ما يعني هيك أنها تهمل شراء ثياب الطلعة لالا لازم تسوي العدل بين الأثنين بس ألي تزود منهم ثياب البيت لأنو العروس بأول أيام زفافها تحتاج أنها تكون أنيقة ومرتب حالها علشان تطلع بصورة حلوة لزوجها و كمان الروس بتنزار كتير ليبارك لها بالزواج كرمال هيك بشوف أنها لازم تزود ثياب البيت أكثر أما بنسبة للأفكار برسلك بإذن الله روابط برسالة خاصة لأنو المنتدى يمنع أني أحط روابط غير عن المنتدى ..ولا تنسي الصابون والعطور والشانبو والفراش والمكياج و الأحذية المنزلية والخاصة بالمشاوير و الشنط و مناشف الحمام .........إلخ أتمنى أكون أفدتك ولو بالقليل تقبلي مروري وجاري البحث عن المواقع ألي وعدتك بيها. زواج سعيد.


__________________________________________________ __________

عندي لكي افكار و ان شاء لله تعجبك الاولى
العرسان يشغلون الشموع يعني العرسان وهم طالعين من الدرج على كل درجه شمعه يولعونها وتكون على اغنية رومنسية

والفكرة الثانية بدل العصير والايس كريم فيه نافورة الشكولاته وتكون مثل قطع الفواكه مغروزة بعود وتغمص بالشكولاته وكل من العروسين يااكل الثاني....... وان شاء لله تكون الافكار تناسبك لااني بااسويها بزواجي ان شاء لله


__________________________________________________ __________

حلوه حركتكي
جربي انه تطلع بنت بزفه وموسيقى كامل بس تكون
بنت صغيره ولابسه فستان ابيض مثل العروس ولها ذيل طووووووووووووووووويل
يوصل لحد الكوشه ولما تنزل بعدها العروس تمشي عليه
وبدل ماترمون ورد جربوا الريش
والعروس تسوي من نفس خامة قماش فستانها
قطع بحجم25 في30
وتطبع اسمها واسم رجلها
او قماش ورقنز بيطلع حلووووووووووووو
وترميه على الناس
اتمنى تعجبك هالحركات


__________________________________________________ __________


~*~×
اول شيئ الف الف الف مبروك والله يتمم علئ خير يارب
شوفي عندي لك طريقه للتقسيم المهر

بسم الله نبدا×











1 / الذهب = 10 آلاف


اذاا مهرها قليلللل اختتك مرح تقدر تخلي مبلغ كبير للذهب ..وكمية الذهب تتحدد حسب أهميته عندكم ..
طبعا بيكون عندها طقم الشبكة وطقم الصباحة من زوجها ورح تحصل هدايا ذهب من المقربين منها ..
ولا تنسئ تشتري لها ساعة وحدة ع الاقل تكون غالية ..
وفيه فكرة لطيفة ..انا شخصيا قلتها لاختي وفادها في مسألة الذهب ..
كان عندها شوية ذهبات قديمة لما كانت ..باعتها وجابت لها مبلغ حليو باعتبار ان الذهب غلا
وزادت المبلغ وشرت به ذهب جديد ..








2 / ليلة العرس = 10 آلاف


1000 للكوافيرا
طبعا هذا هو السعر المنتشر عند ألكوفيرات ..
لكن فيه مشاغل توصل 1200 وفيه ب 700 هذي البيوت و850 - 900


3000 للتصوير

1000 ريال تكون للفيديو
2000 ريال للفوتو
وأعتقد المبلغ حلووو لانه الصور والفيديو هي الشي الوحيد اللي رح يبقى لك من العرس
وتقدراختك توريها صديقاتها اللي ما حضروا عرسهاا..


500 للمسكة

نفس الشي فيه أغلى وفيه أقل حسب المحل وحسب كمية الورد



500 للزفة

طبعا هذا الجزء احس فيه تفاوت كبير في الاسعار من محل لمحل ..فيه زفات مرة غالية ..
وعلى فكرة تقدرين تستغنين عن هالجزء لو انتي او اي حد تعرفينه سوا لك الزفة ..


500 للحنا

المتعارف من 350 الى 500 ...وفيه حتى ب 250 للعرايس


1000 للمشغل
تشمل حف الشعر وتنظيف البشرة ولو حابة اختك تقص شعرها او تصبغه
طبعا الصبغ وتنظيف البشرة لازم تروح قبل العرس باسبوع
تقدرين تستغنا عن حف الشعر وتنظيف البشرة وتسويها في البيت لو حابة ..


2500 للفستان

طبعا الفستان يختلف اذا بتفصل او تاجر ...التفصال يبي له ميزانية اضافية ..
بس الاجار يبتدي من 2500 عند المحلات ..
بس لو بتاجر فستان مميز من عند وحدة مفصلة فستانها او من عند مصممة رح يوصل 5000



لفستان الصباحة 1000
هذي فساتين السهرات يعني حق الصباحة عاد على حسب عاداتكم ..
البعض تفصل اكثر من واحد ..
والبعض عندهم ما تفصل ابدا بس للصباحة تاجر وانتهى الموضوع

احنا عندنا اهل الزوج يجيبون قماشتين والبنت تفصلها
وبعضهم يجيبون واحد جاهز والثاني قماش يعني يختلف ..
وانا اقول لو ما جابوا لها اختك تاجر للصباحة وتفففففك عمرها من التفصال والحوسة ..



3 / الحاجيات الأخرى = 10 آلاف







1500 للعطورات
ما له داعي تكثر عطور لانه اكثر الهدايا اللي من البعاد رح تكون عطور
وخليها تاخذ لك مجموعة من اي محل تفضلينه نكتار ، زهور الريف ، بودي شوب ..
بس انصحك خليها تختار القطع اللي تبيها بدال ما تشتري المجموعة كاملة ..



500 للمكياج
ما له داعي تكثر تاخذ الشغلات الاساسية والالوان الاساسية من كل شي
وبعدين لو حبيت تغير في الالوان تقدر تشتري
وعلى فكرة المكياج الكامل مرح تحطه الا في الطلعات والعزايم
لان في البيت اغلب الرجال يحبون الميك الناااعم مجرد كحل وبلاش وروج
طبعا المكياج يشمل :

كريم اساس ، بودرة ، شدو ، ارواج ، بلاش ، غلوس ، مناكير ، كحل سايل ، كحل عادي ، مسكرا ،
لمعة ، غليتر ، شنطة مكياج صغيرة للطلعات ، مراية صغيرة ...مدري لو نسيت شي ..


للعناية 1500
تشمل اغراض العناية الخاصة فيها ..
شامبو ، كريمات ، امشاط ، عدة المنيكير ، حمام زيت ...الخ
واستشوار وآلة حلاقة ..



للشنط والجزم 1000
..تحاول تاخذ الالوان الاساسية عشان تتماشى مع اكثر من لبسة


للاكسسوارات 500

لا تنسئ الاحزمة ومسكات الشعر تدخل ضمن الاكسسوارات



للاندروير والبيجامات 1000
طبعا تاخذ على قد حاجتها ..وتاخذ من اللي يجي طقم

واللي يجي قطع مفصولة ..


وفوطة او اذا حابة تاخذاختك روب الاستحمام


للانجري 1000

عاد هذا هوس العرايس هههه
وتحاول تنوع في الالوان والموديلات عشان ما تمل منهم بسرعة ..


للملابس 2000
طبعا ملابس الطلعات شي مهم جدا ..
تكثر من الفساتين النعومة القصيرة والتنانير القصيرة

وبنطلونات لا تكثر يكفي جينز واسود وابيض
لان احسها ما تنلبس كثر الشغلات الثانية ..
وتاخذ كم برمودا ..واكيد تكثر بلايز

وتحاول اثناء التسوق انها ما تشتري بعشوائية

يعني تحاول تفكري شو رح تطقم مع القطعة قبل لا تشتريها وتتوهق فيها ..
واذا تقدر تزيد المبلغ لان ملابس الطلعات عادة تاخذها من المحلات والماركات الغالية ..
وهي اللي رح يشوفونها الناس اذا طلعت ..



للعبايات 1000
خليها تاخذ لها عباتين وشيلتين ونقاب
احنا عندنا اهل العريس يجيبون لك عباة وشيلة مع المهر ..




وبسسسسسس

ان شاءالله كفيت ووفيت
وبالتوفيق ياربي
لاتنسينن تعزمينا هههه فديتك


__________________________________________________ __________

شكرا لك اختي amina- tolga
وشكرا لك اختي غردينا ربي يسعدكم تعبتكم معاي والله شلتو هم كبير فديتكم