مررررره خايفه
عنوان الموضوع : مررررره خايفه
مقدم من طرف منتديات نساء الجزائر
مررررره خايفه
ارجو المساعده من الجميع الله يعطيكن العافيه انا ملكتي بعد شهر وانا الا اعرف ماذا اعمل ........ ومره خايفه ارجوا المساعده انا في جده اي وحده في جده تقلي اماكن فيها فساتين حلوه واذا فيه اماكن اجار افضل ............وما الاستعدادات وافكار كل شي ,,,,,,,,, ارجوا المساعده لاني وحيده ولا اعرف ماذا اعمل
>>>>> ردود الأعضـــــــــــــــــــاء على الموضوع <<<<<
==================================
الله يحيك حبيبتي دلوعة حرب
انا دخلته زمان الناس الي يشتغلو فيه متابعين الموضه وفي كمان اسواق اليمامه اغلب محلتها
اتحولت الى فساتين افراح وملكه وانتي اذ دخلتي المحل اسالي اول شي عن الموضه الدارجه
هذي السنه ومو محل واحد ادخلي كذا محل الين تكوني فكره عن كل شي في بعض اصحاب
المحلات الله يهديهم اهم شي يصرف بضعته ويسوي انه فاهم في الموضه ويقول هذي موضة
السنه واحسن شي خذي معاك واحد كبير يساعدك زي الوالده او اختك الكبيره لاتروحي لوحدك
احسن لك والله يوفقك ويكتبلك السعاده مع شريك حياتك
__________________________________________________ __________
ياحياتي نشاء الله الف مبروك ؛ وعقبال الفرحة الكبيرة يارب
شوفي ياعسل ؛ اذا كانت ملكتك كبيرة وفي قاعة كبيرة افضل انه يكون فستانك مكلف
شوي يعني يكون نافش شوي واذا تقدري بتصميم يكون افضل؛ وفي عندك مركز اليمامة
التجاري مرة حلو وفيه كل احتياجات العرايس ؛ والفساتين كمان اسعارها معقولة وراح
تلاقي الجاهز والتفصيل والتصميم والايجار ؛ اما بالنسبة اذا كانت ملكتك مختصرة يعني
في البيت او في استراحة صغيرة فافضلك يكون فستانك بسيط ويكون لونه هادي ويبرز
جمالك ؛ وفساتين العرايس البسيطة الحلوة تحصليها في عزيز مول في الدور الثاني
او في الصيرفي مول موديلاتها بالمرة حلوة ونعومة .
وبالنسبة للاكسسوار والحذء عى حسب لون الفستان
والمسكة لو تكون ورد طبيعي يكون احلى وكمان تكون متناسقة مع لون الفستان
بالنسبة لكاسات العصير كمان راح تلاقيها في مركز اليمامة في محلات الاكسسوار
وهي عبارة عن كاسات مزينه بنفس لون فستان العروسة
ودحين نجي لعلب الملكة وهي هدايا توزع من العرسان للمعازيم وراح تلاقيها في
محلات علب الافراح هذي المحلات متوفرة بكثره في الصحيفة والكندرة
انشاء الله اكون افدتك ؛تقبلي مروري
__________________________________________________ __________
ماشاء الله الاخوات ماقصروا
وعندك فساتين في المساعدية مرة حلوة والكندرة مول والجامعة مول وعموما اي سوق تلاقي فية كل مايخص العروس
طمنينا عليك وعلى التجهيز
والله يتمم لك على خير
__________________________________________________ __________
__________________________________________________ __________
الف الف مبروك مقدمآآ
والله يتمام عليك بخير
دمتي بخير
_______
رد مع اقتباس
