زغاريدسوريه( حموية )بقولوها النسوان (الحريم )بالأعراس
عنوان الموضوع : زغاريدسوريه( حموية )بقولوها النسوان (الحريم )بالأعراس
مقدم من طرف منتديات نساء الجزائر
زغاريدسوريه( حموية )بقولوها النسوان (الحريم )بالأعراس
هي زغاريد حموية بقولوها النسوان بالأعراس
اوها يا عريس لا تعبس
اوها فريد البقجة والبس
اوها شورابك عروق الريحان
اوها وسوالفها عروق النرجس
لي لي لي ليش
******************
اوها ببيتنا رمانة
اوها حامضة ولفانة
اوها حلفنا ما منقطعها
اوها ليدخل عريسنا بالسلامة
لي لي لي ليش
*******************
اوها سعيد يا واحد
اوها محمد يا تنين
اوها واللي ما بيصلي عالنبي
اوها يعدم العينتين
لي لي لي ليش
*******************
اوها عاللعلي عاللعلعي
اوها يا صبايا تجمعي
اوها يا ليل طول طول
اوها ويا شمس لا تطلعي
لي لي ليش
*******************
اوها حصنتك بياسين
اوها ويازهر البساتين
اوها يا مصحف صغير
اوها على روس السلاطين
لي لي لي ليش
*******************
اوها شو هالنهار اللايق
اوها وفرحتلنا الخلايق
اوها وطقت قلوب الاعادي
اوها ولمن حقت الحقايق
لي لي لي ليش
*******************
اوها ديارنا كبيرة
اوها ودرج الحمام فيها
اوها وام العريس فرحانة
اوها والله ربي يهنيها
لي لي لي ليش
*******************
اوها يا عريس ريتو مبارك
اوها يا عريس السبع بركات
اوها وان شاء الله لما بيجيك صبي
اوها وبتكمل الفرحات
لي لي لي ليش
*******************
اوها جبينك بيلمع
اوها ادانك بتمسع
اوها ما منطلع من هون
اوها لتطعمينا ما ها لمجمع
لي لي لي ليش
*******************
اوها رفاع راسك واقشعها
اوها قبل ما تفرد مجمعها
اوها وان كان لك صاحبة اهجرا
اوها وباب القهوة لا تعبرا
لي لي لي ليش
*******************
اوها يا جماعة كلكن
اوها وما نسينا فضلكن
اوها واليوم عنا
اوها وان شاء الله بكرة عندكن
لي لي لي ليش
*******************
اوها العريس يا واحد
اوها اخوه يا تنين
اوها يا خرزة زرقا
اوها ترد عنهن العين
لي لي لي ليش..
*******************
أوها يا صحن رز بحليب
أوها كل ما برد بطيب
أوها كلنا أهلية
أوها و ما في حدا غريب
لي لي لي ليش..
******
اوها طولك طول العلم
أوها و حواجبك خط القلم
أوها كنك شريف مكة
أوها تتفتلي حوالي الحرم
لي لي لي ليش..
*******
أوها صلوا على النبي
أوها و زيدوا بصلاته
أوها و يلي بيصلي على النبي
أوها يطعمه زيارته
لي لي لي ليش..
*********
اوها طبخنا لبنية وحشيناها شراطيط
اوها والناس بتنقط بالدهب
اوها ونحنا بنقط بالزلاغيط
لي لي لي ليش
**********
اوها ياما دبكو برجليهن
اوها ياما تغامزوا بعينيهن
اوها وقالو فلانة ما بتحبل
اوها حبلت وقلعت عينيهن
لي لي لي ليش
*********
اوها ياما قعدو جنبي
اوها وياما حرقو قلبي
اوها قالو فلانة ما بتحبل
اوها حبلت ونصرني ربي
لي لي لي ليش
*********
اوها صلوا على محمد ووقتو وساعتو
واللي ما بيصلي على محمد تطق مرارتو
لي لي لي ليش
********
اووها يا صحن تين
أووها مجلل بالياسمين
أووها وعروستنا حلوة
أووه وما طبقت العشرين
********
أووها يا صحن فتوش
أووها والصحن منقوش
أووها واللي ما بيحب العرسان
أووها يصير متل ياسين بقوش
*********
أووها اصبعتي مدوحسة
أووها والتانية مبقبقة
أووها وانا بنت خالة العروس
أووها ولا تقولو عني ملألأة
*********
أووها فزت العروس على حيلها
أووها وهر اللولو من ديلها
أووها وما تقولو عروستنا وحيدة
أووها في تنتين غيرها
***********
اوها ام العريس الله يعطيكي
اوها والسعادة بتواتيكي
اوها وعقبال فرحتك بالكمالة
اوها ومنجي منكافيكي
لي لي لي ليش
*********
اوها ام العريس انا جوعانة
اوها وبدي صفيحة مأمرة
اوها وان شاء الله بتضلي سالمة
اوها وديارك معمرة
لي لي لي ليش
**********
أوها والقطة قالت :نو
أوها والكلب قال: عو
أوها واللي ما بيفرح لفرحتنا
أوها انشا الله ما بيطلع عليه الضو .......
لي لي لي لي ليش
*************
أاوها وطبخنا محشي
ااوها على البلاط بيمشي!
أاوها ولحنا صبايا حماه
اوها والله يبلبقلنا كلشي
اويها وبتمنى شوف ردودكن
>>>>> ردود الأعضـــــــــــــــــــاء على الموضوع <<<<<
==================================
حلوين انا كان من زمان نفسي اعرف ايش يقولو والحين بس عرفت لك مني ارق تحيه حياتي
__________________________________________________ __________
شكرا حبيبتي على الزغاريد
__________________________________________________ __________
الله لايحرمني هالطلات الحلوه
دمتن بحفظ الرحمن
__________________________________________________ __________
السلام عليكم
شكرا على الزغاريد
بس هي مو خاصة باهل حما فقط
بل كل اهل سوريا بقولوهم
__________________________________________________ __________
السلام عليكم ورحمة الله وبركاته
حلوين كتير هاي الاهات
انا بحبها كتير كتير
الله يوفقك يا رب ويسعدك ان شاء الله
رد مع اقتباس
