عنوان الموضوع : طريقة أستخدامي للشامبو خلت شعري يتغير 180درجه !! -للعناية بالشعر
مقدم من طرف منتديات نساء الجزائر

طريقة أستخدامي للشامبو خلت شعري يتغير 180درجه !!





السلام عليكم ورحمة الله وبركاته

أتمنى تقرون الموضوع للأخر عشان تستفيدون وتدعونلي


يا بنات كنت أعاني من تساقط شديد بشعري


احترت شسوي وشعفس

لين لقيت الحل تبارك الرحمن واستخدمت خلطة اختي أم صلاح لتطويل وتكثيف الشعر

لله الحمد الخلطه فادتني بشكل موطبيعي وخففت التساقط بشكل عجيب وخصوصا لما أمشط شعري

يعني يادوب أشوف شعره أو ثنتين بالغلط,, لكن المشكله ان شعري ليلحين يتساقط وقت السبوح

ودايما أستغرب هالشي ويضيق خلقي لأني عارفه وموقنه أنه سبب التساقط مو من الدهن اللي أحطه على راسي

لين على يوم دخلت موضوع يحمل نفس العنوان

(( طريقة أستخدامي للشامبو خلت شعري يتغير 180 درجه ...!! ))

قلت أدخل مو خسرانه شي.. ولما دخلت وشفت الطريقه تعجبت لشيين

الاول: ان الفكره ماتطري على البال
الثاني: ان الطريقه أسهل منها مافي


وانا ماراح أبخل عليكم بشي.. والتجربه خير برهان

وربي يشهد علي اني من اتبعت هالطريقه والتساقط أثناء السبوح خفففففففففففففف بشكل عجيب

والطريقه كما يلي:-

إذا كنتي تستخدمين الشامبو في حمامج فانتبهي تحطينه على شعرج مباشره

هذا أكبر غلــــــــــــــــــــــط دخلي معاج الحمام (تكرمون قلاص) وحطي كميه قليله من الشامبو وضيفي عليه ماي

ورجيه لين يمتزج تماما الماي بالشامبو وتتكون رغوه كثيفه.. وحزتها عاد حطيه على شعرج وغسليه كثر ماتبين

بتقولين ماينظف الشعر جذيه.!!. بقولج عالعكس بتحسين برغوه منعشه خفيفه على الفروه وعقب السبوح بتحسين ان فروة راسج نظيييييفه والقشره خفت ومع الاستمرار القشره بتكون من الماضي..


فأنا شسويت ماحبيت أعتمد على الشامبو بس في غسيل شعري تذكرت أيام ماكان شعري طويل من أيام الابتدائي وطريقة أمي

في غسل شعري وسبحان الله كان شعري حزتها رغم صغر سني غايه في الروعه بدون مبالغه

كانت الوالده الله يحفظها ويطول بعمرها أول ماتغسل شعري تغسله بصابون الرقي (الغار)
لين الشعر يصير شوي ناشف وهذا يدل

على إن الشعر نظف تقريبا مرتين بالسبوح الواحد ترغي الصابون تفرك شوي وتغسله بالماي وبالمره الثالثه تغسله بالشامبو

وظليت مستمره على هالطريقه لين دخلت المتوسط وعقب استصعبت الموضوع واعتمدت الشامبو بروحه في كل استحمام

وبدا شعري بالتساقط من أخر سنه لي بالثنوي والسبب ان الاثار الجانبيه للشامبوهات مانحس فيها على طول وانما تأثيرها

تراكمي مع الوقت يبين ،، لين خف موليه..فقررت أبلش من يديد وخصوصا ان الدهن طبيعي ولله الحمد مفيد بدرجه كبيره ،،

حبيت

أبلش بدايه يديده طبيعي x طبيعي عقب ماحط الدهن مده على شعري أغسل شعري أول شي بصابون الرقي الاصلي وانتبوا

على كلمة الأصلي، ولما ينظف شعري من الدهن أغسله مره وحده بالشامبوا اللي سبق وخففته بالماي..


والنتيجه رااااااااااااااااااااااااااائعه والله ياخواتي انكم بتدعونلي ،،شيين أثناء غسيل شعركم لاتستغنون عنهم صابون الرقي والشامبو المخفف بالماي ونصيحه مني استخدمو الشامبو الاندونيسي ميتال.. وبتشوفون ان شعركم شيئا فشيئا بيتحسن والاهم من هذا كله ان التساقط والقشره مالهم وجود
والشعر صحي وكثيف وطويل بإذن الله...

ولا تحرموني من دعواتكم الطيبه

منقووووول

اختكم

>>>>> ردود الأعضـــــــــــــــــــاء على الموضوع <<<<<
==================================


جزاك الله خير حبيبتي ..~
استفدت جداً من هذا الموضوع ..
شكرا لك ♥


__________________________________________________ __________

يعطيكِ ألعآفيه عزيزتي ، شكرآ لكِ ^^


__________________________________________________ __________

بارك الله فيك


__________________________________________________ __________


__________________________________________________ __________